I Cililo 1:20 - Luganuzi Luswanu Kuli Wanhu Wose 2002

²⁰ “Alu 'gwe go Muwaha Mulungu, wulangaje ta wusungu wono nina nawo mu nhumbula yangu! Ne nhumbula yangu nha yatulilwa muno no wukalale, ku soko yo wubi wangu. Alu mu zinzila, mweza mowuli wuwulaji, na mu milango namo, molili yifwa.

I Cililo 1:20 ပူးပေါင်းရင်းမြစ်များ

Jobu 30:27

Mahwele no wusungu vyanhamisa, hambi nha nili mu magazo vilo vyose.

Jobu 33:27

Nayo ho kolonjela mwi'puga lye wanhu yawe kutya, ‘Ane nili mubi, ninga Mulungu kambonela lusungu du, hambe ane si netuma ze ling'ani yaye.

Zabuli 22:14

Ane namalika nhe malenga gono gamwajice, ne mafupa gangu gose gatenguka, ne nhumbula yangu yeza nha kotya nha yono yenjeduce.

Zabuli 38:8

Alu natimba, nadejepa muno, nghuzizidika muno so wusungu wa mu nhumbula.

Zimbazi 28:13

Na hono wujendelele kuwuhundika wubi wako, mbeka hamba si komoteswa mu mikalile yako. Holeka yikunojeye wunene wubi wako, wuwulece, nayo Mulungu kokuwonela lusungu.

Isaya 16:11

Holeka nane nghuzizidika muno ko wukalale ku soko ya Mowabu, kanyhi nghuwona wusungu ku soko ya Kili-helesi.

Isaya 38:14

Ne lizi lyangu likasocela, likawa yidodo muno. Nane nghawa kulila nha nghunda. Ne meso gangu gakakatala so wugalamila kucanyha. Gwe go Muwaha Mulungu, wumhonye mu wugaye wuwu.

Yelemiya 14:18

Nane lono nghubita mu mawimbi, nghuyiwona i miwili ye wanhu wono wawulagwe mu wulugu, na kolo nghubita mu makaya, namo nghuwawona i wanhu wono wakugaya no kufwa so nzala. Ninga nawo i wawizi hamonga ne wakohani, wene wajendeleye du ne milimo yawo, hamba kumanya yaye na cono wakwituma.”

Yelemiya 14:20

Gwe go Muwaha Mulungu, ase cetuma wubi muno hali 'gwe, holeka aluno, cikuwuvumila wubi wetu, hamonga no wubi we walezi wetu.

Yelemiya 2:35

anye mukutya nhavi, ‘Ane sina masutya go gose, holeka u Muwaha Mulungu, si kongholelwa likuwo yaye.’ Ninga mumanye vyono ane no Muwaha Mulungu, nomulipicizenyi du, hamba yiwe nyenye nyo weneco, si mukulumba yaye vyono mwitumile wubi.

Yelemiya 3:13

Langa ane yono nghusaka kuli 'gwe, wuvumile masutya gako gose nha vyono wali wamubedegala u Muwaha Mulungu, u Mulungu weko. Kanyhi wunene, nha vyono wali kusenyha ne milungu mijenzi, hasi ye mibici yose yono yina mahamha gono gadedewaye, hamba kugebata malajilizo gangu yaye. Vyo nghutya ane no Muwaha Mulungu.

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

Yelemiya 4:19

Nye nghuwona wusungu si! Hamba si nosuma kuwukangalila yaye! Nye nhumbula yangu si! Nhumbula yangu, nha yatowa muno! Nane hamba si nosuma kunyamala yaye. Hambi nha nghuhulika mazi ge zindulele hamonga ne mazozo go wulugu.

Yelemiya 48:36

“Holeka nhumbula yangu yikutamika muno ku soko ya Mowabu, hamonga ne wanhu wa ku Kili-helesi, nho munhu mono yakutowa lwimbo lwe maziko mu fuluti. Hambi i vinhu vyose vyono wali wena navyo, nha vyakondya kwajilila.

I Cililo 1:11

Nawo wanhu wakwe wose wakugula, wakulondola ndigwa. Wakukawa vinhu vyawo na ndigwa, ho walece kufwa. Holeka likaya likulila likutya, “Gwe go Muwaha Mulungu wunghumbucile, wugalanje magayo gangu.

I Cililo 1:18

“Ninga Muwaha Mulungu yo we ling'ani, hambi nha yo nene mono si nali kwenda kumuhulika. Holeka muhulicizaje anye wanhu wose, muwuwone wugaye wangu. Hambi i wazelelo wangu hamonga ne wacekulu, nha wakondya kusolwa no kutegulwa kutali.

I Cililo 1:8

No lukumyo lwa Yelusalemi lwakondya kuwuka, alu yeza yali cipwi, yebatwe ne cevu. Nalu yakugula yehundicize wusu wakwe, yakuwona soni. Yelusalemi yetipiza mweneco so wubi wakwe.

I Cililo 1:9

No wubi wakwe wijeye calinze, ninga mwene yakwilajila nha kotya si yali muli zizo yaye. Holeka ku soko yiyo, no wugwe wakwe wa mbuko, hamba hasina mono kosuma kumusindamika yaye. Ne walugu wakwe wamusuma, nalu mwene yakumulilila Muwaha Mulungu yamuwonele lusungu.

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

I Cililo 5:16

Hasina cinji cono cisigaye, muli vyose vyono celumbilaga. Heya cetuma wubi, nalu congomezwa.

Ezekiyeli 7:15

Kunze kolowa wihomi mu zinzila. Namo mu zikaya molowa matamwa ne lizala. No munhu wo wose mono kolowa mu mawimbi mwi'daha lilyo, ayo kolofwila mu wihomi. Nayo mono kolowa mwi'kaya mwi'daha lilyo, nayo kolofwa so matamwa ne lizala.

Danyeli 9:5

“Ase cetuma wubi, kanyhi cili wabi, cituma nghani 'mbi muno. Hambi nha cazilema zinzila zako, cakondya kuzileka ne ziswanu zono wacilajila.

Hoseya 11:8

“Nosuma nhawule kukuleka 'gwe Isilayeli? Nosuma wule kukutaga? Hamba si nosumila lukulu kukongomeza, nha vyono nayongomeza Adima. Hamba kukunozeza nha vyono nayinoza Zeboyimu? Nhumbula yangu siyonghombola ho nitume zizo! Hambi wendo wangu kuli'gwe, nha wuwaha muno.

Habakuki 3:16

Nane nghuzihulika zizi zose, kuno nghucicima, no mulomo wangu wuleceye wukucicima so woga. No muwili wangu wose wanyong'onyela, sunga ne magulu gangu nhondo, gakucicima lono nimile. Ninga ne, nolindila du nhulile, sunga lizuwa lize lyono Mulungu kolowalipiciza wose wono wakuwa kucihoma.

Wukumbucize wo Wulajilize 32:25

Nawo wulugu wowaletela mafwa mawaha mu zinzila no wogofywe wowagana mu zikaya zawo, i wazelelo hamonga ne wahinza, wose wofwa, ne wagalika wose ne wakombi, hasina mono kosigala.