I Cililo 2:2 - Luganuzi Luswanu Kuli Wanhu Wose 2002

² Muwaha Mulungu yavyongomeza vitumbi vyose vya Yuda, hamba kuviwonela lusungu yaye. Yakumulanga ne magomawakali gose gono gayicitilaga yisi. Yawaletela cevu ciwaha i watemi, hamonga no wutemi wawo.

I Cililo 2:2 ပူးပေါင်းရင်းမြစ်များ

Jobu 2:3

Muwaha Mulungu yakamuwuza Setani yakamutya, “Ninga wumuwene u mwitumami wangu Jobu? Hambi nha hasina munhu yunji mononze yiyi, mwihuwilwa, kanyhi munhu muswanu, mono yehwanile yuyu Jobu. Hambi Jobu nha kahembaga nene, kanyhi kelanjililaga muno, ho yalece kwituma nghani yo yose 'mbi. Ninga agwe wukasaka nghukombole wubite wukamutamise mbula soko. Ninga lu wulanje! Jobu yakali vyo mwihuwilwa du kuli'ne nha vyono kawezaga vilo vyose.”

Zabuli 21:9

Nagwe kolo wukuza, kowaticimiza mwi'kozo lyo moto, i likuwo lyako go Muwaha Mulungu, lyowongomeza, no moto wowatakamiza.

Zabuli 74:7

Wakayiticimiza no moto Nyumba yako yono yelile. Wakahatovula i hanhu hono agwe wukogopwa.

Isaya 22:5

Hambi ali nha lyo lizuwa lye mahwele, no wusumwe, hamonga no woga wuwaha, mwi'lolo lyo wugubulilwe. Hambi u Muwaha Mulungu we mihanga, nha yo yacileteye. Alu lanje, sunga ne majinji ge likaya lyetu, gose gakondya kumwaguka, ne mazi ge cililo cetu co kulondola wutazi, ne matunda nhondo gakubocelela.

Isaya 23:9

Ninga wumanye, vyono yo Muwaha Mulungu du we mihanga, yo yaziwika zizi. Yaziwika ho yawawusize lukulu cibede cawo wanhu wa Tulo, cibede cono cali ciwatumvizye, kanyhi ho yawanyetye ne wanhu wawo we lilumbo.

Isaya 25:12

Mulungu kologongomeza magomawakali ga Mowabu, hamonga ne majinji gawo matali, yagagwise sunga ho hasi, gawe manghundi.

Isaya 26:5

Nha yakondya kuwanyetya i wedunhumuzi, ne makaya gawo gono wekalaga, Mulungu yakondya kugongomeza, ne majinji gayo kakondya kugatulanjiza gawa manghundi.

Isaya 27:11

Sunga ne manhambi ge mibici gakunyala, gakubeneka, ne wacekulu nawo wakutenya mumo ne zingwagu. Hambi i wanhu nha siwakutanga yaye, holeka nayo Mulungu u Muwumbi wawo, si kowawonela lusungu, hamba si kowanenela yaye.

Isaya 43:28

Sunga ne watemi wenyu, nawo wakahavufya i hanhu hangu hono helile. Holeka ku soko yiyo, nane nghaleta wongomezwe kuli Isilayeli. Nghawaleka wanhu wangu Isilayeli watovulwe.”

Isaya 47:6

Nali niwakoleywe likuwo wanhu wangu nghawa kuwatendela nha kotya si wanhu wangu Nghawawika mu miwoko yako. Nagwe hamba si wawawonela lusungu yaye, sunga ne wakombi wose wukawatendela vibi muno.

Yelemiya 13:14

Hanyuma ho niwe kuwatulanjiza nhe zinjilo zono zikutowezwa njilo na njilo nyagwe. Nawo vyo wotowezwa munhu na muyagwe, i wasogo zo munhu ne wana wawo. Nane si nowawonela lusungu yaye, hamba lusungu, si lonyimila yaye, ho ndece kuwawulaga ng'o.”

Yelemiya 19:15

nha vyono u Muwaha Mulungu, u Mulungu wa Isilayeli katya nhavi, “Alu nane noliletela likaya lili, wulipicizwe wuwaha muno, hamonga ne vikaya vye behi behi, u wulipicizwe wono nali nawulonga. Hambi anye, nha muli wawanji muno, musina cihuliko, hamba si mosuma yaye kuzihulika zono 'ne nghuzilonga.”

Yelemiya 21:7

Ninga agwe go mweneco, ne wetumami wako, hamonga ne wanhu wono wosigala, wono si wofwa ko wulugu, hamba nzala, hamba matamwa, anye wose nomulecenyi musolwe no mutemi Nebukadineza, hamonga ne wasilikale wakwe wono wali saka wakuwulaje. Nayo Nebukadineza kolokuwulaga 'gwe. Kanyhi hamba si kolosigaza munhu monga muli'nye. Hamba si kolomuwonelenyi lusungu, hamba ku munenelenyi yaye. Vyo nghutya, ane no Muwaha Mulungu.”

Yelemiya 5:10

“Alu nane nowatuma walugu, waze wayidumulanje mizabibu ye wanhu wangu, ninga si woyongomezeza lukulu yaye. Nowalonjela vyono wayidumulilaje manhambi du. Hambi i manhambi gago, nha si sawo yangu yaye.

I Cililo 2:17

Alu Muwaha Mulungu, nhondo ketuma zono yali yazitemizye kuzituma. Kacihodanga yasina lusungu nha vyono yacilonjela. Kawapela walugu wetu wusume, kawapela wusangalale so wutamiswe wetu.

I Cililo 2:21

Alu i wadodo ne wakombi, wose nha wagwiye wafwiye mu zinzila. I wazelelo hamonga ne wacekulu, wose wakondya kuwulagwa ne mimaje ye walugu. Kuwawulajila mwi'zuwa lye likuwo lyako, wusina hamba lusungu.

I Cililo 2:5

Muwaha Mulungu, yawahodanga Waisilayeli nha mulugu. Yagaleka magomawakali gayo ne hanhu hayo vihodangwe. Yawaletela wanhu wa Yuda wusungu wono si wolomalika.

I Cililo 3:43

“Wacityatya wukaciwulaga, hambi lusungu lwako nha lwali lwihundice mwi'kuwo lyako.

Ezekiyeli 5:11

“Holeka ane vyono nili Mulungu mumi, azi zo nghani zo nghutya. Hambi 'nye nha mwayavufya Nyumba yangu ku soko ye zimbi zenyu, hamonga ne zinghani ze cevu zono mukwituma. Holeka nane nomulecenyi hamba si nomuwonelenyi lusungu yaye.

Ezekiyeli 7:4

Nane nomulipicizenyi du, hamba si nomuwonelenyi lusungu yaye. Langa nomulipicizenyi du ku soko ye makani genyu ge mawifyo gono mwitumaga. Nanye baho nhondo ho molomanyila vyono ane yo nene Muwaha Mulungu.”

Ezekiyeli 7:9

Nane nomulipicizenyi du, hamba si nomuwonelenyi lusungu yaye. Langa nomulipicizenyi du ku soko ye makani genyu ge mawifyo gono mwetumaga. Nanye baho nhondo ho molomanyila vyono ane yo nene no Muwaha Mulungu, na vyono yo nene mono nghumulipicizenyi.”

Ezekiyeli 8:18

Ninga wuwalekaje 'gwe, hambi nha wowuwona wukali we likuwo lyangu. Nane si nowaleka hamba kuwawonela lusungu yaye. Nawo hamba wandilile kwe mazi mawaha muno muno, ane hamba si nowahuliciza yaye.”

Ezekiyeli 9:10

Ninga nane lu, hamba si nowawonela lusungu yaye, langa nowatendela wene, nha vyono nawo wawatendelaga wanji.”

Mika 5:14

Nolovigwisa hasi vihwani vyo mulungu we cicekulu Ashela mu'si yenyu, no kugahodanga makaya genyu.

Malaki 1:4

Na hono Waedomu u lulelo lwa Esawu watye, “Imakaya getu, heya gahodangwa, ninga cogazenga kanyhi.” Nayo Muwaha Mulungu kopitula yatye, “Heya, lece wagazenje kanyhi, ninga nane nogamwagulanga kanyhi. Ne wanhu wowacema watye, ‘Yisi yo wubi’ kanyhi ‘Lyo likungugo lyono Muwaha Mulungu yalikoleywe likuwo cibitilila.’ ”

Matayo 18:33

Alu, si yali yikunojeye wumuwonele lusungu u mwitumami muyago nha vyono nane nakuwonela lusungu?’

2 Wakolinto 10:4

Hambi i vitwalo vyono cikwitumamila mu wihomi wetu, nha si vitwalo vye ciyinze yinze, langa vyo vilungo vyo Mulungu vyono vigwisaga magomawakali gose. Nase cikusuma kuwugwiza u wusugu-sugu wose wo wulambi,

Wukumbucize wo Wulajilize 28:52

Wanhu wawo, wologahoma makaya genyu gose, mu yisi yono Muwaha Mulungu yakumupelenyi. Sunga ne magomawakali, i matali muno, gono mwitumbiye, gose gologwa hasi.

Wukumbucize wo Wulajilize 32:22

Likuwo lyangu nane lyokwaka nha moto nalyo lyovitakamiza vinhu vyose mono'nze. Lyovificila na vyose vyono vili hasi ku yinze ye wafu, no kuyitakamiza ne misinji ye matunda.