I Cililo 2:21 - Luganuzi Luswanu Kuli Wanhu Wose 2002

²¹ Alu i wadodo ne wakombi, wose nha wagwiye wafwiye mu zinzila. I wazelelo hamonga ne wacekulu, wose wakondya kuwulagwa ne mimaje ye walugu. Kuwawulajila mwi'zuwa lye likuwo lyako, wusina hamba lusungu.

I Cililo 2:21 ပူးပေါင်းရင်းမြစ်များ

2 Zinghomo 36:17

Na ku soko yiyo, u Muwaha Mulungu, yakawa kumutegula mutemi wa Babiloni yabite yakawahome. Nayo mutemi yakawawulaga wazelelo wose wa Yuda, sunga na wono wali mu Nyumba yo Mulungu. Yali yasina lusungu kuli munhu wo wose we cilume hamba kuli we cicekulu, hamba kuli wazelelo ne wahinza, hamba kuli wono wali watamigwe hamba wono wali waswanu. Nayo Mulungu yakawatajila wanhu wakwe mu miwoko ya Nebukadineza.

Esita 3:13

I wanhu wono watumwa, wakalisola lilajilizo lili, wakalitegula mu matumbi gose go wutemi wa Ahasuwelo. Lyali lina ne vitanjilo vyono vyalajilaga, vyono mwizuwa lye likumi ne 'datu lya mu mwezi wa Adali, Wayahudi wose wadodo ne wakombi, wacekulu ne wana, wose wanojeye wawulagwe. Yikalamulwa vyono, wose wawulagwe walece kuwonelwa lusungu. Ne zisawo zawo zose zisolwe.

Isaya 27:11

Sunga ne manhambi ge mibici gakunyala, gakubeneka, ne wacekulu nawo wakutenya mumo ne zingwagu. Hambi i wanhu nha siwakutanga yaye, holeka nayo Mulungu u Muwumbi wawo, si kowawonela lusungu, hamba si kowanenela yaye.

Yelemiya 11:22

Ale! Nayo u Muwaha Mulungu we mihanga yakatya, “Ale, heya, nowalipiciza! I wazelelo wawo, wowulajilwa ku wulugu, nawo i wana wawo, i wahinza ne wazelelo, wofwa ne nzala.

Yelemiya 13:14

Hanyuma ho niwe kuwatulanjiza nhe zinjilo zono zikutowezwa njilo na njilo nyagwe. Nawo vyo wotowezwa munhu na muyagwe, i wasogo zo munhu ne wana wawo. Nane si nowawonela lusungu yaye, hamba lusungu, si lonyimila yaye, ho ndece kuwawulaga ng'o.”

Yelemiya 18:21

Ninga aluno 'gwe go Muwaha Mulungu, wuwalekaje wana wawo wafwe ne nzala, nawo wawulajilwe ku wulugu. Nawo i wacekulu, wawajilize i walume zawo, hamonga ne wana wawo. Nawo i walume matamwa gawawulaje, ne wazelelo nawo wafwile ku wulugu.

Yelemiya 21:7

Ninga agwe go mweneco, ne wetumami wako, hamonga ne wanhu wono wosigala, wono si wofwa ko wulugu, hamba nzala, hamba matamwa, anye wose nomulecenyi musolwe no mutemi Nebukadineza, hamonga ne wasilikale wakwe wono wali saka wakuwulaje. Nayo Nebukadineza kolokuwulaga 'gwe. Kanyhi hamba si kolosigaza munhu monga muli'nye. Hamba si kolomuwonelenyi lusungu, hamba ku munenelenyi yaye. Vyo nghutya, ane no Muwaha Mulungu.”

Yelemiya 4:31

Nane hulika cililo, kotya nha cililo ca munhu wa cicekulu, mono yali mu nghunga yo lusawo. Cililo cinha co mucekulu mono yakulela mwanagwe mulongozi. Kumbe cililo cico ca Yelusalemi, mono yakukapilicila ha wehele, akuno yalaze ne miwoko yakwe yakutya, “Woyi nye, aga magayo gangu! Hambi nhumbula yangu nha yikuzilika, hambi nha weza kuza wambulaje.”

Yelemiya 51:22

no kuwawulaga i walume ne wacekulu, no kuwawulaga i wanhu mututu, ne wana wadodo, no kuwawulaga i wazelelo ne wahinza,

Yelemiya 6:11

Hambi nane nha memile likuwo lyako kuli wene, 'gwe go Muwaha Mulungu. Nane hamba si nosuma kwiyimila yaye.” Nayo u Muwaha Mulungu yakanonjela yakatya, “Alu wulimwagaje likuwo lyangu mu wana, wono wali mu zinzila, na mu wikongholelo we wazelelo. Nawo i walume hamonga ne wagolece zawo, wolosolwa no kutegulwa kutali, hamonga ne wakombi wose, nawo hamba si wolosigazwa yaye.

Yelemiya 9:20

Nane Yelemiya nghatya, “Nye nyo wacekulu, ale muhulicize zono u Muwaha Mulungu yakulonga, muteje makutu genyu muzikamise zinghani zakwe nanye muwejize ne wana wenyu we cicekulu vyono walilaga, ne weyendi wayenyu, vyono wembaga u lwimbo lwe maziko.

Yelemiya 9:21

Hambi i lifwa nha lyaciziza likolile mu madilisha getu, lyenjila mu zikaya zetu zo wutemi, ho liwawulajile lukulu i wana wetu mu zinzila, ne wazelelo wetu mu zi sokoni.

I Cililo 1:15

“Hambi Muwaha Mulungu nha kawanoza vitung'ati wangu wawe si cinji kuli'ne. Hambi nha katuma wasilikale wawongomeza wazelelo wangu. Muwaha Mulungu kawakanyanjiza wanhu wangu, nha vyono wakobongaga zabibu mu ciya co kuminyila.

I Cililo 1:18

“Ninga Muwaha Mulungu yo we ling'ani, hambi nha yo nene mono si nali kwenda kumuhulika. Holeka muhulicizaje anye wanhu wose, muwuwone wugaye wangu. Hambi i wazelelo wangu hamonga ne wacekulu, nha wakondya kusolwa no kutegulwa kutali.

I Cililo 1:4

Nalu hasina hamba munhu monga kanyhi, mono kosuma kubita kuhemba ku Nyumba yo Mulungu mu vilo vye zi sikukuu. Ne wahinza wose wono wembaga, alu wali mu wugaye, nawo wakohani wakugula du. Ne milango ye likaya, yeza mu wambuce, nayo Sayuni yili mu wusungu wuwaha muno.

I Cililo 2:17

Alu Muwaha Mulungu, nhondo ketuma zono yali yazitemizye kuzituma. Kacihodanga yasina lusungu nha vyono yacilonjela. Kawapela walugu wetu wusume, kawapela wusangalale so wutamiswe wetu.

I Cililo 2:2

Muwaha Mulungu yavyongomeza vitumbi vyose vya Yuda, hamba kuviwonela lusungu yaye. Yakumulanga ne magomawakali gose gono gayicitilaga yisi. Yawaletela cevu ciwaha i watemi, hamonga no wutemi wawo.

I Cililo 3:43

“Wacityatya wukaciwulaga, hambi lusungu lwako nha lwali lwihundice mwi'kuwo lyako.

Ezekiyeli 24:21

vyono, nimulonjelenyi anye nyo Waisilayeli wose, nghani azi, vyono u mwene yakutya nhavi, Anye mwidunhumulilaga i vilungo vya mu Nyumba yangu. Mwendile kubita kuyilanga no kuyiwona, ninga u Muwaha Mulungu koyavufya. Sunga ne wazelelo wa mu zimhuga zenyu, wono wolowa wakali wasigaye mumo mu Yelusalemi, wolowulajilwa wose ku wulugu.

Ezekiyeli 5:11

“Holeka ane vyono nili Mulungu mumi, azi zo nghani zo nghutya. Hambi 'nye nha mwayavufya Nyumba yangu ku soko ye zimbi zenyu, hamonga ne zinghani ze cevu zono mukwituma. Holeka nane nomulecenyi hamba si nomuwonelenyi lusungu yaye.

Ezekiyeli 7:4

Nane nomulipicizenyi du, hamba si nomuwonelenyi lusungu yaye. Langa nomulipicizenyi du ku soko ye makani genyu ge mawifyo gono mwitumaga. Nanye baho nhondo ho molomanyila vyono ane yo nene Muwaha Mulungu.”

Ezekiyeli 7:9

Nane nomulipicizenyi du, hamba si nomuwonelenyi lusungu yaye. Langa nomulipicizenyi du ku soko ye makani genyu ge mawifyo gono mwetumaga. Nanye baho nhondo ho molomanyila vyono ane yo nene no Muwaha Mulungu, na vyono yo nene mono nghumulipicizenyi.”

Ezekiyeli 8:18

Ninga wuwalekaje 'gwe, hambi nha wowuwona wukali we likuwo lyangu. Nane si nowaleka hamba kuwawonela lusungu yaye. Nawo hamba wandilile kwe mazi mawaha muno muno, ane hamba si nowahuliciza yaye.”

Ezekiyeli 9:10

Ninga nane lu, hamba si nowawonela lusungu yaye, langa nowatendela wene, nha vyono nawo wawatendelaga wanji.”

Amosi 4:10

Nghamuletelenyi lihuhuji kotya nha lyono nategula ku Misili. Nghawawulaga i wazelelo wenyu ku wulugu, no kuzisola zifwalasi zenyu. Nghamevya munungho we mivimba ye wanhu wono wafwiye mu zimhula zenyu, mu zinghambi zenyu. Ninga hamba simwambuyila yaye.

Amosi 8:13

Mwi'zuwa lilyo wazelelo ne wahinza waswanu, wolozilika so nyhilu.

Zakaliya 11:6

U Muwaha Mulungu yakatya, “Sinomuwonela lusungu kanyhi munhu wo wose mu yisi yiyi. Nene no Muwaha Mulungu, nowawika wanhu wose mu miwoko ye walongola wawo, ne walongola wawo wayihome yisi yiyi, nane hamba sinowaponya mu miwoko yawo yaye.”

Wukumbucize wo Wulajilize 28:50

“Wanhu wawo wakali, hamba si wolosuma kumuwonela lusungu munhu wo wose, mukombi hamba muzelelo.

Wukumbucize wo Wulajilize 32:25

Nawo wulugu wowaletela mafwa mawaha mu zinzila no wogofywe wowagana mu zikaya zawo, i wazelelo hamonga ne wahinza, wose wofwa, ne wagalika wose ne wakombi, hasina mono kosigala.

Yoshuwa 6:21

Wakawawulaga wanhu wose kwe mimaje, walume ne we cicekulu, wadodo ne wakombi sunga ne zimitugo, zingholo ne zindogowe ne zing'ombe.

1 Samwili 15:3

Holeka alu, wubite wukawahome Waamaleki, wuvyongomezeze lukulu vinhu vyawo vyose. Wulece kusigaza cinhu hamba cimonga, langa wuwawulagaje i walume wose, ne wacekulu wose, ne wana wadodo, ne wana wose wagalika, hamonga ne zing'ombe zose, ne zingholo zose, ne zingamiya zose, sunga ne zindogowe zose.”