I Cililo 2:7 - Luganuzi Luswanu Kuli Wanhu Wose 2002

⁷ U Muwaha Mulungu yakondya kucilema cikumbicilo cakwe, no kuyileka Nyumba yakwe yono yelile. Kakondya kuwaleka walugu wagakumulanje majinji gayo gose. Wakuzoza na nyemo yo wusume, i hanhu hono katali, cenjilaga cikuhemba na nyemo.

I Cililo 2:7 ပူးပေါင်းရင်းမြစ်များ

2 Watemi 25:9

Yakayikongoga Nyumba yo Mulungu, hamonga ne likaya lye likulu, hamonga sunga ne zikaya ze wanhu watambule wose wa mu Yelusalemi.

2 Zinghomo 36:19

Yakayinyanya Nyumba yo Mulungu, hamonga ne likaya lyose lya Yelusalemi, hamonga ne vinhu vyose vyono vyali vili mumo, yakagakumulanga ne majinji gose ge likaya.

Zabuli 89:39

Waciwusa cilagane cono wacinoza, no mwitumami wako, wukawa kuwutaga mu nhope mukumbo wakwe wo wutemi.

Isaya 64:9

holeka dedede wulece kucikolelwa likuwo lyako, hamba kuwukumbucila wubi wetu cibitilila. Hambi'se nha cili wanhu wako, holeka cikukunena wuciwonele lusungu.

Yelemiya 21:4

wabite wakamulonjele Zedekiya, zono u Muwaha Mulungu, u Mulungu wa Isilayeli yalonjile, katya, “Agwe Zedekiya, ane no mweneco, yo nokwihoma ne wasilikale wako, wono wakwihoma ne wasilikale wa Nebukadineza, u mutemi wa Babiloni, niwasume. Nokongholeza sunga ne vitwalo vyawo vyose, nivilundice haciligati ye likaya lya Yelusalemi.

Yelemiya 26:18

“Nye wayetu, mu vilo lono Hezekiya yali mutemi we yisi ya Yuda, yakaza muwizi yunji, mono yacemwaga Mikaya, munya Molesheti, u muwizi yuyo yawalonjela wanhu nha vyono, u Muwaha Mulungu, we mihanga yalonga yakutya, ‘Agwe go Sayuni kololimwa nha mugunda, Nagwe Yelusalemi kolowa yilundo lye matongo, Ne litunda lye Nyumba yo Mulungu, lyolowa mbago.’

Yelemiya 26:6

Ninga luno mwilanjililaje muno muno, vyono hono mujendelele du kuwa musina cihuliko, nane noyinozeza i Nyumba yangu yiyi, nha vyono nayinozeza Shilo. Ne makungugo gose ge yinze, wolitumamila litagwa lye likaya lili nhe 'lijito.”

Yelemiya 32:29

walipembele moto. Wolikongoga hamonga ne zikaya zose, zono wanhu wakuzitumamila, so wufusa wuvumba kuli Baali, mu matembe mucanyha, hamonga no kuyilavizya milungu yinji vilavywa vye divayi.

Yelemiya 39:8

Nawo i wasilikale we Cibabiloni, kono nyuma, wakawa kulikongoga likulu, hamonga ne zikaya ze wanhu wose, wakawa kugakumulanga ne majinji ge likaya lya Yelusalemi.

Yelemiya 4:26

Nayo yisi yono yina moso, yakondya kuwa nyika, ne makaya gayo gose gakondya kuwa matongo. Ku soko ye likuwo liwaha lyo Muwaha Mulungu.

Yelemiya 4:27

(U Muwaha Mulungu yali yalonga nha vyono yisi yose, yolowa mbago yose, ninga hamba nhavivyo, mwene hamba si koloyongomezeza lukulu yaye.)

Yelemiya 50:28

(Ne wanhu wono wakutiza kuko ku Babiloni, no kuza ku Yelusalemi, wawo wo walalonga zose, nha vyono u Muwaha Mulungu u Mulungu wetu yakwilipiciza cilipicizo ku soko ya zono Babiloni yetuma mu Nyumba yiyi yo Mulungu.)

Yelemiya 52:13

Yakayipembela moto Nyumba yo Mulungu, hamonga ne kaya ye likulu, hamonga ne zikaya zose ze wawaha wa mu Yelusalemi.

I Cililo 1:4

Nalu hasina hamba munhu monga kanyhi, mono kosuma kubita kuhemba ku Nyumba yo Mulungu mu vilo vye zi sikukuu. Ne wahinza wose wono wembaga, alu wali mu wugaye, nawo wakohani wakugula du. Ne milango ye likaya, yeza mu wambuce, nayo Sayuni yili mu wusungu wuwaha muno.

I Cililo 2:1

Nayo Muwaha Mulungu, yayifunika Sayuni no wutitu mwi'kuwo lyakwe. No lukumyo lwayo lwa ku wulanga, yaluhodanjila lukulu, Na mwi'zuwa lye likuwo lyakwe, yayileka sunga ne Nyumba yakwe.

I Cililo 2:5

Muwaha Mulungu, yawahodanga Waisilayeli nha mulugu. Yagaleka magomawakali gayo ne hanhu hayo vihodangwe. Yawaletela wanhu wa Yuda wusungu wono si wolomalika.

Ezekiyeli 24:21

vyono, nimulonjelenyi anye nyo Waisilayeli wose, nghani azi, vyono u mwene yakutya nhavi, Anye mwidunhumulilaga i vilungo vya mu Nyumba yangu. Mwendile kubita kuyilanga no kuyiwona, ninga u Muwaha Mulungu koyavufya. Sunga ne wazelelo wa mu zimhuga zenyu, wono wolowa wakali wasigaye mumo mu Yelusalemi, wolowulajilwa wose ku wulugu.

Ezekiyeli 7:24

Ale, nane mwi'pango lilyo ho nilagaletela baha i makungugo mabi muno, gaze gazisole zikaya zenyu. Sunga ne wanhu wenyu we vilungo, wolowula vilungo lulo, kolo nawatuma makungugo waze wahavufye i hanhu henyu hono muhembelaga.

Walawi 26:31

Noganoza makaya genyu gawe matongo, nohahodanga hanhu henyu ho wuhembelo, nogalemela lukulu no kugabocela ne makumbiko genyu.

Walawi 26:44

Ninga hamba yiwe nhavivyo, lono wakali wali mu yisi ye walugu wawo, ane si nosuma kuwaleka hamba si nowongomeza yaye. Hambi nghani yiyo nha yocidumya cilagane cangu kuli wene, nane kumbe ho nili Muwaha, u Mulungu wawo.

Amosi 2:5

Holeka nane notegula moto kuli Yuda, no kuganyanya makaya ga Yelusalemi.

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

Matayo 24:2

Yesu nayo yakawatya, “Heya ho baho, mosuma kugawona gaga gose! Ninga mbeka nghumutyenyi, hasina yibwe hamba limonga lyono lilasigala baha, mucanyha ye libwe liyagwe, langa i vinhu vyose vyologwiswa hasi.”