I Cililo 1:18 - Luganuzi Luswanu Kuli Wanhu Wose 2002

¹⁸ “Ninga Muwaha Mulungu yo we ling'ani, hambi nha yo nene mono si nali kwenda kumuhulika. Holeka muhulicizaje anye wanhu wose, muwuwone wugaye wangu. Hambi i wazelelo wangu hamonga ne wacekulu, nha wakondya kusolwa no kutegulwa kutali.

I Cililo 1:18 ပူးပေါင်းရင်းမြစ်များ

1 Watemi 13:21

yakamulonjela kwe lizi yiwaha u muwizi mono yalawa ku Yuda yakumutya, “Muwaha Mulungu yakukutya nhavi, alu wakondya kumubedegala, hamba si witumile nha vyono yakulajilize.

Ezila 9:13

Hamba no wulipicizwe wa kuli'se, wono wetumwa no Muwaha Mulungu so wubi ne masutya getu, cimanyile vyono agwe go Mulungu wetu, wacilipiciza hadodo du vyono si cali cinojeye cilipicizwe, kanyhi wacileka cijendelela kuwumipa.

Nehemiya 9:26

“Ninga hamba nha vivyo i wanhu wako siwakuhulika yaye. Wene wakakugaluka, wakataga ne malajilizo gako. Wakawawulaga sunga ne wawizi wono wawasugulaga, no kuwalonjela wakupitucile gwegwe. Wakakutovula kenji na kenji.

Nehemiya 9:33

Wetuma viswanu kucilipiciza, kanyhi wuketuma ze ling'ani, hambe nha cakunozeza wubi.

Zabuli 107:11

ku soko vyono wabeza malajilizo, go Mulungu no kubedegala zo wutonji, wo Mulungu Mono Yalawiliciye.

Zabuli 119:137

Gwe Muwaha Mulungu, wuli mwihuwilwa, ne zining'aniza zako zo ze mbeka.

Zabuli 119:75

Nane manyile vyono wuling'anize wako, wo we ling'ani 'gwe go Muwaha Mulungu, na vyono kanyhi kundipiciza, vyono 'gwe wuli mwihuwilwa.

Zabuli 145:17

Muwaha Mulungu, yo yali ling'ani mu zinzila zakwe zose, kanyhi mwene muswanu muli milimo yakwe yose.

Wutuluce 9:27

Mutemi Falawo yakatuma munhu yakawacema Musa na Haluni, yakawatya, “Aluno ane nakondya kwituma wubi, u Muwaha Mulungu yo we ling'ani yali wene, ninga ane ne wanhu wangu, wose cili wabi.

Yelemiya 12:1

Gwe go Muwaha Mulungu, hamba ciwangane nagwe muli zangu, agwe ninga vyo kojendelela kuwa mu mbeka du. Holeka nane luno, nosuma kukuwuza zinghani zono zinojeye wiling'ano, nha vyono nhavi, Alu mwene, nhawule i wanhu wabi nawo wamoteswe muno? Hamba nhawule i wanhu wono si wehuwilwa nawo wekaye wacehile?

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Yelemiya 4:17

Woloyipilima Yelusalemi nha wanhu wono wawulindilize mugunda, hambi i wanhu wayo, nha wakondya kumbedegala ane no Muwaha Mulungu. Vyo yakutya u Muwaha Mulungu.

Yelemiya 49:12

“Sunga na wose wono wali si wanojeye waling'anizwe, nawo wocing'wela du cikombe cico co wuling'anizwe. Hamba wukwihwesa nha vyono kolekwa wulece kutuga wuling'anizwe lo? Ng'o yaye, langa kocing'wa du cikombe cico co wuling'anizwe.

I Cililo 1:12

“Alu Yelusalemi yikumulilila munhu wo wose mono yakupuluta, yikutya, ‘Ta muwone! Hasina hamba yunji mono yatuga magayo mawaha gono genha gaga nha vyono ane ninha.’ Magayo gono Muwaha Mulungu yamheleye mwi'kuwo lyakwe.

I Cililo 3:42

“Ase mbeka cetuma wubi no kukuleka, ninga nagwe go Muwaha Mulungu, hamba si wacinenela.

I Cililo 5:16

Hasina cinji cono cisigaye, muli vyose vyono celumbilaga. Heya cetuma wubi, nalu congomezwa.

Danyeli 9:5

“Ase cetuma wubi, kanyhi cili wabi, cituma nghani 'mbi muno. Hambi nha cazilema zinzila zako, cakondya kuzileka ne ziswanu zono wacilajila.

Danyeli 9:7

Gwe go Muwaha Mulungu, agwe yo gwegwe mono kwitumaga nhondo zose ze ling'ani. Ninga ase yo ciyiletelaga cevu nhondo zose sese co weneco du. Na yiyi yo nghani ya mbeka kuli sese wose mono cikaye mu Yuda na mu Yelusalemi, sunga na kuli Waisilayeli wose, wono waweyagaziza mu ma'si ge behi na go kutali, vyono wali si wehuwilwa kuli'gwe.

Amosi 8:13

Mwi'zuwa lilyo wazelelo ne wahinza waswanu, wolozilika so nyhilu.

Zefaniya 3:5

Ninga Muwaha Mulungu, yali mwi'kaya, yakwituma ze ling'ani, si yakwituma zimbi ng'o. Nayo kawaletelaga wanhu wakwe ze ling'ani, nhondo zose. Ninga i wanhu wono wasina ling'ani, vyo wajendeleye du ku wituma zimbi, hamba kuwona cevu yaye.

Zakaliya 1:6

Nane nghawapela i wasogo zenyu suguzi hamonga no wulajiize, mu nzila ye wetumami wangu wawizi. Ninga wene wakalema kuzityatya, hodu nane nghawa kuwaleka, wakatuga wugaye wuwaha. Ninga kanyhi wakanena no kumanya vyono, Ane no Muwaha Mulungu, we Mihanga, nakondya kuwalipiciza nha vyono yiwanojeye, nha vyono nali nalamula niwatendela.

Walumi 2:5

Ninga so wukamu ne cibede ca mu nhumbula yako, wukwiwicila go mweneco ilikuwo, kwi'zuwa alilya lyono ilikuwo lyo Mulungu lyono lina i ning'aniza ye ling'ani lyologubulwa.

Walumi 3:19

Cimanyile vyono, u Wulajilize wuli baho ku soko ya wono wali hasi yo Wulajilize wuwo, ho walece kuwa na cikojelo co cose. Ne yinze yose yili hasi yo wuling'anizwe wo Mulungu.

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Walamuzi 1:7

Adonibezeke yakatya, “Watemi makumi mupunghati wono madole kululu gawo ga mu mawoko na ga mu magulu gali madumulwe, watondolaga ndigwa hasi ye meza yangu. Alu Mulungu yanhendela nane nha vyono nawatendela wene.” Nawo wakamutegula ku Yelusalemi yakafwila kuko.

1 Samwili 15:23

Hambi u wula cihuliko kuli mwene, nha nghani 'mbi muno muno, yihwanile no wubi wo wuhawi. Na yo wuhemba vihwani, nayo yo nghani 'mbi muno muno yihwanile no wubi wo wusenyha. Holeka agwe lu vyono wakondya kulibedegala lilajilizo lyo Muwaha Mulungu, ale, nayo kakondya kukulema wulece kujendelela kuwa mutemi.”