I Cililo 2:10 - Luganuzi Luswanu Kuli Wanhu Wose 2002

¹⁰ Nawo i wanhu wakombi wa mu Yelusalemi, wekaye wanyamaye twii, akuno weyitiye manghundi mu mitwe yawo, wavwalile magunila. Nawo i wahinza, wenamizye mitwe yawo hasi.

I Cililo 2:10 ပူးပေါင်းရင်းမြစ်များ

2 Samwili 13:19

Tamali yakemwajila mavu mu mutwe wakwe, yakacidemula ne civwalo cakwe, yakawugubiciza wusu wakwe ne miwoko yakwe, yakawa kujenda yakulia.

Isaya 15:3

Nawo wanhu wono wali mu zinzila, wose wavwalile magunila. Wose wakulila muno muno mucanyha ye matembe na mu mabalangu.

Isaya 3:24

No munungho mubi, wolohomela ha wibaka vye mhunjile swanu. Woleka wuvwala misipi miswanu, langa wovwala milejehe. No wuwe wo kuwa na mvwili swanu mu mitwe yawo, alu wowa na mikulungu. Nawo mu wuvwala myenda yo wulenzi, alu wovwala masambi-sambi du. No wuswanu wawo wose ku wulangwe, wogaluka cevu!

Isaya 3:26

Nayo milango ye likaya, yokalala no kulila. Ne likaya lyokwihwana no mucekulu mulekwa mono yekaye hasi mu manghundi.

Isaya 36:22

Ninga ho bahobaho Eliyakimu na Shebina, hamonga na Yowa, wakavidemulanga vivwalo vyawo ko wusungu wuwaha, wakawa kubita kuli mutemi Hezekiya kumumanyiza zizo zose zono mwitumami we Ciashuli yalonjile.

Isaya 47:1

Muwaha Mulungu yakutya nhavi, “Gwe Babiloni, alu wuwuce mwi'goda lyako lyo wutemi, wutime wikale hasi mu muhangha. Halulongozi wali winha muhinza muswanu likaya lyono silisumwaga. Ninga aluno hamba si kocemwa kanyhi mupolo hamba wo wulenzi! Aluno, wawa muwanda!

Isaya 47:5

Muwaha Mulungu yakuyilonjela Babiloni yakutya nhavi, “Wunyamale twii, mu wutitu, hambi nha hasina munhu wo wose mono kokucema kanyhi nha wuli mugolece we likulu, we makungugo!

Yelemiya 8:14

“Nawo i wanhu wo Mulungu wakwiwuza wakutya, ‘Alu mwene nye!’ Nhawulenyi lo cikaye cinyamaye twii. Alenyi cimanyhile mu makaya gono gena magomawakali cikafwile mumo. Hambi u Muwaha Mulungu, u Mulungu wetu, nha yakondya kuciling'aniziza wufwe. Hambi nha kacipela 'se sumu, ciying'we, vyono nase cituma wubi hali mwene.

I Cililo 1:1

Lanje lu, likaya lili lya Yelusalemi vyono lyekala yiciwa, ninga ho lyali limemile wanhu wenji muno muno. Nalyo lyali lina ne lilumbo yiwaha mono yinze yose, ninga alu mulanje, lyehwana no mucekulu mufwile. Na mu makaya gose, lyene lyali nho mwana we cicekulu wo mutemi. Ninga alu lyakondya kusolwa no kutegulwa ku wuwanda.

I Cililo 1:4

Nalu hasina hamba munhu monga kanyhi, mono kosuma kubita kuhemba ku Nyumba yo Mulungu mu vilo vye zi sikukuu. Ne wahinza wose wono wembaga, alu wali mu wugaye, nawo wakohani wakugula du. Ne milango ye likaya, yeza mu wambuce, nayo Sayuni yili mu wusungu wuwaha muno.

I Cililo 3:28

Na lono cenjila mu magayo, yicinojeye cikale cibembo cili wene, ciwe cinyamaye ko wukangalile.

I Cililo 4:16

Nayo Muwaha Mulungu, hamba si yawatununhicila yaye, Nhondo ho yakacila kuweyagaza. Hamba si yawakumbucila yaye i wakohani wetu, hamonga ne walongola.

I Cililo 4:5

Sunga ne wanhu wono walizaga ndigwa swanu, wose nha wafwila mu zinzila ku soko ye nzala. Na wono wekalaga wamotile, alu wakugaya so wulondola ndigwa.

I Cililo 5:12

I walongola wetu nawo, wakwibatwa, wakunyongwa. I wakombi wetu, si wakupegwa cogopo yaye.

I Cililo 5:14

I wakombi nawo, wapela ku wubita kwikala mu milango ye likaya. I wazelelo nawo, wapela ku wubita ku ng'oma.

Ezekiyeli 27:30

Na wose wolokulilila ko wusungu wuwaha, akuno wakwimwajila manghundi mu mitwe yawo, no kwigalangaza mu mavu.

Ezekiyeli 27:31

Woloyiceta ne mitwe yawo ku soko yako, wavwale ne magunila, akuno wakulila ko wusungu wuwaha.

Ezekiyeli 7:18

Nawo wolovwala magunila, akuno wakucicima so woga wuwaha muno. Woloyiceta mitwe yawo, wolokozwa cevu ciwaha muno.

Yoweli 1:8

Anye nyo wanhu, mulile nho mwana munyacipale, mono yafwilwa no munhu mono yali hila kutolwa nayo.

Amosi 5:13

Holeka, u wukanganizi wa mu vidaha vye zimbali, yo nghani swanu muno ku witume.

Amosi 8:13

Mwi'zuwa lilyo wazelelo ne wahinza waswanu, wolozilika so nyhilu.

Amosi 8:3

Na mwi'zuwa lilyo zinyimbo za mu kaya yo wutemi, zolowa vililo vyo wusungu wuwaha. Ne miwili ye wanhu wono wafwiye, yolowa yiyagaye caka hanhu hose. Hamba lizozo si lilahulikwa yaye.”

Yona 3:6

Nayo mutemi wa Ninawi, yali yeza kuzihulika zizo, yakenuka ku wulawa mwi'goda lyakwe lyo wutemi, yakavula vivwalo vyakwe, yakawa kuvwala magunila, yakawa kwikala hasi mu mavu.

Yoshuwa 7:6

Baho Yoshuwa hamonga ne walongola we wanhu wa Isilayeli, wakavidemulanga vivwalo vyawo ko wusungu wuwaha, wakagwa wugubama ha mwande ye Lisanduku lye Cilagane lyo Muwaha Mulungu, wakawa watambalaye baho sunga lizuwa likaswa, wakemwajila manghundi mu mitwe yawo, wakulajila wukalale wawo.

Wugubule 18:19

Nawo wakeyitila manghundi mu mitwe yawo, akuno wakulila muno muno kwe mazi mawaha, wakutya, “Woyi he! Kuli'gwe go 'likaya liwaha! Lye kaya lyono wose wanye zingalawa zono zikujendela mwi'lenga mo wagolipila, so wugoli walyo. Ninga wakondya kwajiliza i vinhu vyawo vyose mwi'pango lya saa monga du!”