I Cililo 2:15 - Luganuzi Luswanu Kuli Wanhu Wose 2002

¹⁵ Ne wanhu wono wakupuluta wakolile mwi'kaya, wakukulanga ko wubedegale, wawa kusinjisa ne mitwe yawo akuno wakugaseka matongo ga Yelusalemi, wakutya, “Mwene 'nye, mbeka lili lyo likaya liswanu, lyono lyali likumuce mu yinze yose?”

I Cililo 2:15 ပူးပေါင်းရင်းမြစ်များ

2 Watemi 19:21

“Ayi yo nghani yono Muwaha Mulungu yakulonga kuli Senakelibu yakutya, ‘Agwe Senakelibu, likaya lya Yelusalemi likukusekanga no kukubedula.’

2 Zinghomo 7:21

“Kwa luno, Nyumba yiyi yo Mulungu, yina cogopo muno kuli wanhu wose. Ninga hanyuma, munhu wo wose mono kolowa kukola behi nayo, kolokwizina muno no kuwuza yawe kutya, ‘Alu socici lo Muwaha Mulungu ketuma zono zinha zizi mu yisi yiyi, na mono Nyumba yiyi?’

Zabuli 109:25

Nawa nili munhu wa kusekwa hali wanhu, na lono wakumbona, wakumbedegala, no kusinjisa mitwe yawo.

Zabuli 22:7

Wose wono wakumbona, wakunzwajiza du, wakufyonza no kusinjisa mitwe yawo,

Zabuli 48:2

Mucanyha ye litunda lyakwe, lyono lyelile Sayuni. Litunda lyo Mulungu, yitali kanyhi yiswanu, likaya lyo Mutemi muwaha, lyo liletaga nyemo ye yinze.

Zabuli 48:3

Na mu zikaya ze likaya lilyo lya Sayuni, mumo mo Mulungu, yakwilajila, vyono mwene wo wihundiko wono wukamile.

Zabuli 50:2

Ku wulawa ku Sayuni, likaya liswanu muno u Mulungu, yakwilajila no kumulika.

Zabuli 64:8

Kowongomeza ku soko ye zinghani zawo, no munhu wo wose mono kowawona, kosinjisa mutwe wakwe.

Isaya 28:21

Ninga mumanye nha vyono Muwaha Mulungu kolewana, nha vyono yetuma kwi'tunda lya Pelazimu, na mwi'lolo lya Gibeyoni. Ho yetume zono yakuhila mweneco. Yetume metumo gakwe majenzi go wizine nha vyono gokwijela. Kanyhi kofisiliza litumo lyakwe, lyo wizine.

Isaya 37:22

na vyono Muwaha Mulungu yamupituye, yakutya, “Agwe Senakelibu, likaya lya Yelusalemi likukusekanga muno, kanyhi likubedegaye muno.

Isaya 64:11

Nayo Nyumba yako yo wuhembelo yono yasiwanulwa, i hanhu hono hali haswanu muno, hono i walezi wetu wakukumizyaga gwegwe, alu hakondya kunyanywa no moto. Ne hanhu hose hono cali cihendile muno, alu geza matongo du.

Yelemiya 18:16

Nalu, wakondya kuyinoza yisi yiyi, yaweza cinhu ca kogofya muno muno, alu yeza yisi yono yowa yibedegaywe cibitilila. Na wose wono wowa kukola behi nayo, wocelewala muno ku soko ya zono woziwona, wowa kuyizugunza ne mitwe yawo ko wizine wuwaha.

Yelemiya 19:8

Nane nololeta wogofywe, hamonga no wuhodanjice mumu mwi'kaya lilino, sunga ne wanhu wose wono wowa kukola behi nalyo, wowa kuyisinjisa ne mitwe yawo ko wizine wuwaha.

Yelemiya 25:18

Nayo Yelusalemi ne makaya gose ge yisi ya Yuda, hamonga ne watemi wayo, ne walongola wayo, wose wakacing'wa cikombe cico, ho wanozwe wawe nyika no wizine, hamonga no wuhowelezwe. Ne wanhu walitumamila litagwa lyawo nha wulijitwe, nha vyono wanozaga.

Yelemiya 25:9

‘Mulanje, ta! Nane nowatuma i wanhu wo lubavu lwa kusumuka, hamonga no mwitumami wangu Nebukadineza, u mutemi wa Babiloni. Waze wayihome yisi ya Yuda, ne wekazi wayo wose, hamonga ne makungugo gose gono gayipilime. Nane nolyongomezeza lukulu likungugo lili, hamonga ne wekalani wayawo wose, niwalece mu wongomele we cibitilila, wawe cinhu co kogofya no kuhowelezwa, hamonga no wucelewazwe wuwaha. Vyo nghutya ane no Muwaha Mulungu.

Yelemiya 26:6

Ninga luno mwilanjililaje muno muno, vyono hono mujendelele du kuwa musina cihuliko, nane noyinozeza i Nyumba yangu yiyi, nha vyono nayinozeza Shilo. Ne makungugo gose ge yinze, wolitumamila litagwa lye likaya lili nhe 'lijito.”

Yelemiya 29:18

Nane nomutyatililenyi no wulugu, ne nzala, hamonga ne matamwa. Ne makungugo gose ga mono'nze, golokwinjilwa no wizine wuwaha muno. Ne hanhu hose hono nowa niweyagazize, i wanhu wa mumo wolotinuswa no kogofywa muno muno ku soko ya zizo zono zolomwijelelenyi Ne wanhu wose wolomusekanjenyi, no kulitumamila litagwa lyenyu nha cinhu cilijitwe.

Yelemiya 48:27

Nagwe Mowabu, wukumbuciye, vyono nagwe wawezwajizaga i wanhu wa Isilayeli? Kanyhi wukawatendela nha wanhu wono wali webatwe ne lipuga lye wahizi.

Yelemiya 51:37

Nayo yisi yiyo, yolowa malundo du ga matongo, holowa wikalo wa malimu. Holowa hanhu hono hakogofya muno, hasina hamba munhu mono kolokwikala mumo. Na wose wono wowa kuziwona zizo, mbeka wotuga woga muno muno.

I Cililo 1:21

“Alu wulanje vyono, sunga na mu wugule wangu, hasina hamba monga mono yakumhela wutuzwe. Nawo walugu wangu wasangalaye, vyono agwe kundetela wugaye wono winha wuwu. Holeka lize mbela lizuwa lyako lyono wehuwiza, liwanoze walugu wangu, nawo wenjile mu magayo, wagaye nha vyono ane nghugaya.

I Cililo 1:8

No lukumyo lwa Yelusalemi lwakondya kuwuka, alu yeza yali cipwi, yebatwe ne cevu. Nalu yakugula yehundicize wusu wakwe, yakuwona soni. Yelusalemi yetipiza mweneco so wubi wakwe.

I Cililo 2:16

Ne walugu wako wose, alu wakukwizwajiza no kukunugulila ko lusulo, akuno wakuyibobotola ne milomo yawo, no kukubedula wakutya, “Hee! Cilihodanga si! Ali lyo lizuwa lyono cali cililanjiliye muno!”

I Cililo 2:6

Kayikumulanga Nyumba yo Mulungu, yono cenjilaga cikumuhemba. Yaciwusiza ne vilo vyetu vye zi sikukuu na vye zi Sabato. I watemi hamonga ne wakohani, wose wawuwona wukali we likuwo lyakwe.

Ezekiyeli 16:13

Nhavivi vyo wahambwa zahabu ne fweza, ne vivwalo vyako vye bafuta swanu, hamonga no wihambo. Wukalya wusaje wuswanu wono wunamuce, hamonga no wuci ne mafuta. Wukawa muswanu muno, sunga wukawa mugolece wo mutemi.

Ezekiyeli 16:14

Nagwe wukawa ne lilumbo yiwaha muno muli zinghungugo zose, ku soko yo wuswanu wako. Hambi nha yo nene mono nakunoza ho wijele wuli muswanu muno.” Azi zo yakulonga u Muwaha Mulungu.

Ezekiyeli 23:32

Muwaha Mulungu yakutya nhavi, “Nagwe Oholiba, kong'wela du mu cikombe co muwahawo Ohola, naco ho ciwaha muno kanyhi citali. Ne wanhu wose wokwizwajiza no kukubedegala, naco cikombe cimemile muno.

Ezekiyeli 25:6

“U Muwaha Mulungu kanyhi yakuzilonga azino yakutya, Anye mwatowaga maganza, hamonga no kuzumha-zumha so nyemo. Mukayibedegala yisi ya Isilayeli.

Ezekiyeli 5:15

“Na Kolo nasimba no kukolwa likuwo no kumulipicizenyi, i makungugo gose gono gamupilimenyi, golokwibatwa no woga wuwaha muno. Wolomulanjenyi nha muli wanhu we 'wifyo, kanyhi wolomulijenyi.

Danyeli 9:16

Agwe wacidima mu vilo vyono vipulute, holeka cikukunena, wulece kuyikolelwa likuwo Yelusalemi. Hambi nha lye 'kaya lyako, litunda lyako lyono lyelile. Hambi i wanhu wose we ma'si gono gacipilime, nha wakuyihosa Yelusalemi, hamonga ne wanhu wako, ku soko yo wubi wetu, hamonga no wubi we walezi wetu wono wetuma.

Mika 6:16

Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”

Nahumu 3:19

Kusina kanyhi hamba miti yono yowupoza wusungu wako, ne zinghomele zako sizikusumika hamba kuwunoje yaye. Na wose wono wohulika zo wuhodangwe wako, mbeka wotowa maganza gawo so nyemo. Hambi nani mono yelega no wukali wako wono wusina ndumilizo?

Zefaniya 2:15

Azi zo zololijelela likaya lyono lina wiwoni wo kwiyitumbila vilungo vyalyo lyeneco, no kwihwesa vyono likaye lipolile. Ne wanhu wayo wakwihwesa vyono likaya lyawo lye 'waha kuciza makaya gose mono yinze yose. Na kumbe wo wambuce wa bwete, hambi nha holopituka hawe wikalo we zinimu za mu mbago! No munhu wo wose mono kokolela baho, kololihoweleza no kusinjisa mutwe wakwe.

Matayo 27:39

Ne wanhu wono wapulutaga baho, wakawa wakuzugunza i mitwe yawo, akuno wakutya,

Maluko 15:29

Ne wanhu wono wakolaga hanhu baho, wakamutovula, akuno wakuzugunza i mitwe yawo wakutya, “A, he! Gwe go munya kuyimwagula Nyumba yo Mulungu no kuyizenga mu vilo vidatu!