I Cililo 2:19 - Luganuzi Luswanu Kuli Wanhu Wose 2002

¹⁹ Na mu cilo cose, weze kwinuka kali kenji wukumulilila Muwaha Mulungu, wumujidile mutima wako nha malenga u Muwaha Mulungu, wumulombe yawawonele lusungu wanago. I wanago wono wakufwa ne nzala mu zinzila zose!

I Cililo 2:19 ပူးပေါင်းရင်းမြစ်များ

Jobu 3:24

Alu wugule wangu, wo wukuhomela wulye we zindigwa, nane hamba si nosuma kuleka kukoloma yaye.

Zabuli 119:55

Na mu cilo namo, nghukumbucilaga gwe gwe go Muwaha Mulungu, akuno nghwihwesa ze malajilizo gako du.

Zabuli 134:2

Mwinule miwoko yenyu, muyilanzye kono koyili Nyumba yo Mulungu, mumukumye Muwaha Mulungu!

Zabuli 141:2

No wulombe wangu wukuficile nha wuvumba, sunga no winule we mawoko gangu, wuweze nhe likumbiko lya mwi'daha lye cinya mihe.

Zabuli 142:2

Nghumuwicila wulilanzice wangu, nghumuloloseza zo wugazice wangu wose.

Zabuli 142:3

Lono nili behi kukatala mu nhumbula, mwene yazimanyile zose ze mijendele yangu. Nawo walugu wanhejeze no mutego.

Zabuli 28:2

Wuhulicize lono nghukulomba wutazi, lono nghuyinula miwoko yangu, niyidomizye hono helile hako.

Zabuli 42:3

Mahozi gaweza yo ndigwa yangu ku misi, na ku cilo, vilo vyose lono wakumbuza wakutya, “Yali hayi Mulungu wako?”

Zabuli 42:4

Nina wukalale wuwaha muno, kolo nghukumbucila zono zapuluta, vyono nali nilunzize na wanhu wenji muno, nghuwatonga cikubita ku Nyumba yo Mulungu, na vyono cali cisangalaye no kwimba zinyimbo zo wulumbe. Ne lipuga lye wanhu wakunoza sikukuu.

Zabuli 42:8

Muwaha Mulungu kamhelaga vye lihewa lyakwe ku misi, nane ne cilo nghumwimbila lwimbo lo lukumyo, nghumulomba mwene mono kamhelaga wumi.

Zabuli 62:8

Nye nyo wanhu, mumwitumbile Mulungu nhondo zose, kanyhi mumulonjele ne visakwa vyenyu. Hambi Mulungu nha wo wutizizo wetu.

Zabuli 63:4

Nane nakulumba mu vilo vyose vyono nghali mumi, nane nokwinulila gwegwe miwoko yangu, lono nili mu wulombe.

Isaya 26:9

Nane nikalaga nghukwihwesa gwegwe du cilo cose kwe nhumbula yangu yose, nagwe kolo wukuyiling'aniza yinze hamonga ne wanhu wayo, baho ho wolomanyila ze ling'ani yako vyono yinha.

Isaya 51:20

Ne wanhu wako wagwiye mu vipeto vyose vye zinzila ku soko yo wusocele, wehwana nhe sawada yono yigwiliye mu mutego wo mupelembi. Wamemile wutacilwe we likuwo lyo Mulungu.

Yelemiya 14:18

Nane lono nghubita mu mawimbi, nghuyiwona i miwili ye wanhu wono wawulagwe mu wulugu, na kolo nghubita mu makaya, namo nghuwawona i wanhu wono wakugaya no kufwa so nzala. Ninga nawo i wawizi hamonga ne wakohani, wene wajendeleye du ne milimo yawo, hamba kumanya yaye na cono wakwituma.”

Yelemiya 9:20

Nane Yelemiya nghatya, “Nye nyo wacekulu, ale muhulicize zono u Muwaha Mulungu yakulonga, muteje makutu genyu muzikamise zinghani zakwe nanye muwejize ne wana wenyu we cicekulu vyono walilaga, ne weyendi wayenyu, vyono wembaga u lwimbo lwe maziko.

Ezekiyeli 5:10

Na mu ndipicizwa yiyo, iwalezi wa mu Yelusalemi, wololya i wana wawo, nawo wana wololya walezi wawo. Nolomulipicizenyi no kumwiyagazizenyi mu malanga gose, kanyhi holowa hasina hamba yunji mono yalasigala mumi.

Ezekiyeli 5:16

Nane noloyicepula ndigwa yenyu yiwe nyhefu, nzala yimwaganenyi. Nanye molotamiswa muno ne nzala, molowa nha mukugumwa ne zisonga zinghali muno, zono zikumongomezenyi.

Mika 1:16

Anye nyo wanhu mono mwikaye Yuda, mucete zimvwili, mulile, ku soko ye wana wono muwendile. Mwinozezaje nyo weneco mihalu kotya 'ndi, hambi wana wenyu nha wohamywa no kutegulwa kutali na nyenye.

Nahumu 3:10

Ninga wanhu wa No-amoni, wategulwa kutali ku wuwanda. Na mu zinhuzi zose ze zinzila, wana wawo watowangwaga sunga wafwa. Ne walongola wawo wose wasolwa, akuno wawopwe ne manyolo, wakawa kugawana wanya kuwateka.

Matayo 14:25

Ne cilo lono kwali kweza behi no kudandawuka, Yesu yakawabitila i wejizwa, yakujenda mucanyha ye malenga,

Maluko 1:35

I mitondo yaco lono kwali kukali nadandawuka, Yesu yakenuka yakabita kulomba i hanhu ha cilejeho hono hasina wanhu.

Maluko 13:35

Ale, mwikalaje meso, hambi nha simumanyile munya kaya kolokuza nili, na lunji yolowa mu cinyamihe, mu cilo mugati, mu nzogolo hamba hakali mitondo.

Luka 6:12

Lizuwa linji Yesu yakabita kwi'tunda, kulomba; yakekala kuko cilo cose sunga wukela, yakumulomba Mulungu.

1 Timoteyo 2:8

Ale, ho hose mu kanisa, kolo mukwitang'anila mu wuhembi, nghusaka iwalume weze kulomba akuno welavizye lukulu kuli Mulungu, na kanyhi wono wosuma kunyasula imiwoko yawo, kuno wakulomba wasina likuwo hamba wuwanji.

Walamuzi 7:19

Lulo Gideyoni hamonga ne cipuga cakwe ce wanhu yigana limonga, wakabita ha mwejelele we nghambi mu cilo mugati, lono wali wakali nafika i walindilizi mu wikawanize wo wilecele wawo. Baho wakatowa zindulele no kutula zinjilo zono wali webate.

1 Samwili 1:15

Nayo Hana yakamupitula yakatya, “Ng'o, ye, 'gwe mukohani ane, si ngalile yaye, hamba nghali si nang'wa divayi yaye! Langa nhumbula yangu yimemile wukalale. Nane nali nili muwulombe, nghumuwicila Muwaha Mulungu wugaye wangu.

1 Samwili 7:6

Wose wakawa kwihanguliziza kuko ku Mizipa. Wakanega malenga, wakagapulinhya hali Muwaha Mulungu, cikawa nha cilavywa kuli Muwaha Mulungu, kanyhi wakaleka no kulya mwi'zuwa lilyo. Wakalonga wakutya, “Ase cakondya kumusutizya Muwaha Mulungu.” (Samwili yakawa mulamuzi muli Waisilayeli baho ha Mizipa.)