I Cililo 1:21 - Luganuzi Luswanu Kuli Wanhu Wose 2002

²¹ “Alu wulanje vyono, sunga na mu wugule wangu, hasina hamba monga mono yakumhela wutuzwe. Nawo walugu wangu wasangalaye, vyono agwe kundetela wugaye wono winha wuwu. Holeka lize mbela lizuwa lyako lyono wehuwiza, liwanoze walugu wangu, nawo wenjile mu magayo, wagaye nha vyono ane nghugaya.

I Cililo 1:21 ပူးပေါင်းရင်းမြစ်များ

Zabuli 35:15

Lono nali nagwa, wene wakawa kusecelela, wakawa kwikongholela hamonga, wakusimanga, Ne wanhu wono si niwamanyile, nawo wakanhowanga, hasina hamba monga mono yasuma kuwemila.

Zabuli 37:13

Ninga mwene Muwaha Mulungu, kamusekaga u mubi, hambi nha yamanyile du vyono u mudumo wakwe weza wuli behi.

Zabuli 38:16

Nghulomba I walugu wangu ho walece kuwusecelelela wugaye wangu, hamba kwilumbila mu wugwe wangu.

Isaya 14:5

Hambi Muwaha Mulungu nha yakondya kuvidumya i vilungo vye watemi wabi,

Isaya 14:6

wono wawakunhulangaga wanhu kwa nzizila, no kujendelela kuwapela magayo i makungugo gono wali wakondya kugasuma.

Yelemiya 30:16

Ninga ku wulawilila lulu, i wanhu wose wono wolomusolelenyi vinhu vyenyu, ale nawo wolosolelwa vinhu vyawo nhavivyo. Ne walugu wenyu wose, wolosolwa wategulwe kutali nha wafungwa. Ne wanhu wose wono wolomwiwonelenyi, nawo wolokwiwonelwa, ne wanhu wose wono wolomupumhenyi nawo wolopumhwa nhavivyo.

Yelemiya 48:27

Nagwe Mowabu, wukumbuciye, vyono nagwe wawezwajizaga i wanhu wa Isilayeli? Kanyhi wukawatendela nha wanhu wono wali webatwe ne lipuga lye wahizi.

Yelemiya 50:11

U Muwaha Mulungu yakutya nhavi, “Anye nyo wanhu wa Babiloni, anye mwawateka wanhu wangu. Nalu mwina nyemo no wusangalale, mukujenda mwihwanile ng'ombe yono yikufijiha wuhemba, hamba kotya nha fwalasi yono yikulila.

Yelemiya 50:15

Ale, mumuhomaje, akuno mukumuzozeza mbavu zose ze likaya! Alu, Babiloni yakondya kupilimwa mbavu zose. Ne majinji gayo gose gakondya kukumulwa no kugwiswa hasi. Nane nghwilipiciza cilipicizo kuli Wababiloni. Holeka mwilipicizaje cilipicizo cenyu muli wene. Muwatendele nawo nha vyono nawo wawatendelaga wanji.

Yelemiya 50:29

“Walonjele i wanhu wo wupinde, wewikanize, wayihome Babiloni. Muwategule wanhu wose wono wamanyile kuwitumamila wupinde ne zisonga. Mulipilime likaya, kanyhi mulanjilile, mulece kumuleceleza yunji wo wose yatije. Mulilipicize ku soko ya zose zono lyetuma. Kanyhi mulitendele nha vyono lyene lyawatendela wanji. Hambi nha lyazinozaga zizo zose ko widunhumuzi hali 'ne, ane mono nelile wa Isilayeli.

Yelemiya 50:31

“Agwe Babiloni, mbeka wumemile widunhumuzi wose. Holeka nane no Muwaha Mulungu we mihanga, nili mulugu wako! Alu nane lizuwa lyakondya kuza lyo kukulipiciza nagwe.

Yelemiya 51:24

U Muwaha Mulungu yakutya nhavi, “Ninga nane luno, nomulipa Babiloni hamonga ne wanhu wayo, muli zimbi zose zono wetuma mu Yelusalemi.

Yelemiya 51:49

Hambi Babiloni nha yo yambuza lifwa lye wanhu wenji mono'nze yose. Holeka luno nayo Babiloni, yogwa ku soko vyono yambuza Waisilayeli wenji wakafwa. Vyo nghutya, ane no Muwaha Mulungu.”

I Cililo 1:16

“Na yo soko yono yikuleka meso gangu gakulawa mahozi. Hasina hamba monga mono konhuza, hamba kusikamya. Hambi walugu wangu nha wakondya kusuma 'ne, ne wanhu wangu wasina hamba cono ciwasigaliye.

I Cililo 1:2

Alu Yelusalemi kekalaga yakulila cilo cose, ne mahozi gakuhuluma mu meso. Ne wendece wakwe wose we katali, wakondya kumuleka, hasina hamba monga mono yakumutuza. Na wono vyali vilunzize nayo, alu wamugaluka, wose weza walugu wakwe.

I Cililo 1:22

“Wuwaling'anize so wubi wawo wose. Wuwalipicize nawo, nha vyono wundipicize nene so wubi wangu. Nghugula ko wusungu muno, ne nhumbula yangu yizilice.”

I Cililo 1:4

Nalu hasina hamba munhu monga kanyhi, mono kosuma kubita kuhemba ku Nyumba yo Mulungu mu vilo vye zi sikukuu. Ne wahinza wose wono wembaga, alu wali mu wugaye, nawo wakohani wakugula du. Ne milango ye likaya, yeza mu wambuce, nayo Sayuni yili mu wusungu wuwaha muno.

I Cililo 1:8

No lukumyo lwa Yelusalemi lwakondya kuwuka, alu yeza yali cipwi, yebatwe ne cevu. Nalu yakugula yehundicize wusu wakwe, yakuwona soni. Yelusalemi yetipiza mweneco so wubi wakwe.

I Cililo 2:15

Ne wanhu wono wakupuluta wakolile mwi'kaya, wakukulanga ko wubedegale, wawa kusinjisa ne mitwe yawo akuno wakugaseka matongo ga Yelusalemi, wakutya, “Mwene 'nye, mbeka lili lyo likaya liswanu, lyono lyali likumuce mu yinze yose?”

I Cililo 2:16

Ne walugu wako wose, alu wakukwizwajiza no kukunugulila ko lusulo, akuno wakuyibobotola ne milomo yawo, no kukubedula wakutya, “Hee! Cilihodanga si! Ali lyo lizuwa lyono cali cililanjiliye muno!”

Ezekiyeli 26:2

“Gwe go munhu, ayi yo nghani yono yikuleka wanhu wa mwi'kaya lya Tulo wakuyisekanga Yelusalemi wakutya, ‘Ahee, nhondo Yelusalemi yibenanjika! Ne vilungo vyayo vyo wusuluza alu nhondo vyamalika! Hamba si cokwisumaniza kanyhi nayo!’

Yoweli 3:14

Mapuga na mapuga wali mwi'lolo lyo wuling'anizizwe. Na vyo yolowa mwi'zuwa lilyo lyo Muwaha Mulungu, nalyo likuza hamba si lyocela yaye.

Wugubule 18:6

Ale, mumutendelaje nha vyono yamutendelenyi nyenye, mumuwuyajizaje kejete nha vyono genha i metumo gakwe. Memyenyi i cikombe cakwe ko wung'we wukali kali kejete, si nho wung'we awulya wono u mwene yamupelenyi.