I Cililo 2:11 - Luganuzi Luswanu Kuli Wanhu Wose 2002

¹¹ Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

I Cililo 2:11 ပူးပေါင်းရင်းမြစ်များ

Jobu 16:13

Ne wagumi nawo, wakunguma ne zisonga mbavu zose. Zisonga zono zikuhoma no kumhela nghomele, ninga hamba nhavivyo, mwene si yakumbonela lusungu yaye.

Jobu 30:27

Mahwele no wusungu vyanhamisa, hambi nha nili mu magazo vilo vyose.

Zabuli 119:82

Ne meso gangu nha gakatala, so wulanjilila cono wehuwiza, sunga neza kuwuza nghutya, “Alo ho kokuza nili wusindamice?”

Zabuli 22:14

Ane namalika nhe malenga gono gamwajice, ne mafupa gangu gose gatenguka, ne nhumbula yangu yeza nha kotya nha yono yenjeduce.

Zabuli 31:9

Gwe go Muwaha Mulungu, wumbonele lusungu, hambi nha nili mu wugaye, meso gangu gavimba so wulila muno, ne vilungo vyangu vyose vyatimba.

Zabuli 38:8

Alu natimba, nadejepa muno, nghuzizidika muno so wusungu wa mu nhumbula.

Zabuli 6:7

Ne meso gangu gakatala so wukalale, gavimba ku soko yo wugazwe ne walugu.

Zabuli 69:3

Alu natimba muno so cililo cangu, sunga ne malaka gangu ganyala muno. Ne meso gangu geza si gakuwona viswanu, lono nghuwulondola wutazi wako.

Isaya 22:4

Alu ta, mundekaje niwalilile ko wusungu wanhu wangu wose wono wakondya kufwa, hamba mulece kusindamika yaye.

Isaya 38:14

Ne lizi lyangu likasocela, likawa yidodo muno. Nane nghawa kulila nha nghunda. Ne meso gangu gakakatala so wugalamila kucanyha. Gwe go Muwaha Mulungu, wumhonye mu wugaye wuwu.

Isaya 51:20

Ne wanhu wako wagwiye mu vipeto vyose vye zinzila ku soko yo wusocele, wehwana nhe sawada yono yigwiliye mu mutego wo mupelembi. Wamemile wutacilwe we likuwo lyo Mulungu.

Yelemiya 14:17

U Muwaha Mulungu yakandajiza niwalonjele wanhu zo wukalale wangu niwatye nhavi, “I meso gangu gasuluze mahozi misi ne cilo, galece kuduma yaye, hambi i wanhu wangu nha watuga nghomele kanyhi watamiswe muno muno.

Yelemiya 4:19

Nye nghuwona wusungu si! Hamba si nosuma kuwukangalila yaye! Nye nhumbula yangu si! Nhumbula yangu, nha yatowa muno! Nane hamba si nosuma kunyamala yaye. Hambi nha nghuhulika mazi ge zindulele hamonga ne mazozo go wulugu.

Yelemiya 44:7

“Holeka nane no Muwaha Mulungu we mihanga, ane no Mulungu wa Isilayeli, nghumuwuzenyi, nghutya nhavi, alu nhawulenyi mukwituma i zimbi zono zinha zizi. Hamba nhawule lo mukuhila kwiyiletela nyo weneco wongomele, anye mo we cilume, na we cicekulu, ne wana, sunga ne wana wagalika, ho halece kuwa kanyhi na munhu wo wose wa muli nyenye, mono kolosigala yaye?

Yelemiya 8:19

Ale, hulicizenyi anye mono muli mu yisi yose. Hambi 'ne nha nghucihulika cililo ce wanhu wangu wakulila wakutya, “Alo mwene u Muwaha Mulungu yeza yali kusina kuko ku Sayuni? Hamba u mutemi we Sayuni, yeza yali kusina kuko?” Nayo u Muwaha Mulungu, u mutemi wawo yakupitula yakutya, “Nhawulenyi nanye mwanghoza likuwo, ku soko yo wuhemba vihwani wenyu, hamonga no winamila i milungu yenyu ye cijenzi, yono yisina wutazi wo wose?”

I Cililo 1:11

Nawo wanhu wakwe wose wakugula, wakulondola ndigwa. Wakukawa vinhu vyawo na ndigwa, ho walece kufwa. Holeka likaya likulila likutya, “Gwe go Muwaha Mulungu wunghumbucile, wugalanje magayo gangu.

I Cililo 1:16

“Na yo soko yono yikuleka meso gangu gakulawa mahozi. Hasina hamba monga mono konhuza, hamba kusikamya. Hambi walugu wangu nha wakondya kusuma 'ne, ne wanhu wangu wasina hamba cono ciwasigaliye.

I Cililo 1:20

“Alu 'gwe go Muwaha Mulungu, wulangaje ta wusungu wono nina nawo mu nhumbula yangu! Ne nhumbula yangu nha yatulilwa muno no wukalale, ku soko yo wubi wangu. Alu mu zinzila, mweza mowuli wuwulaji, na mu milango namo, molili yifwa.

I Cililo 5:17

Holeka zinhumbula zetu zizilice. Na ku soko ya zizo, ne meso getu si gakuwona viswanu.

Luka 23:29

Hambi lanjenyi, vilo nha vyolokuza vyono wanhu wolotya. ‘Wamoti iwagumba, na we zinda zono si zilelaga, ne matombo gono si gosaga.’

1 Samwili 30:4

Hobaho Dawudi hamonga ne wanhu wakwe, wakawa kwanza kulila, wakalila duu, sunga wakawa nhondo wasina ne vilungo kanyhi vyo kulilila.