I Cililo 3:64 - Luganuzi Luswanu Kuli Wanhu Wose 2002

⁶⁴ “Gwe Muwaha Mulungu, wuwalipicize mu nghango ye metumo gawo.

I Cililo 3:64 ပူးပေါင်းရင်းမြစ်များ

Zabuli 28:4

Wuwalipicize nha vyono genha metumo gawo, nha vyono genha masutya gono wetumile. Wuwalipicize mu nghango ye metumo gawo, wuwatendele nha vyono yiwanojeye.

Yelemiya 11:20

Hobaho nane nghawa kumulomba Mulungu nghatya, “Gwe go Muwaha Mulungu u Mulungu we mihanga, agwe yo gwegwe mono wuli muling'anizi we ling'ani, kanyhi yo gwegwe du mono kuwajelaga i wanhu mu zinhumbula zawo, sunga na mu mitima yawo mugati. Holeka nane luno, nghuziwika zinghani zangu mu miwoko yako, nane nghulanjiliye wuwalipicize wanhu wawa.”

Yelemiya 15:15

Hanyuma nane Yelemiya, nghapitula nghatya, “Gwe go Muwaha Mulungu, agwe go mweneco wuzimanyile. Ninga langa wunghumbucilaje, wumhele wutazi. Nghukunena wundipicizize simbili yangu kuli wose wono wakumhela magayo. Wulece kuwakangalila wawo, ho walece kusuma kumbulaga. Kanyhi wukumbucile vyono ane nghutovulwa ku soko yako gwegwe.

Yelemiya 50:29

“Walonjele i wanhu wo wupinde, wewikanize, wayihome Babiloni. Muwategule wanhu wose wono wamanyile kuwitumamila wupinde ne zisonga. Mulipilime likaya, kanyhi mulanjilile, mulece kumuleceleza yunji wo wose yatije. Mulilipicize ku soko ya zose zono lyetuma. Kanyhi mulitendele nha vyono lyene lyawatendela wanji. Hambi nha lyazinozaga zizo zose ko widunhumuzi hali 'ne, ane mono nelile wa Isilayeli.

Yelemiya 51:24

U Muwaha Mulungu yakutya nhavi, “Ninga nane luno, nomulipa Babiloni hamonga ne wanhu wayo, muli zimbi zose zono wetuma mu Yelusalemi.

Yelemiya 51:56

Walugu nha waza ho wayongomeze Babiloni, ne wasilikale wayo wakutekwa, ne mapinde gawo gakubeneka. Hambi ane nha yo nene Mulungu, mono niwulipicizaga wubi. Nane noyitendela Babiloni nha vyono yene yinojeye.

Yelemiya 51:6

Mutize wulawa mu Babiloni! Munhu yeponye nhumbula yakwe! Mulece kutamisizwa lukulu so wubi wa Babiloni. Hambi nha go madaha gangu luno, go kwilipiciza cilipicizo cangu kuli wene, nha vyono yiwanojeye.

2 Timoteyo 4:14

Ayulya u mutyani we vyuma vidunghu, mono kacemwaga Alekizanda, yanhendela vibi muno muno, ningo Muwaha komulipa nha vyono genhe metumo gakwe.

Wugubule 18:6

Ale, mumutendelaje nha vyono yamutendelenyi nyenye, mumuwuyajizaje kejete nha vyono genha i metumo gakwe. Memyenyi i cikombe cakwe ko wung'we wukali kali kejete, si nho wung'we awulya wono u mwene yamupelenyi.

Wugubule 6:10

Nawo wakalila kwe'zi 'waha wakutya, “Agwe go Muwaha, mono welile kanyhi mono wuli mwihuwilwa, alo sunga vipulute vilo vilinga, ho wuze wuwaling'anize no kuwalipiciza wose wono wekaye mono'nze, ku soko yo wuwulagwe wetu wono wali kuciwulaga?”