I Cililo 2:4 - Luganuzi Luswanu Kuli Wanhu Wose 2002

⁴ Yacilunga ne zisonga zakwe nha mulugu, yawawulaga wose, wono wali wendeze ha meso getu. Nase amuno mono Yelusalemi, cikaliwona likuwo lyakwe vyono likwaka.

I Cililo 2:4 ပူးပေါင်းရင်းမြစ်များ

2 Zinghomo 34:21

“Alu, mubite mukambuzize kuli Muwaha Mulungu, hamonga ne wanhu wono wakali wasigaye mu Isilayeli na mu Yuda. Muzimanye ze mejizo gono gali mu citabu cici. Hambi Muwaha Mulungu nha yacikoleywe likuwo, vyono i walezi wetu si wenda kuyihulika nghani yo Muwaha Mulungu hamba kwituma zono zinojeye wazitume, nha vyono zandicigwe mu citabu cicino.”

2 Zinghomo 34:25

Hambi nha wakondya kunema'ne, no kuyilavizya makumbiko milungu yinji. Holeka nane, wakondya kunghoza likuwo so zose zono wetumile. Nakondya kuyikolelwa likuwo Yelusalemi, ne likuwo lyangu, hamba si lyowuka yaye.

Jobu 19:11

Mulungu yangholeywe likuwo, kanyhi yena nhunduji kuli'ne holeka yakunhendela kotya nha nili mulugu wakwe.

Jobu 6:4

Mulungu mono yali vilungo, yakondya kunguma ne zisonga zakwe ne sumu yazo, yakondya kutandala mu muwili wangu mose, Mulungu yanhandaliciye nene wogofye wakwe.

Zabuli 37:14

I wanhu wabi, wakwegaga mimaje yawo, wakukunga no wupinde wawo, ho wawawulaje waciwa na wono wasina cinji, no kuwacinja wanhu we ling'ani.

Zabuli 7:13

nayo kowikaniziza lukulu vitwalo vyakwe, vyo kuwulajila, no kuzikangaliza mu moto zisonga zakwe.

Isaya 42:25

Holeka nayo yacijidila wukali we likuwo lyakwe, no wusungu we milewo. Ne likuwo lyakwe, likawakolelwa Isilayeli nha moto mukali ninga 'se hamba kumanya zono zacijelelaga yaye, hamba kumanya co cose muli zizo.

Isaya 63:10

ninga wene wakamubeza Mulungu, wakamukalaza muhe wakwe mono yelile. Holeka nayo Muwaha Mulungu yakawapitucila yakawa mulugu wawo, yakawahoma.

Isaya 63:6

Na mwi'kuwo lyangu nghagakanyanjiza makungugo gose nghagongomeza. Nghayimwaga hasi i sakami yo wumi wawo.”

Yelemiya 10:20

Alu lanje vyono, sunga ne mahema getu gasakala, ne milejehe yono yali yigawopile, nayo yakondya kudumukanjika. Ne wana wetu nawo, wose wakondya kubita, alu wali hasina. Holeka heza hasina, hamba munhu wo wose kanyhi, mono kocikomela mahema getu, hamba mono kosuma kucidumulila mabupa ne magayo pazigeya.”

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Yelemiya 21:5

Nane nokwihoma nagwe kwe vilungo vyangu vyose, na kwe likuwo lyangu liwaha, hamonga na ko wukali wangu wose.

Yelemiya 30:14

Ne wendece wenyu wose, wakondya kumusemwenyi, hamba si womululenyi kanyhi yaye. Nane nghamuhomenyi nha muli walugu, no wulipicizwe wukawa wukali muno, ku soko yo wubi wenyu vyono winji muno, hambi i metumo genyu mabi, nha gali gonjelezeka muno.

Yelemiya 36:7

Na lunji wosuma kumulomba Muwaha Mulungu, no kupituka no kuzileka zinzila zawo i zimbi. Hambi u Muwaha Mulungu nha kakondya kuwogofya muno i wanhu wawa, kwe likuwo lyakwe liwaha, hamonga no wukali wakwe.”

Yelemiya 4:4

Mukamise i cilagane cenyu cono calagana nanye, ane no Muwaha Mulungu wenyu. Kanyhi mwiyilavye kuli'ne nyenye nyo weneco, anye nyo wanhu wa Yuda na Yelusalemi. Ninga hono mwijelele du, mulece kunoza nhavivyo, likuwo lyangu lyokwaka nha moto, ku soko ye metumo mabi gono mwetuma. Na kolo likuwo lyangu lyaka, hasina hamba yunji wo wose mono kosuma kulituza yaye.”

Yelemiya 42:18

U Muwaha Mulungu, u Mulungu wa Isilayeli yakutya nhavi, “Ninga mulanjilile! Hono mwijelele du mubite kuko ku Misili, ale, nane nomukolelwenyi likuwo lyangu hawaha, nha vyono nawakolelwa likuwo i wanhu wa Yelusalemi. Nanye molowa yiwifyo no wizine hali wanhu wose, nawo wolomubedegalenyi, no kulitumamila litagwa lyenyu nha wulijitwe. Nanye hamba si molohawona hanhu baha kanyhi.”

Yelemiya 7:20

Holeka lu, ane no Muwaha Mulungu, nane nolijidila likuwo lyangu mumu mu Nyumba yangu. Hamonga na zizo, nolijidila sunga na muli wanhu, na muli vilimu, na mu mabici gose, sunga na mu vilimwa. Ne likuwo lyangu, lyowa lihwanile moto mukali, wono howa hasina munhu wo wose, mono kosuma kuwuzimya yaye.

I Cililo 1:13

“Kagumila moto ku wulawa kucanyha, moto wono wukunyanya muli'ne. Kanhega no mutego, kangwisa ho hasi. Nalu yakondya kundeka nili wene, nili mu wusungu wuwaha.

I Cililo 2:5

Muwaha Mulungu, yawahodanga Waisilayeli nha mulugu. Yagaleka magomawakali gayo ne hanhu hayo vihodangwe. Yawaletela wanhu wa Yuda wusungu wono si wolomalika.

I Cililo 3:3

Yanhowanga kali kenji muno ko wukali.

I Cililo 4:1

Wung'alale we zahabu yetu hamba si wejela, ne mabwe gono gali mazenjele Nyumba yo Mulungu, gakeyagala caka mu zinzila.

I Cililo 4:11

Muwaha Mulungu yakalifisiliza likuwo lyakwe liwaha, yakayipembela moto Sayuni, yikapya yikakongojela ho hasi.

Ezekiyeli 13:13

Holeka nayo Muwaha Mulungu yakutya nhavi, “Nane nomuletelenyi libeho lyo mukukunzo mwi'kuwo lyangu, hamonga ne mvula mbaha, yono yowa yihangahanjile ne mabwe ge mvula, vilikumule lijinji.

Ezekiyeli 20:34

Nane nomulajilenyi i vilungo vyangu vyono vinha, hamonga ne likuwo lyangu, kolo nghumukongholezenyi hamonga no kumugomolenyi ku wulawa mu zi'si zose kono mowa mwiyagazizwe.

Ezekiyeli 22:22

Nawo wokwenjedulilwa mumo mu Yelusalemi, nha vyono fweza yenjedulagwa mu moto. Nawo baho nhondo, ho wolomanyila vyono, mbeka ali lyo likuwo lyo Muwaha Mulungu.”

Ezekiyeli 24:25

U Muwaha Mulungu yakutya nhavi, “Alu agwe go munhu, ane nowawusiza lukulu yiyo Nyumba yangu, yono yali kuwapela nyemo no widunhumule, yono wali wendile kuyilanga no kuyiwona. Kanyhi nolowasola ne wana wawo we cilume na we cicekulu.

Ezekiyeli 36:18

Holeka nane nawaleka wawuwone u wukali we likuwo lyangu, ku soko yo wuwulaji wawo wono wetuma mu yisi, na ku soko yo wiyavufye wawo so wuhemba vihwani.

Ezekiyeli 5:13

“Nanye baho ho mololiwonela nhondo likuwo lyangu hamonga no wukali wangu, sunga lono nolowa nayimala nhunduji yangu nene no mweneco. Na kolo zizi zejela, baho nanye nhondo, ho molomanyila vyono ane no Muwaha Mulungu yo nene mono nonjile zizo kuli 'nye, vyono ngholigwe likuwo muno so wula wihuwilwa wenyu.

Ezekiyeli 6:12

Nawo wono wali ku zi'si zo kutali, wotamwa no kufwa, nawo wono wali baho behi, wowulagwa no wulugu. Nawo wono wowa wakali wasigaye, awo lizala lyowakopola. Nawo wose woliwona likuwo lyangu vyono linha.

Ezekiyeli 7:14

Hambi ndulele nha yololila ho yiwawikanize wanhu wose. Ninga hasina hamba munhu monga mono kololawila yabite ku wulugu yaye, hambi likuwo lyo Mulungu nha lyolowagwila wanhu wose.

Walawi 26:17

Nane nomulecenyi, walugu wenyu wamusumizenyi, na wono wakumusulenyi, wo wolotema muli'nye. Nanye molokogofywa muno muno, sunga muwe manghanga caka, na lono hasina munhu mono yakumuwinjenyi.

Nahumu 1:2

U Muwaha Mulungu sikowakangalila wono wakwisumaniza nayo, langa kawalipicizaga wose wono wakumupinga-pinga, na mwi'kuwo lyakwe, mwene mo kawalipicizizaga.

Nahumu 1:6

Nani mwene mono kosuma kupona, kolo mwene yakukolwa likuwo? Hamba nani mono kolosuma kusigala mu wogofye we likuwo lyakwe? Yakwita lilambi lye likuwo lyakwe, ne matalawe gakubiduka mu manghundi ha mwande yakwe.

Wukumbucize wo Wulajilize 32:22

Likuwo lyangu nane lyokwaka nha moto nalyo lyovitakamiza vinhu vyose mono'nze. Lyovificila na vyose vyono vili hasi ku yinze ye wafu, no kuyitakamiza ne misinji ye matunda.

1 Samwili 28:16

Samwili yakatya, “Alu nhawule wali kunyhema ane, lono kumbe Muwaha Mulungu yakondya kukuleka, kanyhi yawa mulugu wako?