I Cililo 4:13 - Luganuzi Luswanu Kuli Wanhu Wose 2002

¹³ Heya, zizi zejela, ku soko wawizi wawo wetuma wubi, ne wakohani nawo wakasutya, no kwambuza lifwa, kuli wanhu wono wasina masutya.

I Cililo 4:13 ပူးပေါင်းရင်းမြစ်များ

Yelemiya 14:14

U Muwaha Mulungu nayo yakapitula yakatya, “I wawizi walonjelaga mwi'tagwa lyangu, zinghani zo wulambi. Ninga 'ne hamba si niwatumile yaye, hamba kuwalajiliza nghani yinji yaye, hamba kuwalonjela nghani monga du. Holeka wene wakulonga zo wugubulilwe wono si wulawile kuli'ne yaye. Ku soko yiyo, u wuwile wawo, mbeka wusina cambuzi hamba cidodo bwete, hambi gago nha mahweso gawo du, gono wehwesize weneco.

Yelemiya 2:20

U Muwaha Mulungu yakutya nhavi, “Agwe Isilayeli, wulawa katali walema wutonji wangu, wukalema kuhulika 'ne no kuhemba nene. Langa wukawa kubita mwi'tunda litali, na mu masina ge mabici gono gadedewaye, wukawa kuhemba i milungu yinji.

Yelemiya 2:30

Nghamulipicizenyi, ninga wulipicize wangu wono nghamulipicizenyi, hamba si wakwila cinji yaye, nanye hamba si mwenda ho nimugomolenyi. Mukawawulaga i wawizi wenyu, mukehwana nhe simba yono yisagahaye muno.

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Yelemiya 6:13

Hambi wanhu wose i wadodo sunga ne wawaha, nha wahidimbaliye mu wutujila sawo, mu zinzila zo wuhizi du. Sunga ne wawizi, hamonga ne wakohani, nawo wose wakwituma metumo go wukoci du kuli wanhu.

I Cililo 2:14

Sunga ne wawizi wako nawo, weza wasina cinji cono wokulonjela, langa zo wulambi-lambi du. No wuganule wawo wukukongaga du, hamba si wukuwa kukulajila zo wubi wako. Na mu nzila yiyo, wakukunoza agwe, ho wiwone nha vyono wusina soko yo kunena.

Ezekiyeli 11:6

Hambi nha mwakondya kuwawulaga wanhu wenji mu muno mwi'kaya lili, sunga ne likaya lyose, lyamema mivimba ya wanhu.

Ezekiyeli 22:25

Hambi i walongola wayo nha wehwana zisimba zono zikolomelaga zinimu zono gakondya kuziwulaga. Hambi nha weza wawulaga wanhu, wakusola mapesa menji, hamonga ne vinhu vyo wuguzi wukamu. Na mu nzila ye wanhu wawulaji, wono wawapelaga pesa ho wawulaje wanhu, nalu wakondya kuleka wacekulu wenji wono wafwiliywe ne walume zawo.

Matayo 23:31

Na ku soko yiyo, holeka mukuhomelela vyono anye nanye mo weneco kumbe, muli wana wa wawo wono wawawulagaga i wawizi,

Metumo ge Watumwa 7:52

Wahayi muyagwe ne wawizi, mono si wamugaza iwakuku zenyu? Wakawawulaga awalya wono Mulungu yawatuma wawalonjele wanhu zo wuze wa Mono yali ling'ani, alu nanye mukamugaluka, no kumuwulaga.