I Cililo 3:37 - Luganuzi Luswanu Kuli Wanhu Wose 2002

³⁷ U wuhile wo Muwaha Mulungu du, wo wunojeye wuwe kwitumwa nhondo zose.

I Cililo 3:37 ပူးပေါင်းရင်းမြစ်များ

2 Samwili 16:10

Nayo mutemi yakamulonjela Abishayi, hamonga no nduguye Yowabu yakawatya, “Alu mwene, hono yawe Muwaha Mulungu kamutuma yuyo Shimeyi yaze yandijite, alu nani 'mbi kanyhi mono kosuma kutya nhawule ketuma zizi?”

1 Watemi 22:34

Ninga u musilikale yunji we wanhu wa Siliya, yakayitawika songa yakwe mu wupinde, yali yeza kuwukwega no kuyilecela songa kotya nha yakujela, na kumbe songa, yikamuguma Ahabu mutemi wa Isilayeli ha wulunzizo we vivwalo vyakwe vye cuma. Ahabu yakatya, “Wuwi, natamiswa!” Yakawa kumucema mono kawujendyaga mutuka wakwe wo wulugu, yakumutya, “Alu wusolaje, ciwuye ne nyuma ciwuce bahano ha ciligati yo wulugu, hambi nha natuga nghomele mbaha!”

2 Watemi 6:33

Nayo lono yali yakali kulonga zizo, hobaho du nayo mutemi yakawa kufika, yakawa kutya, “Alu mwene nha yo Muwaha Mulungu mono yacileteye wugaye wuwu! Alu nolindila kanyhi cici cilawe kuli mwene?”

Jobu 10:13

Ninga aluno nakondya kumanya nha vyono kumbe mu madaha gago gose, wali wina mahweso go kunhamisa nene.

Jobu 2:10

Ninga Jobu yakamupitula mugolece wakwe, yakamutya, “Gwe mugolece wangu, mbeka wukulonga nghani za caka du! Alu kumbe, hono Mulungu yakuciletela nghani swanu, ayo langa ciyibocelaje na nyemo. Ninga kolo yakuciletela wugaye, hongo yicinojeye cimung'ung'ulicile?” Na muli zizo zose ze magayo zono zamwijelela Jobu, ninga mwene hamba si yalonga nghani yo yose 'mbi kuli Mulungu yaye.

Wutuluce 10:10

Nayo mutemi Falawo yakapitula mu nzila yo kuwabedula yakatya, “Nane nghwilahiza hali Muwaha Mulungu, vyono si nosuma kumukombolenyi mubite hamonga ne wacekulu ne wana! Hambi nha yili calinze vyono, anye mwina wuhile wubi mu zinhumbula zenyu.

Zimbazi 16:9

Agwe kosuma kuwikaniza mahweso gako. Ninga Mulungu yo katongaga mu witume wayo.

Zimbazi 19:21

Heya, i wanhu wosuma kwiwicila nghani nyinji zo kwituma. Ninga wuhile wo Muwaha Mulungu, wo wufisilizwaga du.

Zimbazi 21:30

I mahala go munhu, hamba lukumyo, hamba wizuce, si vyosuma kukutaza cinji, hono Muwaha Mulungu yo yalece kuwa hamonga nagwe.

Isaya 46:10

Nakondya kuwila ku wulawa katali zono zolokuza na ku wulawa katali nali nakondya kuzilonga zono zolokwijela. Nane nghalonga nghatya vyono mahweso gangu si galasumwa yaye, langa nokwituma zose du nha vyono nali nihwesize nitume.

Yelemiya 23:32

Alu muhulicize ta, zono nghutya ane no Muwaha Mulungu! Ane mbeka, nili mulugu we wawizi wawo, wono wendile kulonga ze zindoto zawo, zono zimemile wulambi wose du. Hambi nha wakwitumamila zizo zindoto zawo, no kuwajiliza wanhu ku soko yo wulambi wawo, hamonga no widunhumuzi wawo. Ninga ane hamba si niwatumile yaye, hamba kuwalajiliza kose. Kanyhi wasina hamba nghani yo yose, yono yosuma kuwataza wanhu. Vyo nghutya ane no Muwaha Mulungu.”

Danyeli 4:35

Mono yakuwalanga wanhu wa mono yinze kotya si cinji, Wamalayika ku wulanga ne wanhu wose wa kono'nze, wali mu wutonji wakwe. Hamba hasina yunji mono kobena wulajilize wakwe hamba kuziwuza zono mwene ketumaga.

Walumi 9:15

Hambi nha yamulonjela Musa, “Nomuwonela lusungu munhu wo wose mono nghusaka kumuwonela lusungu, kanyhi nomunenela munhu wo wose mono nghusaka kumunenela.”

Waefeso 1:11

Ivinhu vyose vinozezwaga mu wuhile no wulamuzi wo Mulungu, nayo u Mulungu yakacihagula ase, ho ciwe wanhu wakwe mu wendo wakwe, so wilunze wetu na Kilisito, ku soko yo wutemye wakwe wo wulawa mwamulizo.