I Cililo 4:16 - Luganuzi Luswanu Kuli Wanhu Wose 2002

¹⁶ Nayo Muwaha Mulungu, hamba si yawatununhicila yaye, Nhondo ho yakacila kuweyagaza. Hamba si yawakumbucila yaye i wakohani wetu, hamonga ne walongola.

I Cililo 4:16 ပူးပေါင်းရင်းမြစ်များ

Mwamulizo 49:7

Likuwo lyawo lilijitwe, vyono likwaka muno, no wukali wawo wulijitwe, vyono wusina lusungu. Nane noweyagaza mu yisi yose ya Yakobo, heya, nowatemanula mu yisi ya Isilayeli.

2 Zinghomo 36:17

Na ku soko yiyo, u Muwaha Mulungu, yakawa kumutegula mutemi wa Babiloni yabite yakawahome. Nayo mutemi yakawawulaga wazelelo wose wa Yuda, sunga na wono wali mu Nyumba yo Mulungu. Yali yasina lusungu kuli munhu wo wose we cilume hamba kuli we cicekulu, hamba kuli wazelelo ne wahinza, hamba kuli wono wali watamigwe hamba wono wali waswanu. Nayo Mulungu yakawatajila wanhu wakwe mu miwoko ya Nebukadineza.

Zabuli 106:27

kanyhi na vyono zindelo zawo, koziyagaziza muli wanhu, wono si wamumanyile Mulungu, koweyagaza mu yinze yose.

Zabuli 106:44

Ninga hamba nhavivyo, yali yeza kucihulika cililo cawo, no kugawona magazo gawo, gono wagazagwa.

Isaya 24:2

Ne wanhu wose wolokwiyagazwa, i wakohani hamonga ne wanhu. Watumwa, hamonga ne wawaha wawo. Wono wakugula, hamonga na wono wakuguza. Wono wakwazima, hamonga na wono wakuwazima. Iwagoli, hamonga ne waciwa.

Isaya 47:6

Nali niwakoleywe likuwo wanhu wangu nghawa kuwatendela nha kotya si wanhu wangu Nghawawika mu miwoko yako. Nagwe hamba si wawawonela lusungu yaye, sunga ne wakombi wose wukawatendela vibi muno.

Yelemiya 15:4

Nane nowanoza i wanhu, wawe nghani ya wogofye, kuli wanhu wa mono'nze yose, ku soko ye nghani yono Manase u mwana wa Hezekiya, yetuma mu Yelusalemi, lono yali mutemi wa Yuda.”

Yelemiya 24:9

Nane noloweyagaziza mu zinghugugo zose za kono'nze, ho watuje wongomezwe wubi. Ne wanhu wose wolowezwajiza no kuwahosa hamonga no kuwasekanga, no kuwalijita, ho hose hono noloweyagaziza.

Yelemiya 52:24

Hamonga na zizo, yuyo Nebuzaladani, u muwaha we wasilikale walindilizi, yakawasola nha wafungwa, Selaya u mukohani muwaha, na Zefaniya u mukohani mutazi, hamonga na wanji wadatu, i wetumami wawaha wa mu Nyumba yo Mulungu.

I Cililo 2:20

Gwe go Muwaha Mulungu, wuwalanje wawo ta, wono wukuwatamisa, wo wa nani wene? Alu wulanje vyono sunga ne wacekulu nhondo, weza kulya ne miwili ye wana wawo wono wawendile! Sunga ne wakohani hamonga ne wawizi, nawo nhondo weza kuwulajilwa mu Nyumba yako mugati!

I Cililo 2:6

Kayikumulanga Nyumba yo Mulungu, yono cenjilaga cikumuhemba. Yaciwusiza ne vilo vyetu vye zi sikukuu na vye zi Sabato. I watemi hamonga ne wakohani, wose wawuwona wukali we likuwo lyakwe.

I Cililo 5:12

I walongola wetu nawo, wakwibatwa, wakunyongwa. I wakombi wetu, si wakupegwa cogopo yaye.

Ezekiyeli 5:10

Na mu ndipicizwa yiyo, iwalezi wa mu Yelusalemi, wololya i wana wawo, nawo wana wololya walezi wawo. Nolomulipicizenyi no kumwiyagazizenyi mu malanga gose, kanyhi holowa hasina hamba yunji mono yalasigala mumi.

Wukumbucize wo Wulajilize 28:25

“Nayo Muwaha Mulungu wenyu, kowapela wusume i walugu wenyu, wamusumenyi. Anye mowahoma ku wulawa ku lubavu lumonga, ninga kanyhi motiza no kwiyagala caka caka. Ne wanhu wose wa mono'nze, woziwona wezine muno kuli zono zakondya kumwaganenyi.

Wukumbucize wo Wulajilize 32:26

Nane nowongomezeza wose lukulu, hawe hasina yunji hamba monga mono kolowakumbucila kanyhi.

Wahebelaniya 8:9

Ne cilagane cico si cowa cihwanile ne cilagane acilya lono nawebatila muwoko niwahamye mu yisi ya Misili. Hambi nha si wekalaga mu cilagane cangu. Holeka nane sinawalanga, yakutya u Muwaha.