I Cililo 1:9 - Luganuzi Luswanu Kuli Wanhu Wose 2002

⁹ No wubi wakwe wijeye calinze, ninga mwene yakwilajila nha kotya si yali muli zizo yaye. Holeka ku soko yiyo, no wugwe wakwe wa mbuko, hamba hasina mono kosuma kumusindamika yaye. Ne walugu wakwe wamusuma, nalu mwene yakumulilila Muwaha Mulungu yamuwonele lusungu.

I Cililo 1:9 ပူးပေါင်းရင်းမြစ်များ

2 Samwili 16:12

Lunji Muwaha Mulungu kozilanga zimbi zono nghutendelwa. No Muwaha Mulungu kohaliza ziswanu zihomele wulijitwe wangu we zuwali.”

2 Watemi 14:26

Muwaha Mulungu yakagawona magazo gono wagazikaga Waisilayeli, na vyono hakawa hasina hamba munhu wo kuwataza.

Nehemiya 9:32

“Holeka 'gwe Mulungu, go Mulungu wetu, wuwaha wako wucizize! Mono wuli wo kogofya, kanyhi wuli we vilungo! Mono kukamisaga ko wihuwilwa cilagane no lusungu lwako, hamonga no wihuwizo wako. Ku wulawa mu vilo vyono watemi wa Ashuli waciwonelaga, sunga na lulu hose, magayo malinga gono gakondya kucagana! I watemi wetu ne walongola wetu, ne Wakohani wetu, ne wawizi, ne walezi wetu, hamonga ne wanhu wose, cili mu wugaye. Holeka wukumbucile vyono cagaya muno!

Zabuli 119:153

Wulanje ze magazo gangu, wumhonye, hambi ne nha si semigwe zo wulajilize wako.

Zabuli 140:8

Gwe go Muwaha Mulungu, wulece kuwapela i wabi visakwa vyawo, kanyhi wulece kuwamotya mu wuhile wawo wubi,

Zabuli 25:18

Wuwulangaje wulungule wangu no wugazwe wangu. Wunenele wubi wangu wose.

Zabuli 69:21

Lono nali ndabuce, wene wakamhela sumu yo nilye, nali nghaluce, wene wakamhela siki yo ning'we.

Wutuluce 3:17

Holeka nane nadumula nghani vyono, niwawuse mu yisi yiyo ya Misili, hanhu hono wakuwatendela ko wukali, niwategule ku yisi yono yina moso, hamonga no wumemelecele wo wuswanu wose, yisi ye Wakanani ne Wahiti, ne Waamoli, ne Wapelizi, ne Wahivi, hamonga ne Wayebusi.

Wutuluce 3:7

Nayo Muwaha Mulungu yakawa kumutya, “Gwe Musa, ane nakondya kuwuwona wugaye we wanhu wangu wa ku Misili, nicihulika ne cililo cawo, vyono wakusaka waponywe ku wulawa mu miwoko ye wemilizi wawo, wono wakuwetumya ciwanda wanda. Nane nizimanyile zose zo wugazwe wawo.

Wutuluce 4:31

Nawo wanhu wakehuwila. Nawo wali weza kuhulika vyono Muwaha Mulungu kawaziza, kawona na vyono wakugazwa muno, hodu, wakenamya mitwe yawo hasi, wakahemba.

Muganuzi 4:1

Hanyuma nghawona wiwonelwe wose wono wukwitumwa kono'nze. Ne wanhu wono wakwiwonelwa, wakulila mahozi, nawo wasina hamba yunji mono yakuwatuza, wasina munhu hamba yumonga mono kowataza, vyono wono wakuwewonela nha wali vilungo wawacizize wene.

Isaya 3:8

Heya, mbeka, Yelusalemi yongomezwa! Nayo Yuda yikuvulumuka! Ku soko vyono mu zinghani zawo na mu metumo gawo, wamubedegalaga Muwaha Mulungu, no kumutovula calinze.

Isaya 37:17

Alu 'gwe go Muwaha Mulungu wucihulice, kanyhi wuzilangaje zono zeza kucijelela. Kanyhi wuzihulikaje zinghani zose zono Senakelibu yakukulonga agwe no kukutovula go Mulungu mumi.

Isaya 37:23

Alu mwene, wukwihwesa nani lo, mono wali kumutovulanga no kumwizwajiza? Agwe mbeka wawula cogopo kuli'ne, ane no Mulungu mono nelile wa Isilayeli.

Isaya 37:29

Ninga nane nakondya kuzihulika zizo ze likuwo lyako, hamonga no widunhumuzi wako. Ninga nane luno, nokutobola zimhula zako, nghuvwice ndobogo, hamonga no luzali mu mulomo wako. Hanyuma nghugomole mu nzila yi yilya kono walawilila.”

Isaya 37:4

Hambi u mutemi wa Ashuli, nha kamutuma mwitumami wakwe ho yaze yamutovule u Mulungu mumi. Holeka nghukulomba, u Muwaha Mulungu, u Mulungu wako yagahulice matovulo gaga, yawalipicize wawo wono wagalonjile. Na kanyhi nghukunena wuwalombele kuli Mulungu i wanhu wetu wono wasigaye.”

Isaya 40:2

Muwasikamye wanhu wa Yelusalemi. Muwalonjele nha vyono wakondya kugaya mu nghango yono yiwakwiliye, no wubi wawo nhondo wanenelwa. Hambi nha nakondya kuwalipiciza mu nghango yo wubi wawo.”

Isaya 47:7

Hambi nha wehwesaga nha vyono kojendelela kuwa mugolece we likulu vilo vyose, hamba kuzihwesa zizi zose mu nhumbula yako, nha vyono zose zina ndumo.

Isaya 51:19

Alu magayo mejete gakondya kukuziza gwegwe. Yisi yako yakondya kuhodangwa no wulugu, ne wanhu wako nawo wagwilwa ne lizala. Na hasina hamba monga mono yakukuwonela lusungu.

Isaya 54:11

Muwaha Mulungu yakutya nhavi, “Gwe Yelusalemi, mbeka wagazika muno, 'gwe kaya lyono lisina wutazi, ninga 'ne noyizenga kanyhi misinji yayo ne mabwe go wuguzi wukamu.”

Yelemiya 13:27

Hambi nha yakondya kukuwona vyono, wukwituma zinghani zono mwene si yazendile yaye. Kakondya kukuwona na vyono wukuyityatya i milungu ye wanhu wono si wamumanyile Mulungu mu vigongo, sunga na mu mawimbi, nha munhu mono yakumusulumila u mucekulu wo muyagwe, hamba nha fwalasi nume yono yikuyisulumila fwalasi nyhekulu. Woyi hee! Nye nyo wanhu wa Yelusalemi! Hambi nha mukulema kwezwa! Alu ho mojendelela ne zinghani zizo sunga nili lo?

Yelemiya 16:7

Kanyhi holowa hasina hamba munhu monga mono kololya ndigwa, hamba kung'wezana na yunji mono yafwiliywe no nduguye, ho yiwe nha yo nzila yo kumusindamika. Hamba hasina munhu monga, mono kolomuwonela lusungu, u munhu wo wose mono yafwiliywe no sogwe hamba nyina.

Yelemiya 2:34

Sunga ne vivwalo vyenyu vikwilile sakami ye waciwa, wono wasina masutya, hamba si sakami ye wahizi yaye, i wabena zikaya za wanhu. ‘Ninga hamonga na zizi,’

Yelemiya 48:26

U Muwaha Mulungu yakutya nhavi, “Ale, muying'wesaje Mowabu, ying'we yigale. Hambi nha yakondya kumbedegala 'ne, Holeka ku soko yiyo, Mowabu yokwigalagaza mu madeko gayo, ne wanhu woyisekanga muno.

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Yelemiya 50:29

“Walonjele i wanhu wo wupinde, wewikanize, wayihome Babiloni. Muwategule wanhu wose wono wamanyile kuwitumamila wupinde ne zisonga. Mulipilime likaya, kanyhi mulanjilile, mulece kumuleceleza yunji wo wose yatije. Mulilipicize ku soko ya zose zono lyetuma. Kanyhi mulitendele nha vyono lyene lyawatendela wanji. Hambi nha lyazinozaga zizo zose ko widunhumuzi hali 'ne, ane mono nelile wa Isilayeli.

I Cililo 1:17

“Nane ngoloye mawoko gangu, ninga hasina hamba monga mono yakumhela wutazi. Hambi Muwaha Mulungu nha kandetela walugu ku wulawa mbavu zose. Nawo wakunhendela nha cinhu cono citipiye.

I Cililo 1:21

“Alu wulanje vyono, sunga na mu wugule wangu, hasina hamba monga mono yakumhela wutuzwe. Nawo walugu wangu wasangalaye, vyono agwe kundetela wugaye wono winha wuwu. Holeka lize mbela lizuwa lyako lyono wehuwiza, liwanoze walugu wangu, nawo wenjile mu magayo, wagaye nha vyono ane nghugaya.

I Cililo 2:13

Woyi he gwe Yelusalemi! Go mwendece wangu Yelusalemi! Alu waco ho nolonga cici kanyhi? Ho nosuma wule kukusindamika? Hambi nha hasina munhu hamba monga, mono yatamiswa nha vivi. Hambi magayo gako nha gasina mupaka nhe lilenga. Hasina hamba witumbilo kanyhi.

I Cililo 4:1

Wung'alale we zahabu yetu hamba si wejela, ne mabwe gono gali mazenjele Nyumba yo Mulungu, gakeyagala caka mu zinzila.

I Cililo 5:1

Gwe go Muwaha Mulungu, wukumbucile zono zacagana, wucilanje, wuciwone ne cevu cetu.

Hoseya 2:14

Holeka nomugomola sunga ku nyika kanyhi, na ku wulawa kuko, nolomugomola mu nzila yo kulonga nayo nghani zo wendo.

Zefaniya 2:10

Na vyo wolowa wanhu wa Mowabu na Amoni, wololipicizwa ku soko yo wiwoni wawo, hamonga ne zinyono zawo, na ku soko yo kuwaliga wanhu wo Muwaha Mulungu we Mihanga.

Yohana 11:19

Ne Wayahudi wenji wali wafika kwa wa Malita na Malyamu, ho wawapele pole, so lifwa lyo lumbu lyawo.

Wukumbucize wo Wulajilize 26:7

Nase cikamulilila Muwaha Mulungu, u Mulungu we walezi wetu, yacipele wutazi, nayo yakacihulika, yakawona na vyono cikugazwa muno, na vyono cikwitumywa muno, na vyono cikwiwonelwa ne Wamisili.

Wukumbucize wo Wulajilize 32:27

Ninga hamba nhavivyo, si nolowaleceleza i walugu wawo waze welumbe, wawe kutya wawasuma wanhu wangu. Na kumbe nene no mweneco yo nizinozize zizi zose.’

Wukumbucize wo Wulajilize 32:29

Hamba si wakusuma kumanya i sokoci yono yilecile wakusumwa, hamba kumanya bwete cono ciwejeleye yaye.

1 Petelo 4:17

I cidaha co wuling'anizwe nha cakondya kuza, no wuling'anizwe wuwo, wukwamulila kuli wanhu wo Mulungu mweneco. Na hono wulinga'nizwe wuwo wamulile kuli sese, co weneco, alu ma, i ndumo ya wawalya wono siwehuwilaga u Luganuzi Luswanu lo Mulungu, ho yolowa wule?

1 Samwili 1:11

Nayo Hana yakehuwiza ko wilahize yakatya, “Gwe go Muwaha Mulungu we mihanga, wunangaje ane no mwitumami wako! Wulanje zo wugaye wangu, wunghumbucile! Wulecele lukulu kusemwa! Nane nghwihuwiza nha vyono, hono wumhele mwana we cilume, nane nomulavya kuli'gwe, yawe wako mu mikalile yakwe yose, na kanyhi, hamba si kocetela lukulu zimvili zakwe.”