I Cililo 3:38 - Luganuzi Luswanu Kuli Wanhu Wose 2002

³⁸ I ziswanu ne zimbi, zose zili mu wulajilize wakwe.

I Cililo 3:38 ပူးပေါင်းရင်းမြစ်များ

2 Samwili 16:10

Nayo mutemi yakamulonjela Abishayi, hamonga no nduguye Yowabu yakawatya, “Alu mwene, hono yawe Muwaha Mulungu kamutuma yuyo Shimeyi yaze yandijite, alu nani 'mbi kanyhi mono kosuma kutya nhawule ketuma zizi?”

Jobu 2:10

Ninga Jobu yakamupitula mugolece wakwe, yakamutya, “Gwe mugolece wangu, mbeka wukulonga nghani za caka du! Alu kumbe, hono Mulungu yakuciletela nghani swanu, ayo langa ciyibocelaje na nyemo. Ninga kolo yakuciletela wugaye, hongo yicinojeye cimung'ung'ulicile?” Na muli zizo zose ze magayo zono zamwijelela Jobu, ninga mwene hamba si yalonga nghani yo yose 'mbi kuli Mulungu yaye.

Zabuli 75:7

Langa u Mulungu mweneco yo muling'anizi, mwene kamunyetyaga ayuno, no kumwinula ayuno.

Zimbazi 29:26

Ne wanhu wose wasakaga watuje wendezwe kuli mutemi. Ninga kosuma kutuga ling'ani kuli Muwaha Mulungu du yali wene.

Muganuzi 7:14

Holeka mu vilo vyono wukali watuga vinji, ale, weze wina wusangalale, na mu vilo vyo wugaye navyo, ale wihwesaje nghani yiyi, vyono, u wutuga vinji, no wugaye, vyose vilawaga kuli Mulungu, ninga munhu si kosuma kumanya za hanyuma zono zikuza.

Isaya 45:7

Yo nene mono nawuwumba wuzelu no wutitu yo nene mono ndetaga wumoteswe no wongomele. Yo nene du Muwaha Mulungu, mono nizitumaga zizi zose.

Yelemiya 32:42

“Alu, nha vyono nakondya kuwaletela magayo gaga i wanhu wawa, nha vivyo vyo nowatendela ziswanu zose nha vyono nehuwiza.

Amosi 3:6

Hamba ndulele yo wulugu ma, yotowa mu kaya, wanhu walece kogopa? Hamba nghani 'mbi ma, yosuma kwinjila mwi'kaya lono Muwaha Mulungu si yayitemizye?