I Cililo 3:57 - Luganuzi Luswanu Kuli Wanhu Wose 2002

⁵⁷ Wukamhitula, wukanonjela vyono wulece kogopa.

I Cililo 3:57 ပူးပေါင်းရင်းမြစ်များ

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

2 Watemi 19:6

“Muwaha Mulungu yakukutya vyono, Waashuli walece kukogofya, no wulonje wawo wono wakutya vyono, Muwaha Mulungu si kosuma kukuponya.

Zabuli 138:3

Nane lono nakulilila, nagwe wukahulika, kanyhi wukasikamya kwe vilungo vyako.

Zabuli 145:18

Muwaha Mulungu yali behi, na wose wono wakumucemeleza, kuli wose wono wakumucemeleza, kwe nhumbula yo winenenyhezi.

Zabuli 69:18

Wunyizize, wumhonye, wumhonye kuli walugu wangu wenji.

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 41:14

Kanyhi Muwaha Mulungu yakutya, “Anye nyo Isilayeli, hamba muwe muli wacefu, kanyhi muli wasocele nhe nyongololo, ninga mulece kuwa no woga, hambi ane nha nomutazenyi. Ane mono nelile, u Mulungu wa Isilayeli, yo nene du mono nomuponyenyi.

Isaya 58:9

Na lono mukulomba, nane nomupitulenyi wulombe wenyu. Na hono munyheme, nane nokwidika. “Na hono mbeka mulecele lukulu kuwewonela wanji, hamonga no wukonyeza wanhu na cidole ko kuwabedegala, no kulecela lukulu makani gose mabi,

Yelemiya 1:17

Holeka, aluno wiwikanizaje 'gwe Yelemiya, wubite wukawalonjele zinghani zose, zono ane nghukulajiliza wukazilonje. Ninga luno, wulecele lukulu kuwogopa. Na hono wuwogope, nane nokunoza wucile kuwogopa lono wuli hali wene.

Metumo ge Watumwa 18:9

Mwi'zuwa linji ne cilo, u Muwaha yakamulonjela Pawulo mu wugubulilwe, yakutya, “Wulece kogopa, langa wujendelele kuganula du, wulece kunyamala,

Metumo ge Watumwa 27:24

kawa kunyitya, ‘Pawulo, Wulece kogopa, nha si koleka kwima hali Kayisali, na langa ta, u Mulungu so wuswanu wakwe, kakuwonela lusungu ko kuwaponya wose wono mukujendana nawo ho walece kwajilila.’

Wahebelaniya 7:19

Vyono i lilajilizo lya Musa si lyasuma kukwilaniciza cinji. Ninga aluno i hanhu hayo, hakondya kuwicilwa u witumbilo u wuswanu wucizize, wono so wuwo, ase cosuma kumusejelela u Mulungu.

Yakobo 4:8

Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!

Wugubule 1:17

Holeka nane naza kumuwona du, hobaho nghagwa ha magulu gakwe nha fwiye. Ninga mwene yakanjeleka muwoko wakwe wo kulume, yakatya, “Wulece kogopa! Ane yo nene wo Mwamulizo na wo Mudumo.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwatajila wanji wayenyu mu jela, nanye motuga magayo mu vilo yikumi. Holeka, mweze muli wehuwilwa kuli'ne, sunga ko ku wufwe, nane nomupelenyi wumi, co cihumbilizwa cenyu co wusume wenyu.’