I Cililo 1:2 - Luganuzi Luswanu Kuli Wanhu Wose 2002

² Alu Yelusalemi kekalaga yakulila cilo cose, ne mahozi gakuhuluma mu meso. Ne wendece wakwe wose we katali, wakondya kumuleka, hasina hamba monga mono yakumutuza. Na wono vyali vilunzize nayo, alu wamugaluka, wose weza walugu wakwe.

I Cililo 1:2 ပူးပေါင်းရင်းမြစ်များ

Jobu 6:15

Ninga lu anye nyo wendece wangu, mukunghonga-nghonga cinye vikolongo vyono vinyalaga mwibahu

Jobu 7:3

Myezi na myezi, nikaye du sina ndigwa cilo na cilo vilo vyose, nikalaga nili mu wukalale du.

Zabuli 126:5

Wono wakuhadika zimbeyu zawo, wakulila mahozi, wolodudula wasangalaye!

Zabuli 31:11

Sunga ne walugu wangu wose, wakumbedegala, naweza nha linhu du hali wayangu. Ne wendece wangu, weza kumbona nili wa kogofya, nawo lono wakumbona mu nzila, wakunhiza.

Zabuli 6:6

Nghataye muno muno ku soko ye cililo cangu co wusungu, vilo vyose ku cilo nghucisuluziza citanda cangu mahozi, na mu wulile wangu, nghuwusuluziza muto wangu.

Zabuli 69:21

Lono nali ndabuce, wene wakamhela sumu yo nilye, nali nghaluce, wene wakamhela siki yo ning'we.

Zimbazi 19:7

Sunga ne wanduguze wo muciwa, wawezaga siwamwendile yaye. Kanyhi kekalaga yasina wendece wakwe. Hamba yahidimbale muno ho yawatuje, ninga sikosuma yaye.

Yelemiya 13:17

Holeka hono mwikale si mumuhulice, nane nolila cinyele ku soko yo wiwoni wenyu, nolila ko wusungu muno, ne mahozi gangu gosulula, ku soko ye wanhu wo Muwaha Mulungu, wono wakondya kusolwa mateka.

Yelemiya 2:25

Gwe Isilayeli, wulece kuyisakaza migulu yako bwete, hamba kwipela nyhilu bwete, so wulondolela milungu yinji. Hambi agwe nha wukutya, ‘Ane nalema kukuwuyila, hambi nha niyendile i milungu mijenzi, holeka nane noyityatya du.’ ”

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Yelemiya 30:14

Ne wendece wenyu wose, wakondya kumusemwenyi, hamba si womululenyi kanyhi yaye. Nane nghamuhomenyi nha muli walugu, no wulipicizwe wukawa wukali muno, ku soko yo wubi wenyu vyono winji muno, hambi i metumo genyu mabi, nha gali gonjelezeka muno.

Yelemiya 4:30

Woyi he kuli'gwe, 'gwe Yelusalemi! Alo nhawule wukwivwika vivwalo vye liwala lidunghu? Hamba nhawule wukwihamba no wihambo we zahabu no kwiyola mu meso gako ne lanji? Ninga wumanye nha vyono winozelezi wako wuwo, wowa nghani bwete du. Hambi i weyendi wako, nha wakondya kukubedegala, nalu wakusaka wakuwulaje.

Yelemiya 9:1

Na mbeka, nali nyende u mutwe wangu wanda wuwe yisima lya malenga, ne meso gangu galavye mivwilo ya mahozi, ho sume kulila misi ne cilo, ku soko ye wanhu wangu wono wakondya kuwulagwa.

I Cililo 1:19

“Nane nghawacema wono cali cilunzize nawo, ho waze wamhele wutazi, ninga wakalema kuza. I wakohani ne walongola, wose wakafwila mwi'kaya, lono walondolaga ndigwa, walece kufwa.

I Cililo 1:21

“Alu wulanje vyono, sunga na mu wugule wangu, hasina hamba monga mono yakumhela wutuzwe. Nawo walugu wangu wasangalaye, vyono agwe kundetela wugaye wono winha wuwu. Holeka lize mbela lizuwa lyako lyono wehuwiza, liwanoze walugu wangu, nawo wenjile mu magayo, wagaye nha vyono ane nghugaya.

I Cililo 1:9

No wubi wakwe wijeye calinze, ninga mwene yakwilajila nha kotya si yali muli zizo yaye. Holeka ku soko yiyo, no wugwe wakwe wa mbuko, hamba hasina mono kosuma kumusindamika yaye. Ne walugu wakwe wamusuma, nalu mwene yakumulilila Muwaha Mulungu yamuwonele lusungu.

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

Ezekiyeli 16:37

Ku soko ya zizo zose, nane lu, nowakonghola hamonga i wendece wako wose, wono wuwendile, na wono wuwasulile. Nowaleta hali'gwe niwatandalice, wakupilime, hanyuma, nghugubule myenda yako, niwalece waciwone cipwi cako.

Hoseya 2:7

Nayo kowamanyhilila wendece wakwe, ninga hamba si kowatuga yaye. Kowalondola, ninga hamba si kowawona. Hanyuma kotya, “Alu neza kuwuya kuli mulume wangu u mulongozi, hambi u wuwe wangu wulongozi, nha wali wuwe wuswanu muno, si nha wuwe wono nina nawo aluno.”

Mika 7:5

Wulece kumwihuwila mwikalani muyago, hamba kumwitumbila mono mwiyendile nayo. Wilanjililaje muli zono wukulonga, hamba yiwe kuli mugolece wako.

Wugubule 17:13

Na wawa wose vyono wali yikumi, wose walonjeye kumonga, nawo wolipela lilimu lililya vilungo no wulajilize wawo wose.

Wugubule 17:16

Ne mahembe gagalya yikumi gono wugawene, hamonga ne lilimu lililya, vyose vyomusula yuyo musenyha. Nawo womusolela vinhu vyose vyono yena navyo, womuleka yali cipwi, kanyhi wololya nghuli yakwe no kumuticimiza mu moto.