I Cililo 1:5 - Luganuzi Luswanu Kuli Wanhu Wose 2002

⁵ Ne walugu wa Yelusalemi wakondya kuyisuma no kuyibata mu vilungo vyawo. Nayo Muwaha Mulungu yayileka yinjile mu magazo, ku soko yo wubi wayo winji. Ne wanagwe nawo, wakondya kusolwa no kutegulwa kutali.

I Cililo 1:5 ပူးပေါင်းရင်းမြစ်များ

2 Watemi 21:15

Nane nozinoza zizi kuli wanhu wangu, ku soko wakondya kwituma wubi hali'ne, wanghoza likuwo, ku wulawilila lono walezi wawo wawucila ku Misili, sunga nalu.”

Zabuli 80:6

Wagaleceleza makungugo gono gacipilime, geza kuyihoma yisi yetu, ne walugu wetu wakucitovulanga.

Zabuli 89:42

Wawapela walugu wakwe cisumisumi, kuwasangalaza walugu wakwe wose.

Isaya 22:5

Hambi ali nha lyo lizuwa lye mahwele, no wusumwe, hamonga no woga wuwaha, mwi'lolo lyo wugubulilwe. Hambi u Muwaha Mulungu we mihanga, nha yo yacileteye. Alu lanje, sunga ne majinji ge likaya lyetu, gose gakondya kumwaguka, ne mazi ge cililo cetu co kulondola wutazi, ne matunda nhondo gakubocelela.

Isaya 63:18

Ase co wanhu wako wasiwanulwe, cali cakondya kusolwa ne walugu wetu kwa cidaha cidodo du, nawo wakawukanyajizanga wuhembelo wako.

Yelemiya 10:20

Alu lanje vyono, sunga ne mahema getu gasakala, ne milejehe yono yali yigawopile, nayo yakondya kudumukanjika. Ne wana wetu nawo, wose wakondya kubita, alu wali hasina. Holeka heza hasina, hamba munhu wo wose kanyhi, mono kocikomela mahema getu, hamba mono kosuma kucidumulila mabupa ne magayo pazigeya.”

Yelemiya 12:7

U Muwaha Mulungu yakutya nhavi, “Holeka nane luno, nakondya kuwaleka wanhu wa Isilayeli, nakondya kuwalema i wanhu wangu we nghungugo hagulwa. Nalu i wanhu wono niwendile, nakondya kuwakombola mu miwoko ye walugu wawo.

Yelemiya 23:14

Nghondya kuwawona sunga ne wawizi, wono wali mu Yelusalemi, nawo wakwituma vibi muno muno, hambi nha wakwituma zo wusenyha, akuno wakulonga zo wulambi, wakuwatonga wanhu ku wituma zimbi du. Na ku soko yiyo, holeka hasina hamba monga, mono yakusuma kuleka kwituma zimbi. Holeka ku lubavu lwangu, ane nghuwawona vyono wose wabi du, wehwanile ne wanhu wa Sodoma na Gomola.

Yelemiya 39:9

Hanyuma ya zizo nayo Nebuzaladani, mono yali yo musilikale muwaha, nayo yakawa kuwasola i watekwa, mu wanhu wono wali wakali wasigaye mwi'kaya, yakawategula ku Babiloni, hamonga ne wanhu wono wali watizizi, wono wali wasigaye wono welunza nayo.

Yelemiya 5:29

“Ninga nane, ane no Muwaha Mulungu, mbeka, nowalipiciza du ku soko ye zinghani zawo zizo. Na mbeka, nowalipiciza du likungugo lili.

I Cililo 1:16

“Na yo soko yono yikuleka meso gangu gakulawa mahozi. Hasina hamba monga mono konhuza, hamba kusikamya. Hambi walugu wangu nha wakondya kusuma 'ne, ne wanhu wangu wasina hamba cono ciwasigaliye.

I Cililo 1:18

“Ninga Muwaha Mulungu yo we ling'ani, hambi nha yo nene mono si nali kwenda kumuhulika. Holeka muhulicizaje anye wanhu wose, muwuwone wugaye wangu. Hambi i wazelelo wangu hamonga ne wacekulu, nha wakondya kusolwa no kutegulwa kutali.

I Cililo 1:8

No lukumyo lwa Yelusalemi lwakondya kuwuka, alu yeza yali cipwi, yebatwe ne cevu. Nalu yakugula yehundicize wusu wakwe, yakuwona soni. Yelusalemi yetipiza mweneco so wubi wakwe.

I Cililo 2:17

Alu Muwaha Mulungu, nhondo ketuma zono yali yazitemizye kuzituma. Kacihodanga yasina lusungu nha vyono yacilonjela. Kawapela walugu wetu wusume, kawapela wusangalale so wutamiswe wetu.

I Cililo 3:46

“Nalu cikutovulwa no kuzwajizwa ne walugu wetu wose.

Ezekiyeli 9:10

Ninga nane lu, hamba si nowawonela lusungu yaye, langa nowatendela wene, nha vyono nawo wawatendelaga wanji.”

Ezekiyeli 9:9

Ninga Mulungu yakamhitula yakatya, “I wanhu wa Isilayeli na Yuda, wetuma wubi muno. Hambi yisi yose nha yimemile wu wulaji, kanyhi wakondya kuyinjiza Yelusalemi mu wu wula cihuliko, wakondya kugabena malajilizo gangu. Kanyhi wakutya, ane no Muwaha Mulungu, nakondya kuyileka yisi yawo, na vyono ti, hamba si nghuziwona na zono wetumaga.

Wukumbucize wo Wulajilize 31:29

Ninga nane manyile du vyono, kolo nakondya kufwa, wanhu wawa wowa wabi, kanyhi hamba si wozisaka na zono nawejiza. Na mu vilo vyono vyokuza, wolokwitang'anila ne magazo mawaha, hambi nha wolowa wakondya kumukoza likuwo Muwaha Mulungu, so wituma zimbi zono si zinojeye hali mwene.”