I Cililo 1:8 - Luganuzi Luswanu Kuli Wanhu Wose 2002

⁸ No lukumyo lwa Yelusalemi lwakondya kuwuka, alu yeza yali cipwi, yebatwe ne cevu. Nalu yakugula yehundicize wusu wakwe, yakuwona soni. Yelusalemi yetipiza mweneco so wubi wakwe.

I Cililo 1:8 ပူးပေါင်းရင်းမြစ်များ

Mwamulizo 3:7

Nawo wali weza kulya, lo lulolulo i meso gawo gakenzelulwa wose vyono wejete, nawo wakawa kwimanya vyono wose wali cipwi. Hobaho wakawa kugahoneleza i mahamha go mukuyu, wakenozeza yikawa yo myenda yo kwitunga no kwihundiciziza.

1 Watemi 9:6

Ninga gwegwe hambe wanago, hono mulece kunhyatya, na hono mulece kuwa na cihuliko kuli wulajilize wangu, hamonga ne malajilizo gangu gono nakupela, hanyuma muhembe milungu yinji,

1 Watemi 9:7

ale, nane nowahamya wanhu wa Isilayeli niwawuse mu yisi yono nawapela. Noyileka sunga ne Nyumba yangu yiyi yono nakondya kuyisiwanula hawe hanhu hangu ho kuhembelwa. Ne wanhu wose hohose wowaseka Isilayeli no kuwatendela ko wubedegazi.

1 Watemi 9:9

Nawo wanhu wowa kupitula wakutya, ‘Ku soko vyono wamuleka Muwaha Mulungu u Mulungu wawo, mono yawawusa walezi wawo ku yisi ya Misili. Wakayipitucila milungu yinji no kuyitamamila no kuyihemba. Na yiyi yo soko yono yikuleka Muwaha Mulungu kawaletela wongomele wuwu.’ ”

Isaya 47:3

Nawo wanhu nhondo wokuwona vyono wuli cipwi, wokuwona vyono wenenenyheza, kanyhi wukuwona cevu. Nane nolomulipicizenyi, na hasina munhu mono kolonyimila.”

Yelemiya 13:22

Na kolo wukwiwuza go mweneco wukutya, alo nhawule zizi zinyijelela lo? Heya! Myenda yako yidemulwa, nagwe wukebatwa ne walume, no kugona nagwe kwe vilungo. Ale, wumanye nha vyono, zizi zikwagana ku soko yo wubi wako wono wukogofya muno.

Yelemiya 13:26

Nayo u Muwaha Mulungu kokupenula myenda yako yakukoze cevu.

Yelemiya 15:4

Nane nowanoza i wanhu, wawe nghani ya wogofye, kuli wanhu wa mono'nze yose, ku soko ye nghani yono Manase u mwana wa Hezekiya, yetuma mu Yelusalemi, lono yali mutemi wa Yuda.”

Yelemiya 24:9

Nane noloweyagaziza mu zinghugugo zose za kono'nze, ho watuje wongomezwe wubi. Ne wanhu wose wolowezwajiza no kuwahosa hamonga no kuwasekanga, no kuwalijita, ho hose hono noloweyagaziza.

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Yelemiya 34:17

Holeka nane, ane no Muwaha Mulungu, nghuwona nha vyono, anye mwawula cogopo kuli 'ne. Hambi nha si muwakomboye wawe welecele i wandugu zenyu Waisilayeli. Ale, heya, viswanu. Nane nomupelenyi nanye welecele, u welecele wo kufwila ku wulugu, na mu matamwa, na mu nzala. Nane nowanoza makungugo gose, wogofywe muno so zono nomutendelenyi 'nye.

Yelemiya 4:31

Nane hulika cililo, kotya nha cililo ca munhu wa cicekulu, mono yali mu nghunga yo lusawo. Cililo cinha co mucekulu mono yakulela mwanagwe mulongozi. Kumbe cililo cico ca Yelusalemi, mono yakukapilicila ha wehele, akuno yalaze ne miwoko yakwe yakutya, “Woyi nye, aga magayo gangu! Hambi nhumbula yangu nha yikuzilika, hambi nha weza kuza wambulaje.”

Yelemiya 6:28

Hambi wose nha wasina cihuliko hamba nhavi, webavyi, kanyhi wakamu na ku wuhulice, wenha shaba, hamba cuma. Kanyhi wose wahizi, wendile kubita ako na ako wena ze maheho go kuheha wayawo.

I Cililo 1:11

Nawo wanhu wakwe wose wakugula, wakulondola ndigwa. Wakukawa vinhu vyawo na ndigwa, ho walece kufwa. Holeka likaya likulila likutya, “Gwe go Muwaha Mulungu wunghumbucile, wugalanje magayo gangu.

I Cililo 1:17

“Nane ngoloye mawoko gangu, ninga hasina hamba monga mono yakumhela wutazi. Hambi Muwaha Mulungu nha kandetela walugu ku wulawa mbavu zose. Nawo wakunhendela nha cinhu cono citipiye.

I Cililo 2:10

Nawo i wanhu wakombi wa mu Yelusalemi, wekaye wanyamaye twii, akuno weyitiye manghundi mu mitwe yawo, wavwalile magunila. Nawo i wahinza, wenamizye mitwe yawo hasi.

I Cililo 4:21

Ale, musece du, no kusangalala mu nghango yenyu, anye nyo wanhu wa Edomu na Uzi. Ninga mumanye nha vyono, nanye magazo gakumuzizenyi nhavivyo, nanye molopuwa, muwe jenda cipwi mukoligwe ne cevu.

Ezekiyeli 23:29

Nawo vyono wakusulile, holeka wovisola vinhu vyako vyose, vyono wavisawila mu vilungo vyako, wolokuvula myenda yako, wakulece wuli cipwi, ne zinghani zako zo wumalaya wako, nazo zolokwijela calinze. Alu u wusulumizi wako hamonga no wusenyha wako,

Ezekiyeli 23:46

Azi kanyhi zo yakulonga u Muwaha Mulungu yakutya, “Langa, ta, nane noleta lipuga lye wanhu, waze wawahungucile, no kuwaboka vinhu vyawo.

Ezekiyeli 39:23

Sunga ne makungugo gose ho womanya, nha vyono i Waisilayeli wahamywa ku soko yo wubi wono wasutizya'ne. Na vyono nane nghawaleka, ne walugu wawo wakawasuma no kuwawulaga mu wulugu.

Hoseya 2:10

Nolomuwopoza myenda yakwe ha mwande ye wendece wakwe, yekale cipwi, hamba hasina yunji mono yalasuma kumuponya ku wulawa mu vilungo vyangu.

Hoseya 2:3

Na hono si yakuleka, nomuwopoza vivwalo vyakwe yekale cipwi, yawe nha vyono yali mwi'zuwa lyono yalelelwa. Nane nomunoza yawe nhe yisi nghavu ne ye nyika, nayo kolofwa ne nyhilu.

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.

1 Samwili 2:30

Agwe Eli, mono ane no Muwaha Mulungu we Waisilayeli, nehuwiza mu vilo vyono vipulute, nha vyono i mhuga yako, hamonga na wo mulango wako, wo wonyitumamila du nha wakohani mu vilo vyose. Ninga aluno nghutya, ane si nosuma kujendelela kugakangalila kanyhi, makani gono genha gaga! Langa, nowakumya du wono wakunghumya, kanyhi nowabedegala wono wakumbedegala.