I Cililo 3:51 - Luganuzi Luswanu Kuli Wanhu Wose 2002

⁵¹ Ne nhumbula yangu, yikalaye muno, lono nghuziwona zono zawejelela wacekulu wa mwi'kaya.

I Cililo 3:51 ပူးပေါင်းရင်းမြစ်များ

Mwamulizo 44:34

Ane 'mbi nosuma nhawule kumuwuyila baba akuno nimusina Benyamini? Na mbeka si nosuma kukangalila hamba hadodo kuziwona zimbi zono zomutuga baba.”

Yelemiya 11:22

Ale! Nayo u Muwaha Mulungu we mihanga yakatya, “Ale, heya, nowalipiciza! I wazelelo wawo, wowulajilwa ku wulugu, nawo i wana wawo, i wahinza ne wazelelo, wofwa ne nzala.

Yelemiya 14:16

Ne wanhu wose wono wali kulonjelwa zizo, nawo wowulajilwa mu nzila yiyo du. Ne mivimba yawo yogumilwa caka caka mu zinzila za mwi'kaya lya Yelusalemi. Na holowa hasina munhu wo wose mono koloyizika i mivimba yiyo. Ne nghani yiyi, yolowaziza wene wose, hamonga ne wagolece zawo, ne wana wawo we cilume na we cicekulu. Nane nolowalipiciza mu nghango ye metumo gawo mabi vyono genha.”

Yelemiya 14:18

Nane lono nghubita mu mawimbi, nghuyiwona i miwili ye wanhu wono wawulagwe mu wulugu, na kolo nghubita mu makaya, namo nghuwawona i wanhu wono wakugaya no kufwa so nzala. Ninga nawo i wawizi hamonga ne wakohani, wene wajendeleye du ne milimo yawo, hamba kumanya yaye na cono wakwituma.”

Yelemiya 19:9

Ne walugu nawo wololipilima likaya, wawawulaje i wanhu wose wono wali mumo. No wupilimwe wuwo we likaya, wolowa wa wogofye muno. Hambi i wanhu wono wolowa wali mugati, nha wolowa kwiyilya weneco wose, wolowa kulya sunga ne wana wawo.”

I Cililo 1:18

“Ninga Muwaha Mulungu yo we ling'ani, hambi nha yo nene mono si nali kwenda kumuhulika. Holeka muhulicizaje anye wanhu wose, muwuwone wugaye wangu. Hambi i wazelelo wangu hamonga ne wacekulu, nha wakondya kusolwa no kutegulwa kutali.

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

I Cililo 2:21

Alu i wadodo ne wakombi, wose nha wagwiye wafwiye mu zinzila. I wazelelo hamonga ne wacekulu, wose wakondya kuwulagwa ne mimaje ye walugu. Kuwawulajila mwi'zuwa lye likuwo lyako, wusina hamba lusungu.

I Cililo 3:50

Sunga lono Muwaha Mulungu, kolo yakulanga hasi ku wulawa ku wulanga yaciwone.

I Cililo 3:52

“Walugu wangu wakangwiza mu mutego mbula soko yo kusulila.

I Cililo 5:11

Ne wagolece zetu nawo, wakwibatwa ne walume, no kugona nawo kwe vilungo mwi'tunda lya Sayuni, na mu vitumbi vyose vya Yuda. Ne wana wetu we cicekulu, nawo wakudindimizwa ho wagone ne walume kwe vilungo.