I Cililo 1:6 - Luganuzi Luswanu Kuli Wanhu Wose 2002

⁶ No lukumyo lwa Yelusalemi, aluno lwaweza cinhu cono capuluta katali. Ne walongola wayo wehwana ne zinzimba zono zigandile so nzala, Nalu wakondya kubita wasina vilungo, wakuhwagwa kumwande ya wono wakuwatyatya mu nyuma yawo.

I Cililo 1:6 ပူးပေါင်းရင်းမြစ်များ

2 Watemi 19:21

“Ayi yo nghani yono Muwaha Mulungu yakulonga kuli Senakelibu yakutya, ‘Agwe Senakelibu, likaya lya Yelusalemi likukusekanga no kukubedula.’

2 Watemi 25:4

Hodu, wanhu wakawa kugakumula majinji ge likaya ho weponye, hamba yiwe wasilikale we Cibabiloni, wali wakali wali baho walipilime likaya, ninga wasilikale wose wa mwi'kaya wakatiza wose ne cilo. Wakakolela mu nzila yo mulango wa haciligati ye majinji mejete, gono gadomile ku busitani yo mutemi, wakatiziza ku lubavu lwe lilolo lya Yoludani.

2 Watemi 25:5

Ninga hamba nhavivyo, wasilikale we Cibabiloni, wakamutyatya mutemi Zedekiya, wakamwibata, lono yali yafika mu yisi yono yitendemaye, behi na Yeliko. Ninga i wasilikale wakwe wose, wakamuleka wakatiza.

Zabuli 50:2

Ku wulawa ku Sayuni, likaya liswanu muno u Mulungu, yakwilajila no kumulika.

Zabuli 96:9

Mumuhembe Muwaha Mulungu lono yakwilajila, wucicime hali mwene, 'gwe go yinze yose!

Isaya 1:21

Ati, ta, mulanje! Likaya lyono lyali yihuwilwa, alu lyeza yikaya lyo wusenyha! Na kumbe mu mapango ganji, ho lyali limemile wanhu we ling'ani. Ninga lu mulanje, lyekala ne wanhu wawulaji du.

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Isaya 4:5

Nayo Muwaha Mulungu kololeta livunde ligubice mu misi, mwi'tunda lya Sayuni, hamonga na mucanyha ya wose wono wowa wehangulize he 'tunda, hamonga ne lyosi, no wung'alale we malambi go moto ku cilo. Nawo u lukumyo lo Mulungu, wolomema no kulidima likaya.

Yelemiya 13:18

U Muwaha Mulungu yakanonjela kanyhi yakatya, “Wubite wumulonjele mutemi, hamonga no nyina, wawuce mu magoda gawo go wutemi. Hambi i vipombelo viswanu mu mitwe yawo, nha vyakondya kuwopozwa mu mitwe yawo.

Yelemiya 29:4

“U Muwaha Mulungu, we mihanga u Mulungu wa Isilayeli, yakumulonjelenyi anye nyo wanhu wose, mono mwene Mulungu, yamukombola Nebukadineza, ho yamusolenyi ku wulawa ku Yelusalemi, yamutegulenyi ku Babiloni nha muli wafungwa,

Yelemiya 47:3

Wolohulika nyhinyinho zo wukanyaje we mabangho ge zifwalasi, hamonga ne misindo yo lumangho lwe magali go wulugu, no wulindime we maguludumu gayo. Mwi'zuwa lilyo, i wasogo zo munhu, hamba si wolowuya ne nyuma wawasole wana wawo ng'o, hambi i miwoko yawo nha yolowa yidejepe.

Yelemiya 48:41

Ne makaya gayo hamonga ne magomawakali gayo golosolwa. Na mwi'zuwa lilyo i wasilikale wa Mowabu, wolokwinjilwa na woga wuwaha, nho mucekulu mono yali mu nghunga yo lusawo.

Yelemiya 52:11

Hanyuma ya zizo, yakawa kumusola Zedekiya, yakawa kumukopozola meso gakwe, yakawa kumuwopa ne manyolo, yakawa kumutegula ku Babiloni. Yakamutajila mujela, nayo Zedekiya yekala mumo mu jela ku Babiloni sunga yakafwila mumo.

Yelemiya 52:13

Yakayipembela moto Nyumba yo Mulungu, hamonga ne kaya ye likulu, hamonga ne zikaya zose ze wawaha wa mu Yelusalemi.

Ezekiyeli 24:21

vyono, nimulonjelenyi anye nyo Waisilayeli wose, nghani azi, vyono u mwene yakutya nhavi, Anye mwidunhumulilaga i vilungo vya mu Nyumba yangu. Mwendile kubita kuyilanga no kuyiwona, ninga u Muwaha Mulungu koyavufya. Sunga ne wazelelo wa mu zimhuga zenyu, wono wolowa wakali wasigaye mumo mu Yelusalemi, wolowulajilwa wose ku wulugu.

Ezekiyeli 24:25

U Muwaha Mulungu yakutya nhavi, “Alu agwe go munhu, ane nowawusiza lukulu yiyo Nyumba yangu, yono yali kuwapela nyemo no widunhumule, yono wali wendile kuyilanga no kuyiwona. Kanyhi nolowasola ne wana wawo we cilume na we cicekulu.

Wukumbucize wo Wulajilize 28:25

“Nayo Muwaha Mulungu wenyu, kowapela wusume i walugu wenyu, wamusumenyi. Anye mowahoma ku wulawa ku lubavu lumonga, ninga kanyhi motiza no kwiyagala caka caka. Ne wanhu wose wa mono'nze, woziwona wezine muno kuli zono zakondya kumwaganenyi.

Wukumbucize wo Wulajilize 32:30

Hamba kumanya vyono wali wanhu elufu monga, ninga munhu monga du kawasuma. Na wanhu elufu yikumi wasumwa na wanhu wejete du? Muwaha Mulungu, u Mulungu wawo, yakondya kuwaleka, Mulungu wawo we vilungo, yakondya kuwagumila.