I Cililo 3:56 - Luganuzi Luswanu Kuli Wanhu Wose 2002

⁵⁶ Nane nali neza kukulomba wuhulice cililo cangu, nagwe wukahulika.

I Cililo 3:56 ပူးပေါင်းရင်းမြစ်များ

2 Zinghomo 33:13

Nayo Mulungu, yakawuhulika wulombe wakwe, yakamugomola yawuye ku Yelusalemi, yakawe mutemi kanyhi. Ne nghani yiyo, yikamunoza Manase yamanye nha vyono, u Muwaha Mulungu, yo Mulungu du yali wene.

2 Zinghomo 33:19

Na vyono mutemi yalomba, na vyono Mulungu yakamupitula, hamonga du no wubi wono Manase yetuma, lono yali yakali si nanena, hamonga ne zimbi zose zono yetuma, ze hanhu ho wuhembelo we wanhu wono si wamumanyile Mulungu, ne vihwani vyo mulungu we cicekulu Ashela, vyono yasesa, hamonga ne vihwani viseswe, vyono yavihemba, lanje, zose zizo zandicigwe mu citabu ce zinghomo ze wawizi.

Jobu 34:28

Wakuwanoza waciwa sunga wamulilile Mulungu nayo Mulungu yakucihulika cililo cawo co kulondola wutazi.

Zabuli 3:4

Nane nghumulilila Mulungu kwe'zi, ho yanhaze, nayo kamhitulaga mu wulawa mwi'tunda lyakwe lyono lyelile.

Zabuli 34:6

Nayo muciwa yamulilila Muwaha Mulungu, nayo yakamuhuliciza, yakamuponya mu wugaye wakwe wose.

Zabuli 5:2

Wuhulicize cililo cangu, 'gwe Mulungu go mutemi wangu, hambi nha yo gwegwe du mono nghulombaga.

Zabuli 5:3

Gwe go Muwaha Mulungu kulihulikaga lizi lyangu hakali mitondo muno muno, nane nghulavizyaga likumbiko lyangu hakali mitondo, hanyuma niwa nghulanjiliye.

Zabuli 55:1

Gwe go Mulungu, wuhulicize wulombe wangu, wulece kuwutumbila mugongo wulombe wangu.

Zabuli 55:18

Mwene komhonya no kumbika mholile, mu wulugu wono cidomile nawo, hambi walugu wangu nha wenji muno.

Zabuli 55:2

Nghukunena wuhulicize kanyhi wumvumile, nakondya kukatazwa no wugazice wangu.

Zabuli 66:19

Ninga alu mbeka Mulungu kahulika, heya mbeka, kawuhulika wulombe wangu.

Isaya 38:5

yabite kanyhi kuli Hezekiya, yakamulonjele yatye, “Ane no Muwaha Mulungu, no Mulungu wo mulezi wako Dawudi, niwuhulika wulombe wako, nigawona ne mahozi gako. Holeka nane lu, nokuleka wikale mumi, sunga myaka yikumi na mihano.

Danyeli 9:17

Holeka 'gwe go Mulungu wetu, nghukunena wuhulice wulombe wangu, hamonga no wunene wangu. Nghukunena wuyinozeleze Nyumba yako, yono yali yakondya kuhodangwa. Wuyinozeleze, ne wanhu wose ho wamanye vyono agwe yo gwegwe go Mulungu.

Walumi 8:26

Nhavivyo no Muhe nayo yakucitaza mu wusocele wetu. Hambi nha si cimanyile vyono yicinojeye kulomba, ninga u Muhe mweneco, yakuwa kucilombela kuli Mulungu, ko wulilanzice no wukalale si wakulonga.