I Cililo 1:19 - Luganuzi Luswanu Kuli Wanhu Wose 2002

¹⁹ “Nane nghawacema wono cali cilunzize nawo, ho waze wamhele wutazi, ninga wakalema kuza. I wakohani ne walongola, wose wakafwila mwi'kaya, lono walondolaga ndigwa, walece kufwa.

I Cililo 1:19 ပူးပေါင်းရင်းမြစ်များ

Yelemiya 2:28

“Alu i milungu yono mweyinozeza nyenye nyo weneco, yili hayi lu? Nanye kolo mwenjila mu magayo, mweze yileka le yimuponyenyi, hono mbeka yosuma kumuponyenyi! Nagwe Yuda, wina milungu minji muno, hambi liwalo lye milungu yako, nha liling'aniye ne liwalo lye zikaya zako.

Yelemiya 30:14

Ne wendece wenyu wose, wakondya kumusemwenyi, hamba si womululenyi kanyhi yaye. Nane nghamuhomenyi nha muli walugu, no wulipicizwe wukawa wukali muno, ku soko yo wubi wenyu vyono winji muno, hambi i metumo genyu mabi, nha gali gonjelezeka muno.

Yelemiya 4:30

Woyi he kuli'gwe, 'gwe Yelusalemi! Alo nhawule wukwivwika vivwalo vye liwala lidunghu? Hamba nhawule wukwihamba no wihambo we zahabu no kwiyola mu meso gako ne lanji? Ninga wumanye nha vyono winozelezi wako wuwo, wowa nghani bwete du. Hambi i weyendi wako, nha wakondya kukubedegala, nalu wakusaka wakuwulaje.

I Cililo 1:1

Lanje lu, likaya lili lya Yelusalemi vyono lyekala yiciwa, ninga ho lyali limemile wanhu wenji muno muno. Nalyo lyali lina ne lilumbo yiwaha mono yinze yose, ninga alu mulanje, lyehwana no mucekulu mufwile. Na mu makaya gose, lyene lyali nho mwana we cicekulu wo mutemi. Ninga alu lyakondya kusolwa no kutegulwa ku wuwanda.

I Cililo 1:11

Nawo wanhu wakwe wose wakugula, wakulondola ndigwa. Wakukawa vinhu vyawo na ndigwa, ho walece kufwa. Holeka likaya likulila likutya, “Gwe go Muwaha Mulungu wunghumbucile, wugalanje magayo gangu.

I Cililo 1:2

Alu Yelusalemi kekalaga yakulila cilo cose, ne mahozi gakuhuluma mu meso. Ne wendece wakwe wose we katali, wakondya kumuleka, hasina hamba monga mono yakumutuza. Na wono vyali vilunzize nayo, alu wamugaluka, wose weza walugu wakwe.

I Cililo 2:20

Gwe go Muwaha Mulungu, wuwalanje wawo ta, wono wukuwatamisa, wo wa nani wene? Alu wulanje vyono sunga ne wacekulu nhondo, weza kulya ne miwili ye wana wawo wono wawendile! Sunga ne wakohani hamonga ne wawizi, nawo nhondo weza kuwulajilwa mu Nyumba yako mugati!

I Cililo 4:17

Nase cikalanjilila, lunji cotuga wutazi, ninga calanjilila sunga cikakatala, hamba kuwutuga yaye. Cikajela kanyhi kulindila, lunji cotuga wutazi ku wulawa mwi'kungugo linji, ninga hamba si cawutuga yaye.

I Cililo 5:12

I walongola wetu nawo, wakwibatwa, wakunyongwa. I wakombi wetu, si wakupegwa cogopo yaye.