I Cililo 3:40 - Luganuzi Luswanu Kuli Wanhu Wose 2002

⁴⁰ Ninga aluno, yicinojeye ciyihenje mu mikalile yetu, cimuwuyile Muwaha Mulungu wetu.

I Cililo 3:40 ပူးပေါင်းရင်းမြစ်များ

2 Zinghomo 30:6

Nawo wanhu wono watumwa no mutemi hamonga ne wetumami wakwe, wakawa kutuluka kubita ku wulalici, mu yisi yose ya Yuda na Yelusalemi. Wakatumwa wakawalonjele wanhu vyono mutemi yakutya, “Nye nyo wanhu wa Isilayeli, mono mwapona mu miwoko ye Waashuli, wono wayisuma yisi. Aluno mumuwuyile Muwaha Mulungu, u Mulungu wa Abulahamu, na Isaka na Yakobo, nayo komuwuyilenyi.

2 Zinghomo 30:9

Nanye hono mumuwuyile Muwaha Mulungu, na wa walya nawo wono wawasola wandugu zenyu no kuwategula kutali nha wafungwa, nawo wowawonela lusungu, wawalecele wawuye ku zikwawo. Hambi u Muwaha Mulungu wenyu, nha yena lihewa no lusungu. Holeka hono mumuwuyile, nayo komubocelenyi.”

Zabuli 119:59

Nayihwesa mijendele yangu, holeka nihuwiza nizityatye ze mejizo gako.

Zabuli 4:4

Mucicime kwe cogopo, mulece kwituma zo wubi. Mwihwesaje muno muno, lono muli mu vitanda vyenyu mutulile.

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Ezekiyeli 18:28

Hambi nha yakumanya zo wubi wono yali kwituma, no kuleka kuwituma. Holeka u munhu yuyo si kofwa yaye, langa kowumipa.

Hoseya 12:6

Holeka anye nyo lulelo lwa Yakobo, mwitumbilenyi Mulungu wenyu, kanyhi mumuwuyile mwene. Mweze ne cihuliko, kanyhi mweze muli ling'ani, akuno mumulindiye Mulungu ko wukangalizi, nhondo zose.

Hoseya 5:15

“Nane nowaleka wanhu wangu wagaye mu nghango yo wubi wawo, sunga waze wanondole 'ne. Na mumo lunji mu wugaye wawo, mo wolosuma kunondola wahidimbaye sunga wambone.”

Hoseya 6:1

Wanhu wakutya, “Alenyi ciwuye kuli Muwaha Mulungu! Mwene yacitamisa yakondya, ninga yamanyile vyono kociponya! Yacipela zinghomele, ninga kociponya zinghomele zetu.

Metumo ge Watumwa 26:20

Ninga nghamula kamonga kuwaganulila wanya Damesiki na wanya Yelusalemi na wa mu yisi yose ya Yudiya, kanyhi na kuli wanhu we Makungugo ganji. Nghawaswaswaniza wamupitucile Mulungu, kanyhi walajile mu metumo gawo, vyono wakondya kupituka mu zinhumbula zawo.

1 Wakolinto 11:28

Holeka munhu wo wose, yamule yeyihenje mweneco, ho yalye u mukate wuwo no kung'wa i cikombe cico,

1 Wakolinto 11:31

Holeka hono cali camule kwiyihenga co weneco viswanu, si cali cituje wulipicizwe wo Mulungu wono winha wuwu.

2 Wakolinto 13:5

Ale mwiyijele nyo weneco ho mumanye hono mbeka mwina wihuwilo. Mwiyihenje nyo weneco. Alo si mumanyile vyono Kilisito Yesu yali muli nyenye? Na hono yiwe si nhavivyo, anye waco mwalemwa.

Wukumbucize wo Wulajilize 4:30

Nanye kolo mwenjila mu magayo, ne zinghani zizo zose zakondya kumwaganenyi, nhondo, ho molomuwuyila Muwaha Mulungu, kanyhi ho molomuhulika.