I Cililo 2:1 - Luganuzi Luswanu Kuli Wanhu Wose 2002

¹ Nayo Muwaha Mulungu, yayifunika Sayuni no wutitu mwi'kuwo lyakwe. No lukumyo lwayo lwa ku wulanga, yaluhodanjila lukulu, Na mwi'zuwa lye likuwo lyakwe, yayileka sunga ne Nyumba yakwe.

I Cililo 2:1 ပူးပေါင်းရင်းမြစ်များ

2 Samwili 1:19

“I walongola wetu, wawulajilwa mu matunda ga Isilayeli! I wasilikale wetu vitung'ati wagwa!

1 Zinghomo 28:2

Dawudi yakema ha mwande yawo, yakawalonjela yakatya, “Ale, muhulicize anye mo wandugu zangu na mo wanhu wangu. Ane nali nina wuhile wo kuyizenga nyumba yono Lisanduku lye Cilagane lyo Muwaha Mulungu, ne ligoda lyo wuwiko we migulu yakwe. Sunga nalu nali nakondya kuviwikaniziza lukulu vinhu vyose vyo kuyizenjela yiyo Nyumba yo Mulungu.

Zabuli 132:7

“Heya, alenyi ku kaya yo Mulungu, cikahembe he 'goda lyakwe lyo wutemi!”

Zabuli 89:45

Kumucepulila vilo vyakwe vyo wuzelelo, wamupela cevu ciwaha.

Zabuli 99:5

Mukumyenyi Muwaha Mulungu, u Mulungu wetu, mugwe funama hali mwene. Hambi Mono Yelile, nha yo mweneco du!

Isaya 64:11

Nayo Nyumba yako yo wuhembelo yono yasiwanulwa, i hanhu hono hali haswanu muno, hono i walezi wetu wakukumizyaga gwegwe, alu hakondya kunyanywa no moto. Ne hanhu hose hono cali cihendile muno, alu geza matongo du.

Yelemiya 30:14

Ne wendece wenyu wose, wakondya kumusemwenyi, hamba si womululenyi kanyhi yaye. Nane nghamuhomenyi nha muli walugu, no wulipicizwe wukawa wukali muno, ku soko yo wubi wenyu vyono winji muno, hambi i metumo genyu mabi, nha gali gonjelezeka muno.

I Cililo 1:1

Lanje lu, likaya lili lya Yelusalemi vyono lyekala yiciwa, ninga ho lyali limemile wanhu wenji muno muno. Nalyo lyali lina ne lilumbo yiwaha mono yinze yose, ninga alu mulanje, lyehwana no mucekulu mufwile. Na mu makaya gose, lyene lyali nho mwana we cicekulu wo mutemi. Ninga alu lyakondya kusolwa no kutegulwa ku wuwanda.

I Cililo 1:12

“Alu Yelusalemi yikumulilila munhu wo wose mono yakupuluta, yikutya, ‘Ta muwone! Hasina hamba yunji mono yatuga magayo mawaha gono genha gaga nha vyono ane ninha.’ Magayo gono Muwaha Mulungu yamheleye mwi'kuwo lyakwe.

I Cililo 2:17

Alu Muwaha Mulungu, nhondo ketuma zono yali yazitemizye kuzituma. Kacihodanga yasina lusungu nha vyono yacilonjela. Kawapela walugu wetu wusume, kawapela wusangalale so wutamiswe wetu.

I Cililo 4:1

Wung'alale we zahabu yetu hamba si wejela, ne mabwe gono gali mazenjele Nyumba yo Mulungu, gakeyagala caka mu zinzila.

I Cililo 4:11

Muwaha Mulungu yakalifisiliza likuwo lyakwe liwaha, yakayipembela moto Sayuni, yikapya yikakongojela ho hasi.

Ezekiyeli 13:13

Holeka nayo Muwaha Mulungu yakutya nhavi, “Nane nomuletelenyi libeho lyo mukukunzo mwi'kuwo lyangu, hamonga ne mvula mbaha, yono yowa yihangahanjile ne mabwe ge mvula, vilikumule lijinji.

Ezekiyeli 19:12

Ninga so likuwo, wukakulwa hamonga ne milela yayo, wukagwiswa hasi. Ne mbeho ya kucilima, yikayinyaza mikalo yayo. Ne manhambi gayo, gakabenanjika gose, gakanyala, gakapembelwa mu moto.

Ezekiyeli 24:21

vyono, nimulonjelenyi anye nyo Waisilayeli wose, nghani azi, vyono u mwene yakutya nhavi, Anye mwidunhumulilaga i vilungo vya mu Nyumba yangu. Mwendile kubita kuyilanga no kuyiwona, ninga u Muwaha Mulungu koyavufya. Sunga ne wazelelo wa mu zimhuga zenyu, wono wolowa wakali wasigaye mumo mu Yelusalemi, wolowulajilwa wose ku wulugu.

Ezekiyeli 30:18

Ne citi colodinda mu'si, kolo nakondya kuwanyenyanga vilungo i Wamisili, no kuwawusiza lukumyo lono wedunhumulilaga. Ne livunde lyoloyigubika yisi yose ya Misili, ne wanhu wayo wose wa mu makaya gose, wolosolwa mateka.

Yoweli 2:2

Nalyo kanyhi lyolowa yizuwa lya citi no wukalale, yizuwa lye mavunde no wutitu tuku. Hambi litewa yiwaha lye zinzije, nha lyologubika matunda kotya citi. Cikali hamba si nejela cinhu cono cinha vivi, mu vilo vyono vyapuluta, hamba mu vilo vyono vikuza si cilejela yaye.

Matayo 11:23

Nagwe go Kapelanawumi, wukwihwesa vyono kotegulwa sunga ku wulanga mbi? Aa, ng'o, langa kovulumuswa sunga kono kowali wafu! Ku soko i mapoto gono ganozezwa kuli'gwe, hono gali ganozezwe ku Sodoma, mhali likaya lilyo lili baho sunga nalu.

Luka 10:15

Nagwe Kapelanawumi wukuhila kwiyinula sunga ko ku wulanga? Ng'o ye, kovulumuswa sunga kono kowali wafu.”

Luka 10:18

Mwene Yesu yakawatya, “Namuwona Setani yakugwa yakulawa ku wulanga kotya limuli.

1 Samwili 4:21

Nayo yakamucemela mwanagwe litagwa lyakwe Ikabodi, nhunizo yayo, “Lukumyo lwo Muwaha Mulungu lwawaleka Waisilayeli.” Yakawa kutuniliza wusolwe we Lisanduku lye Cilagane co Muwaha Mulungu, hamonga no wufwe wo mulume wakwe hamonga no mukwewe Eli.

1 Samwili 4:22

Yakatya, “Lukumyo lwawawucila Waisilayeli. Hambi Lisanduku lye Cilagane lyo Muwaha Mulungu nha lyasolwa.”