I Cililo 3:25 - Luganuzi Luswanu Kuli Wanhu Wose 2002

²⁵ U Muwaha Mulungu, muswanu kuli wose wono wakumwitumbila.

I Cililo 3:25 ပူးပေါင်းရင်းမြစ်များ

Mwamulizo 49:18

“Ane niwulindiye wukombozi wako, Gwe go Muwaha Mulungu.

1 Zinghomo 28:9

Na ku lubavu lwa Solomona, yakamulonjela yakatya, “Gwe mwanangu Solomona, nghukulajiliza nagwe nhavivyo, wumumanyile lukulu Mulungu wo sogo, kanyhi wumwitumamile kwe nhumbula yako yose, hamonga no mutima muzelu. Hambi mwene nha yagamanyile mahweso getu gose, hamonga ne visakwa vyetu. Holeka hono wumubitile, mwene kokubocela, ninga hono wijelele wumulece, mwene nhondo, kukulecela lukulu cibitilila.

2 Zinghomo 15:2

Nayo yakawa kubita kwitang'anila no mutemi Asa. Yakawa kumulonjela yakutya, “Gwe go mutemi Asa, hamonga nanye mo wanhu wa Yuda na Benyamini, ta muhulicizaje! U Muwaha Mulungu yali hamonga nanye, lono nanye mukali mukumuhulika mwene. Na hono mujendelele kumulondola, nayo kokwijela hali'nye, ninga hono mumulece, nayo komulecenyi.

2 Zinghomo 19:3

Ninga hamba nhavivyo, zinji ziswanu, zikali zili muli'gwe. Vyono waviwusa vihwani vyose vyo mulungu we cicekulu Ashela mu yisi yose, na kanyhi vyono wukali wujendeleye kuwutyatya wuhile wo Mulungu.”

2 Zinghomo 30:19

go Mulungu we walezi wetu, ko wuswanu wako, nghukulomba wuwanenele wose wono wali baha, wono wakukuhemba kwe zinhumbula zawo zose, hamba wawe si weyezize ng'o.”

2 Zinghomo 31:21

Na holeka yakamoteswa muno muno, vyono mwene zose zono yetuma mu Nyumba yo Mulungu, hamba zo kuwibata Wulajilize, zose yazituma kwe nhumbula yono yimogopile Mulungu, hamonga no mutima we cihembihembi kuli Mulungu wakwe.

Ezila 8:22

Hambi nha nali mbone cevu kumulomba mutemi, yacipele wasilikale wakwe wacidime so walugu mumo mu muhinzo wetu, ku soko nali nakondya kumulonjela vyono Mulungu wetu yo mukamisi muli munhu wo wose mono yakumwihuwila. Ninga kanyhi, yakuwa kumukolelwa likuwo mono si yakwituma zo wuhile wakwe, no kumulipiciza mono si yakumuhulika mwene.

Zabuli 105:3

Mwilumbilaje litagwa lyakwe lyono lyelile, nawo wono wamogopilo Muwaha Mulungu, yiwanojeye wasangalale.

Zabuli 119:2

Wamoti wono wetumaga zo wuhile wo Mulungu, wono wamuhulicile kwe zinhumbula zawo zose,

Zabuli 22:26

I waciwa wolya sunga wegute, nawo wono wakumulondola u Muwaha Mulungu, womukumya. Ale, wamoteswe cibitilila!

Zabuli 25:8

Muwaha Mulungu yo muswanu, kanyhi yali ling'ani, mwene kawejizaga wahodanji zo wutonji.

Zabuli 27:14

Wumwitumbile Muwaha Mulungu! Wuwe ne vilungo, ne nhumbula ye citung'ati! Heya, wumwitumbile Muwaha Mulungu!

Zabuli 27:8

Nghwihwesa zono walonga wukatya, “Wuze kuli'ne!” Nane nghukuziza, gwe go Muwaha Mulungu.

Zabuli 37:34

Wumwitumbilaje Muwaha Mulungu, kanyhi wukamise no wutonji wakwe, nayo kokupela yisi, nagwe kowawona i wabi vyono wakongomezwa.

Zabuli 37:7

Ale, wutule hali Muwaha Mulungu, wumulindilaje ko wukangalizi, hamba wulece kwigaza na awalya wono wakumota muli vyawo, hamba kuli walya wono wakwitujila vinhu mu zinzila zimbi.

Zabuli 39:7

Nalu, 'gwe go Muwaha Mulungu, alu nghali nindiye cici kanyhi? Witumbilo wangu nha wuli kuli gwegwe du!

Zabuli 61:1

Gwe go Mulungu, wuhulice cililo cangu, wuhulice wulombe wangu.

Zabuli 61:5

Hambi 'gwe go Mulungu, nha kuhulika zo wihuwizo wangu, kanyhi kumhela ne ziswanu, zono wawehuwiza wono wakogopile gwegwe.

Zabuli 69:32

Nawo wono wakwiwonelwa, kolo weza kuziwona zizino, wosecelela muno muno. Nawo wono wakumulondola Mulungu, wotuga vilungo.

Zabuli 71:14

Ninga ane nolindila, akuno nitumbiye, kanyhi nokukumya kali kenji muno muno.

Isaya 25:9

Nazo zizi kolo zejela, wanhu wose wololonga watye, “Mbeka, heya! Ayu yo Mulungu wetu! Nase comwitumbila mwene, nayo nha yaciponya. Mwene yo Muwaha Mulungu! Nase cakondya kumwitumbila. Nase luno cisangalaye muno, kanyhi cina nyemo mbaha, vyono mwene yakondya kuciponya.”

Isaya 26:9

Nane nikalaga nghukwihwesa gwegwe du cilo cose kwe nhumbula yangu yose, nagwe kolo wukuyiling'aniza yinze hamonga ne wanhu wayo, baho ho wolomanyila ze ling'ani yako vyono yinha.

Isaya 30:18

Ninga hamba nhavivyo, mwene Muwaha Mulungu wo lusungu kowa vyo yakali yakumuwonelenyi lusungu du. Kanyhi yewikanize ho yamuwonelenyi lusungu, hambi mwene nhondo zose nha ketumaga ze ling'ani. Holeka wamoti wono wamwitumbiye u Muwaha Mulungu.

Isaya 40:31

“Ninga wono wamwitumbiye Muwaha Mulungu yawapele wutazi, wawo wolopegwa vilungo vipya. Wologuluka kucanyha kotya 'ndi, kanyhi wolomangha hamba kukatala yaye wolowa kujenda hamba si wolozilika ng'o.”

Isaya 55:6

Holeka mumupitucile Muwaha Mulungu, mumulombe lono yakali yali behi.

Isaya 64:4

Kanyhi hasina hamba munhu monga mono yamuwona, hamba kuhulika zo Mulungu yunji wo wose mono yehwanile gwegwe, mono ketumaga metumo gono genha gaga, kuli wose wono wamwitumbiye.

I Cililo 3:26

Holeka yowa nghani swanu kuli'se cimulindile ko wukangalizi, yaciponye.

Hoseya 10:12

Nane nghutya, “Muyilime yisi mhya, so nyenye nyo weneco, muhadice ling'ani no kududula wendo no wulugutwe wono wolawa mu wuhembi wenyu wa kuli'ne. Alu co cipango cenyu co kumbuyila, ane no Muwaha Mulungu wenyu, nane nokuza nimumwajilenyi wulugutwe wangu.”

Zefaniya 3:8

Ane nghutya, “Wunindilaje.” Vyo yakutya Muwaha Mulungu, “Wulilindile lizuwa lyono nokwinuka ho niwasitace makungugo. Nane nakondya kutemya vyono, nigakonghole i makungugo, hamonga no wutemi wose, ho wasume kuviwona i vilungo vye likuwo lyangu. Ne yinze yose yotakamizwa no moto we likuwo lyangu.

1 Watesalonike 1:10

na luno mumulindilize u Mwanagwe yatime kulawa ku wulanga, mono u Mulungu yamuzukula muli wafu, yo Yesu, mono yakuciponya ne likuwo lyo Mulungu lyono likuza.

Yakobo 5:7

Ale, wandugu zangu, mweze no wukangalile sunga Muwaha kolo kokuziza. Lanjenyi ta u mulimi vyono kalindilaga ko wukangalile i ndudula yakwe yilete ndigwa swanu. Umwene kalindilaga ko wukangalile i mvula ye lifuku ne ye lihwela.