I Cililo 2:20 - Luganuzi Luswanu Kuli Wanhu Wose 2002

²⁰ Gwe go Muwaha Mulungu, wuwalanje wawo ta, wono wukuwatamisa, wo wa nani wene? Alu wulanje vyono sunga ne wacekulu nhondo, weza kulya ne miwili ye wana wawo wono wawendile! Sunga ne wakohani hamonga ne wawizi, nawo nhondo weza kuwulajilwa mu Nyumba yako mugati!

I Cililo 2:20 ပူးပေါင်းရင်းမြစ်များ

2 Zinghomo 36:17

Na ku soko yiyo, u Muwaha Mulungu, yakawa kumutegula mutemi wa Babiloni yabite yakawahome. Nayo mutemi yakawawulaga wazelelo wose wa Yuda, sunga na wono wali mu Nyumba yo Mulungu. Yali yasina lusungu kuli munhu wo wose we cilume hamba kuli we cicekulu, hamba kuli wazelelo ne wahinza, hamba kuli wono wali watamigwe hamba wono wali waswanu. Nayo Mulungu yakawatajila wanhu wakwe mu miwoko ya Nebukadineza.

Zabuli 78:64

I wakohani wawo nawo, wakawulagwa wose, ne i wacekulu zawo, si wakombolwa ho wawalilile yaye.

Wutuluce 32:11

Ninga Musa yakamunena Muwaha Mulungu, u Mulungu wakwe, yakatya, “Gwe go Muwaha Mulungu, alo nhawule likuwo lyako, likwaka muno kuli wanhu wako, wono wawawusa gwegwe mu yisi ya Misili, kwe vilungo viwaha, hamonga no wusume wuwaha?

Isaya 22:2

Hambi nha nghuwona likaya lyose limemile sasamo ya nyhenze ne nyemo mbaha. I wanhu wako wono wafwa mu cipango co wulugu, si wawulagwa no wulugu yaye.

Yelemiya 19:9

Ne walugu nawo wololipilima likaya, wawawulaje i wanhu wose wono wali mumo. No wupilimwe wuwo we likaya, wolowa wa wogofye muno. Hambi i wanhu wono wolowa wali mugati, nha wolowa kwiyilya weneco wose, wolowa kulya sunga ne wana wawo.”

Yelemiya 21:7

Ninga agwe go mweneco, ne wetumami wako, hamonga ne wanhu wono wosigala, wono si wofwa ko wulugu, hamba nzala, hamba matamwa, anye wose nomulecenyi musolwe no mutemi Nebukadineza, hamonga ne wasilikale wakwe wono wali saka wakuwulaje. Nayo Nebukadineza kolokuwulaga 'gwe. Kanyhi hamba si kolosigaza munhu monga muli'nye. Hamba si kolomuwonelenyi lusungu, hamba ku munenelenyi yaye. Vyo nghutya, ane no Muwaha Mulungu.”

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

I Cililo 1:19

“Nane nghawacema wono cali cilunzize nawo, ho waze wamhele wutazi, ninga wakalema kuza. I wakohani ne walongola, wose wakafwila mwi'kaya, lono walondolaga ndigwa, walece kufwa.

I Cililo 4:10

Ne magayo gono gawaziza wanhu wangu, galeta wogofye wuwaha muno. Hambi i wacekulu wono wali wawendile muno wana wawo, nha wakawateleka wana wawo, ho watuje ndigwa yo kulya.

I Cililo 4:13

Heya, zizi zejela, ku soko wawizi wawo wetuma wubi, ne wakohani nawo wakasutya, no kwambuza lifwa, kuli wanhu wono wasina masutya.

I Cililo 4:16

Nayo Muwaha Mulungu, hamba si yawatununhicila yaye, Nhondo ho yakacila kuweyagaza. Hamba si yawakumbucila yaye i wakohani wetu, hamonga ne walongola.

Ezekiyeli 5:10

Na mu ndipicizwa yiyo, iwalezi wa mu Yelusalemi, wololya i wana wawo, nawo wana wololya walezi wawo. Nolomulipicizenyi no kumwiyagazizenyi mu malanga gose, kanyhi holowa hasina hamba yunji mono yalasigala mumi.

Ezekiyeli 9:7

Hanyuma, Mulungu yakawalonjela kanyhi yakawatya, “Alu muyavufyaje Nyumba yangu, muyimemye ne mivimba, hanyuma ho mulawanize mubite muketume nha vyono nonjile!” Hodu, hobaho wakawa kwanza kuwawulaga wanhu mwi'kaya.

Walawi 26:29

Ne zinzala zenyu zowa mbaha, modabuka muno muno, nanye mowalya sunga ne wana wenyu we cilume na we cicekulu.

Wukumbucize wo Wulajilize 9:26

Nane nghawa kulomba nghatya, ‘Gwe go Muwaha Mulungu, wulece kuwongomeza wanhu wako, i wanhu wono wawaponya no kuwawusa ku yisi ya Misili kwe vilungo viwaha, na ko wusume wuwaha.