I Cililo 2:9 - Luganuzi Luswanu Kuli Wanhu Wose 2002

⁹ Nayo milango yayo, mifucizwe mu malowanjila, ne makomeyo gayo gose gabenanjice. U mutemi hamonga ne wanhu wakwe, wose wali ku wuhamywe. Alu nhondo, hamba Wulajilize weza si wukwijizwa yaye, ne wawizi nawo hamba si wakutuga wugubulilwe ku wulawa kuli Muwaha Mulungu.

I Cililo 2:9 ပူးပေါင်းရင်းမြစ်များ

2 Watemi 25:7

Wakawawulajila i wana wa Zedekiya ha meso gakwe. Mwene nayo, Zedekiya wakamukopozola meso gakwe, wakamuwopa ne manyolo, wakawa kumutegula nha mufungwa ku Babiloni.

2 Zinghomo 15:3

Hambi nha wulawa vilo vinji, Waisilayeli wali wekaye wasina Mulungu we mbeka, hamba Wakohani, wono wali wawejize, kanyhi wali wasina hamba wulajilize, wono wali wawutyatye.

Nehemiya 1:3

Wakanonjela wakatya, “Wawalya i Wayahudi wose wono wasigala, no kulekwa ku Yelusalemi, vyono wali wali mu wugaye ne matovulo menji. Kanyhi, wakanonjela na vyono, ne majinji ga ku Yelusalemi, gali gakali gakumuce hamonga sunga ne milango yali yikali sinanozwa, ku wulawa vyono yaticimizwa na moto ha lulongozi.”

Zabuli 74:9

Vitanjilo vyetu vyose vyono vyelile, sicikuviwona lu, alu ceza cisina hamba muwizi. Hamba si cimanyile zizi, zojendelela kuwa nhavivi sunga nili!

Isaya 24:12

Ne likaya lyasigala matongo du, ne milango yayo yakondya kubenanjizwa.

Yelemiya 14:14

U Muwaha Mulungu nayo yakapitula yakatya, “I wawizi walonjelaga mwi'tagwa lyangu, zinghani zo wulambi. Ninga 'ne hamba si niwatumile yaye, hamba kuwalajiliza nghani yinji yaye, hamba kuwalonjela nghani monga du. Holeka wene wakulonga zo wugubulilwe wono si wulawile kuli'ne yaye. Ku soko yiyo, u wuwile wawo, mbeka wusina cambuzi hamba cidodo bwete, hambi gago nha mahweso gawo du, gono wehwesize weneco.

Yelemiya 23:16

Nayo u Muwaha Mulungu, we mihanga yakuwalonjela i wanhu wa mu Yelusalemi, yakutya nhavi, “Nye nyo wanhu wa mu Yelusalemi, mulece kuwahuliciza i wakohani, zono wakulonga ye. Hambi nha wakumupelenyi witumbilo wo wulambi. Wakumulonjelenyi ze zindoto zawo weneco du, ninga ane vyo sinonjile yaye.

Yelemiya 39:2

Na mwi'zuwa lye licenda, lya mu mwezi we kane, wa mu mwaka we likumi na monga, wa mu wutemi wa Zedekiya, baho ho majinji ge likaya gakumulanjilwa.

Yelemiya 39:8

Nawo i wasilikale we Cibabiloni, kono nyuma, wakawa kulikongoga likulu, hamonga ne zikaya ze wanhu wose, wakawa kugakumulanga ne majinji ge likaya lya Yelusalemi.

Yelemiya 51:30

Ne wasilikale wa Babiloni, nha wakondya kusimya milewo, nalu wenjila mu magomawakali gawo. Alu wasina vilungo kanyhi, weza wenha wacekulu. Ne milango yose ye likaya, nha yabeneka, ne zikaya zikukongojela mu moto.

Yelemiya 52:14

Nawo i wasilikale wakwe, wakagakumula majinji ge likaya.

I Cililo 1:3

Nawo wanhu wa Yuda, weza wawanda lu, wono wasina wutazi wo wose. Hambi lu nha wakondya kuhamywa ku zikaya zawo. Weza wekala mu zi'si zinji, wasina hamba welecele wo wose. Wapilimwe ne walugu mbavu zose, wasina hamba nzila yo kwiponezya.

I Cililo 4:15

Sunga ne wanhu, wakawa kuwawinga wakutya, “Bitenyi ako! Hambi nha mweyavufya! Holeka muwuce, mulece hamba kucipamiza'se!” Hodu, nawo wakawa kutuluka, wakabita ako na ako mu makungugo ganji, ninga hakawa hasina hamba yunji kuko, mono yawabocela yaye.

I Cililo 4:20

Wakamusola u Wehele wo wumi wetu, u Mutemi, mono Muwaha Mulungu yamuhagula. U munhu mono cali cimwitumbiye, nha vyono yo kocitaza muli walugu wetu.

Ezekiyeli 12:13

Ninga notandaza lwavu lwangu hanhu hose, ho nimugwizize mumo. Hanyuma niwe kumutegula sunga ko kwi'kaya lya Babiloni, i hanhu hono kolofwila, hamba kuyiwona ne yisi yeneco vyono yinha.

Ezekiyeli 17:20

Nolutandaza lwavu lo mupelembi ho nimwibatile mumo mu lwavu lulo. Nimutegule kuko ku Babiloni, nghamulipicizize kuko. Hambi nha yawa si mwihuwilwa kuli'ne.

Ezekiyeli 7:26

Ne magazo golowa kuza getunjiliye gakwilecela linji ne liyagwe. Ne mapwepwe nago, golowa menji ako na ako. Nanye molowa kuwalomba wawizi ho wamulonjelenyi zono zokuza. Nawo wakohani, wolowa wasina nghani yo yose yo kuwejiza wanhu. Nawo wanyamhala, lulo wolowa wasina cono wowasugula wanhu.

Hoseya 11:6

No wulugu wolokwinjila mu makaya gawo, no kugabenanga i malango ge likaya lyawo, wulugu wolowongomeza.”

Hoseya 3:4

Hambi Waisilayeli, nha wokwikala vilo vinji wasina mutemi hamba walongola, wowula hamba vilavywa, hamba masumbili ge mabwe maswanu, wowula vihwani, hamba hwani bwete yo kutowela cisangu.

Amosi 1:5

Nogabenanjiza ne malango ge likaya lya Damesiki no kuwawusa wono wekaye mwi'lolo lya Aveni, hamonga no mutemi wa Betedeni. Ne wanhu wa Siliya, wolosolwa nha wafungwa sunga ko ku yisi ya Kili.”

Wukumbucize wo Wulajilize 28:36

“Muwaha Mulungu komusolenyi hamonga no mutemi wenyu, yamutegulenyi ku yisi yo wujenzi, i hanhu hono nyenye hamba walezi wenyu wakali nekala yaye. Na kuko, anye mohemba no kuyitumamila milungu ye mabici maseswe, na ye mabwe.

Wukumbucize wo Wulajilize 28:63

Nha vyono Muwaha Mulungu yasangalala, yakamumotyenyi, no kumwinjifyenyi, yo nhavivyo kanyhi vyo kosangalala, kumongomezenyi no kumuhodanjenyi. Nanye mowuswa mu yisi yono mukwinjila muyiteme.

1 Samwili 28:6

Holeka yakawa kumulomba Muwaha Mulungu yamumanyize vyono konoza. Ninga Muwaha Mulungu si yamupitula hamba hadodo, mu ndoto, hamba mu nzila ya Ulimu na Tumimu, hamba mu wawizi.