I Cililo 3:47 - Luganuzi Luswanu Kuli Wanhu Wose 2002

⁴⁷ Ceza cili mu magayo hamonga no wongomele, cikaye mu zi mbali no woga.

I Cililo 3:47 ပူးပေါင်းရင်းမြစ်များ

Isaya 51:19

Alu magayo mejete gakondya kukuziza gwegwe. Yisi yako yakondya kuhodangwa no wulugu, ne wanhu wako nawo wagwilwa ne lizala. Na hasina hamba monga mono yakukuwonela lusungu.

I Cililo 1:13

“Kagumila moto ku wulawa kucanyha, moto wono wukunyanya muli'ne. Kanhega no mutego, kangwisa ho hasi. Nalu yakondya kundeka nili wene, nili mu wusungu wuwaha.

I Cililo 1:4

Nalu hasina hamba munhu monga kanyhi, mono kosuma kubita kuhemba ku Nyumba yo Mulungu mu vilo vye zi sikukuu. Ne wahinza wose wono wembaga, alu wali mu wugaye, nawo wakohani wakugula du. Ne milango ye likaya, yeza mu wambuce, nayo Sayuni yili mu wusungu wuwaha muno.

Luka 21:35

Hambi nha vyo lyolowaziza nha mutego, wose wono wekaye mono'nze yose.