I Cililo 3:23 - Luganuzi Luswanu Kuli Wanhu Wose 2002

²³ Vikalaga vyo vipya du nhondo zose, nha vyono yinha hakali mitondo lono lizuwa likusosomoka, wihuwilwa wakwe wo wuwaha muno muno.

I Cililo 3:23 ပူးပေါင်းရင်းမြစ်များ

Zabuli 146:6

mono yawumba wulanga ne yinze, ne lilenga, sunga na vyose vyono vili mumo. Mwene kawukamisaga wihuwizo wakwe cibitilila.

Zabuli 30:5

I likuwo lyakwe nha lili hadodo vivi du, langa lusungu lwakwe, lwikalaga cibitilila. I cililo ciwezaga mu cilo du, ninga hakali mitondo, yiwezaga nyemo.

Zabuli 36:5

Gwe go Muwaha Mulungu, lusungu lwako lutandaye sunga ko ku wulanga, no wihuwilwa wako wuficile sunga ko ku mavunde.

Zabuli 36:6

Ne ning'aniza yako, yihwanile visolo vye lilenga. Agwe go Muwaha Mulungu, kuwadimaga wanhu wose hamonga ne vilimu vyose.

Zabuli 89:33

Ninga hamba nhavivyo, nojendelela du kumwenda Dawudi, hamba si nowulecela lukulu, u wihuwizo wangu kuli mwene.

Wutuluce 34:6

Muwaha Mulungu yakapuluta ha mwande ya Musa, akuno yakwanza yakutya, “Ane no Muwaha Mulungu, yo nene no Muwaha Mulungu mono nina nheto no lusungu, kanyhi singholwaga ne likuwo mbela, kanyhi nina wendo wuwaha no wihuwilwa.

Isaya 33:2

Gwe go Muwaha Mulungu, wuciwonele lusungu. Hambi ase, nha cikwitumbiye gwegwe du. Weze kucikamisa vilo vyose, kanyhi weze kuciponya mu vilo vye magayo.

Zefaniya 3:5

Ninga Muwaha Mulungu, yali mwi'kaya, yakwituma ze ling'ani, si yakwituma zimbi ng'o. Nayo kawaletelaga wanhu wakwe ze ling'ani, nhondo zose. Ninga i wanhu wono wasina ling'ani, vyo wajendeleye du ku wituma zimbi, hamba kuwona cevu yaye.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo mu myaka ye katali lono yali yikali si nawa,

Wahebelaniya 10:23

Ciwukamisaje u witumbilo wetu wono cikuwuvumila, hambi u Mulungu mono yawunoza u wihuwizo wakwe nha mwihuwilwa.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.