I Cililo 2:22 - Luganuzi Luswanu Kuli Wanhu Wose 2002

²² Wukawalalika walugu wangu ku sikukuu, ho woga wangu wijele mbavu zose. Hasina hamba mono kolopona mwi'zuwa lilyo lye likuwo lyako. Hambi nha wawawulaga wanangu wono nawawilusa no kuwenda.

I Cililo 2:22 ပူးပေါင်းရင်းမြစ်များ

2 Zinghomo 36:17

Na ku soko yiyo, u Muwaha Mulungu, yakawa kumutegula mutemi wa Babiloni yabite yakawahome. Nayo mutemi yakawawulaga wazelelo wose wa Yuda, sunga na wono wali mu Nyumba yo Mulungu. Yali yasina lusungu kuli munhu wo wose we cilume hamba kuli we cicekulu, hamba kuli wazelelo ne wahinza, hamba kuli wono wali watamigwe hamba wono wali waswanu. Nayo Mulungu yakawatajila wanhu wakwe mu miwoko ya Nebukadineza.

Zabuli 31:13

Nghuwahulika walugu wangu wakwipwepwela, wogofye wumhilime mbavu zose, wakwihehemeza, ho wambulaje.

Isaya 28:19

Lyolomuzizenyi kali kenji nhondo zose hakali mitondo. Nanye mowa munojeye muwe no wukangalizi misi ne cilo. Ne nghani yo yose yono yolawa kuli Mulungu, yowa no wogofye wuwaha!

Yelemiya 11:11

Holeka sunga nalu, ane no Muwaha Mulungu, nghali kuwasugula du, nha vyono nowaletela wongomele wuwaha muno, wono si wosuma hamba kuwilega yaye. Nawo kolo wakundilila wakusaka wutazi, nane hamba si nowahuliciza yaye.

Yelemiya 14:19

Gwe go Muwaha Mulungu, alu mwene hodu wamulemela lukulu Yuda? Alo wawasulila lukulu i wanhu wa ku Sayuni lo? Alu nha wacisuliliza muno, sunga ceza si cikusuma hamba no kuponywa yaye? Ase cali cilanjiliye kutuga mulamu, ninga hamba kuziwona ziswanu yaye. Cali citumbiye nha vyono coponywa, ninga cikatuga wogofywe wuwaha muno.

Yelemiya 20:3

Ne mitondo yaco, lono Pashuli yali yakali nambopolela mu manyolo, ane nghamulonjela nghatya, “U Muwaha Mulungu si yakucemela litagwa lilyo lya Pashuli, langa lya ‘Nghakamo Hanhu Hose.’

Yelemiya 21:7

Ninga agwe go mweneco, ne wetumami wako, hamonga ne wanhu wono wosigala, wono si wofwa ko wulugu, hamba nzala, hamba matamwa, anye wose nomulecenyi musolwe no mutemi Nebukadineza, hamonga ne wasilikale wakwe wono wali saka wakuwulaje. Nayo Nebukadineza kolokuwulaga 'gwe. Kanyhi hamba si kolosigaza munhu monga muli'nye. Hamba si kolomuwonelenyi lusungu, hamba ku munenelenyi yaye. Vyo nghutya, ane no Muwaha Mulungu.”

Yelemiya 44:7

“Holeka nane no Muwaha Mulungu we mihanga, ane no Mulungu wa Isilayeli, nghumuwuzenyi, nghutya nhavi, alu nhawulenyi mukwituma i zimbi zono zinha zizi. Hamba nhawule lo mukuhila kwiyiletela nyo weneco wongomele, anye mo we cilume, na we cicekulu, ne wana, sunga ne wana wagalika, ho halece kuwa kanyhi na munhu wo wose wa muli nyenye, mono kolosigala yaye?

Yelemiya 46:5

Kanyhi u Muwaha Mulungu yakuwuza yakutya, “Alu, yo nghanici kanyhi yiyi yono nghuyiwona?” “Lanje ta! Weza kuwuya ne nyuma so woga. Ne wasilikale wawo weza kuwingwa, wakondya kusumwa so woga, nalu wakutiza wamanyhile muno muno. Hamba si wakwilenga kanyhi kunyuma.

Yelemiya 6:25

Sunga nase nhondo, ceza kogopa muno muno ku wubita mu mawimbi, hamba kujenda-jenda du mu zinzila, hambi i walugu wetu nha wewikanize, kanyhi wacipilime mbavu zose ho wacihome.”

Wukumbucize wo Wulajilize 28:18

“Muwaha Mulungu, komulijitenyi, yamupelenyi wana wacefu muno muno, no wuhemba wucefu, na ng'ombe ne zingholo nyhefu muno.