I Cililo 3:24 - Luganuzi Luswanu Kuli Wanhu Wose 2002

²⁴ Holeka ane, Muwaha Mulungu lyo lifungu lyangu. Nane nimwitumbiye mweneco du.

I Cililo 3:24 ပူးပေါင်းရင်းမြစ်များ

1 Zinghomo 5:20

Akuno wali wamwitumbiye Mulungu, wakamulomba yawapele wutazi. Nayo Mulungu yakawahulika wulombe wawo, yakawapela wusume wuwaha kuli Wahajili, hamonga ne wekalani wayawo wono vyali vilunzize nawo.

Jobu 13:15

Hambi witumbilo wangu wose nha wawuka, holeka hamba Mulungu yambulaje, ninaci? Nane nobita du nghamulonjele zangu.

Jobu 22:25

Hodu, wumulece Mulungu mono yali vilungo yawe yo zahabu yako, mwene yawe yo fweza yo wuguzi wukamu kul'gwe.

Zabuli 119:57

Gwe go Muwaha Mulungu, agwe yo gwegwe du mono nghusaka, Nane nghwihuwiza vyono nokwibata, wulajilize wako.

Zabuli 130:7

Gwe Isilayeli, wumwitumbile Muwaha Mulungu, hambi mwene nha yena lusungu, yewikanize nhondo zose ho yacikomboze.

Zabuli 142:5

Holeka nane nghukucemeleza agwe, go Muwaha Mulungu wunhaze. Hambi nha yo gwegwe du, go wutizizo wangu, yo gwegwe du mono wina vyose, vyono nghuhila mu mikalile yangu.

Zabuli 16:5

Gwe go Muwaha Mulungu, ane nghuhaguye gwegwe du, yo gwegwe du mono kumhelaga visakwa vyangu vyose, no wumi wangu wuli mu miwoko yako.

Zabuli 31:24

Muweze muli vilungo no kuwa ne nhumbula yono yisina woga, anye wose mono mumwitumbiye Muwaha Mulungu.

Zabuli 33:18

U Muwaha Mulungu, kawalanjililaga wose wono wakumuhulika, wanhu wose wono wetumbiye lusungu lwakwe.

Zabuli 42:11

Alo so cici nghalaye nhavivi mu nhumbula? Hamba so cici nghugazika nhavivi? Alu hodu, nomwitumbila Mulungu, nomukumya, kanyhi, Mulungu wangu, no muponyi wangu.

Zabuli 42:5

Alo nhawule nghalaye nhavivi mu nhumbula? Hamba nhawule nghugazika nhavivi? Alu hodu, nomwitumbilo Mulungu nomukumya, kanyhi Mulungu wangu no muponyi wangu.

Zabuli 43:5

Alo socici nghalaye nhavivi mu nhumbula? Hamba socici nghugazika nhavivi? Alu hodu, nomwitumbila Mulungu, nomukumya kanyhi Mulungu wangu, no muponyi wangu.

Zabuli 62:8

Nye nyo wanhu, mumwitumbile Mulungu nhondo zose, kanyhi mumulonjele ne visakwa vyenyu. Hambi Mulungu nha wo wutizizo wetu.

Zabuli 71:14

Ninga ane nolindila, akuno nitumbiye, kanyhi nokukumya kali kenji muno muno.

Zabuli 73:26

Hamba niwe nyhepuciywe vilungo, mu muwili na mu nhumbula, agwe go Mulungu, yo gwegwe go vilungo vyangu, ne ligawo lyangu yo gwegwe du cibitilila.

Zabuli 84:12

Gwe go Muwaha Mulungu we mihanga, wo wamoti wono wakwitumbiye gwegwe!

Zabuli 94:19

No wuhangawe wa mu nhumbula yangu, lono wukucila, agwe kunhuzaga kanyhi kusangalazaga.

Yelemiya 10:16

Hambi u Mulungu wa Yakobo, nha si yehwanile na wene, hambi mwene, nha yo yavinoza vinhu vyose, kanyhi yo mweneco mono yawahagula i wanhu wa Isilayeli, wawe wo wanhu wakwe wahagulwa. Ne litagwa lyakwe yakucemwa, U Muwaha Mulungu, we mihanga.

Yelemiya 51:19

U Mulungu wa Yakobo nha si yehwanile yene, hambi mwene, nha yo yaviwumba vinhu vyose, kanyhi yo mweneco mono yayihaga nghungugo ya Isilayeli wawe wanhu wakwe mweneco. Ne litagwa lyakwe mwene, yo Muwaha Mulungu we mihanga.

I Cililo 3:21

Ninga kanyhi witumbilo wangu wukuza, kolo nghuzikumbucila zinghani azino zono zikutya,

Mika 7:7

Ninga 'ne, nomulanjilila Muwaha Mulungu, nomulindila Mulungu, mono komhonya 'ne. Nayo Mulungu wangu kohulika 'ne.

Walumi 15:12

Kanyhi Isaya yakutya: “Kolokwijela munhu mu lulelo lwa Yese nayo kolotema muli wanhu wono si Wayahudi nawo wolomwitumamila.”

Wukumbucize wo Wulajilize 18:2

Wene wowa wasina wuhazi we yisi, nha vyono wenha i wandugu zawo we milango yinji. Langa ligawo lyawo, lyowa cico cilejeho cono wena naco co kuwa wakohani wo Muwaha Mulungu, nha vyono Muwaha Mulungu yehuwiza.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

1 Samwili 30:6

Alu nhondo, Dawudi yakenjila mu magayo mawaha, sunga ne wanhu wakwe wose mwipango lilyo, wakawa na wusungu wuwaha muno muno mu zinhumbula zawo so wajiliza i wana wawo we cilume na we cicekulu. Sunga nhondo wasakaga wamutowanje Dawudi ne mabwe. Ninga Muwaha Mulungu, u Mulungu wakwe, yakamupela vilungo.