I Cililo 1:16 - Luganuzi Luswanu Kuli Wanhu Wose 2002

¹⁶ “Na yo soko yono yikuleka meso gangu gakulawa mahozi. Hasina hamba monga mono konhuza, hamba kusikamya. Hambi walugu wangu nha wakondya kusuma 'ne, ne wanhu wangu wasina hamba cono ciwasigaliye.

I Cililo 1:16 ပူးပေါင်းရင်းမြစ်များ

Zabuli 106:42

Wawo nawo walugu wawo, wakawewonela wakawetumya kwe vilungo.

Zabuli 119:136

Meso gangu gakuhuluma mahozi nhe kolongo, ku soko vyono wanhu si wakuwukamisa wulajilize wako.

Zabuli 69:20

Zinhovu nhondo zanhukuwika, sunga no mutima wangu, nane natimba! Nondola wutuzwe, hamba kuwuwona yaye, hamba si yejeye no munhu mono konhuza yaye.

Muganuzi 4:1

Hanyuma nghawona wiwonelwe wose wono wukwitumwa kono'nze. Ne wanhu wono wakwiwonelwa, wakulila mahozi, nawo wasina hamba yunji mono yakuwatuza, wasina munhu hamba yumonga mono kowataza, vyono wono wakuwewonela nha wali vilungo wawacizize wene.

Isaya 54:11

Muwaha Mulungu yakutya nhavi, “Gwe Yelusalemi, mbeka wagazika muno, 'gwe kaya lyono lisina wutazi, ninga 'ne noyizenga kanyhi misinji yayo ne mabwe go wuguzi wukamu.”

Yelemiya 13:17

Holeka hono mwikale si mumuhulice, nane nolila cinyele ku soko yo wiwoni wenyu, nolila ko wusungu muno, ne mahozi gangu gosulula, ku soko ye wanhu wo Muwaha Mulungu, wono wakondya kusolwa mateka.

Yelemiya 14:17

U Muwaha Mulungu yakandajiza niwalonjele wanhu zo wukalale wangu niwatye nhavi, “I meso gangu gasuluze mahozi misi ne cilo, galece kuduma yaye, hambi i wanhu wangu nha watuga nghomele kanyhi watamiswe muno muno.

Yelemiya 15:5

U Muwaha Mulungu yakutya nhavi, “Alu nye nyo wanhu wa Yelusalemi, alo nani mbi mono komuwonelenyi lusungu, hamba nani lo, mono komulililenyi? Hamba nani lo mono komuzizenyi yamuwuzenyi zo wuwe wenyu?

Yelemiya 8:18

U wukalale wangu, hasina hamba yunji mono kosuma kuwuwusa yaye, hambi nha nhamigwe mu nhumbula yangu.

Yelemiya 9:1

Na mbeka, nali nyende u mutwe wangu wanda wuwe yisima lya malenga, ne meso gangu galavye mivwilo ya mahozi, ho sume kulila misi ne cilo, ku soko ye wanhu wangu wono wakondya kuwulagwa.

Yelemiya 9:10

Nane Yelemiya nghatya, “Ale, nane nogalilila matunda, no kugalavya mahozi gangu ku soko yo wudimilo. Hambi wudimilo wose nha wanyala hasina hamba yunji kanyhi mono yakukolela mumo. Ne mazi ge zimitugo, gapela no kuhulikwa mumo. Sunga ne malimu gose hamonga ne zindeje, vyose vyakondya kuwuka mumo.”

Yelemiya 9:21

Hambi i lifwa nha lyaciziza likolile mu madilisha getu, lyenjila mu zikaya zetu zo wutemi, ho liwawulajile lukulu i wana wetu mu zinzila, ne wazelelo wetu mu zi sokoni.

I Cililo 1:2

Alu Yelusalemi kekalaga yakulila cilo cose, ne mahozi gakuhuluma mu meso. Ne wendece wakwe wose we katali, wakondya kumuleka, hasina hamba monga mono yakumutuza. Na wono vyali vilunzize nayo, alu wamugaluka, wose weza walugu wakwe.

I Cililo 1:9

No wubi wakwe wijeye calinze, ninga mwene yakwilajila nha kotya si yali muli zizo yaye. Holeka ku soko yiyo, no wugwe wakwe wa mbuko, hamba hasina mono kosuma kumusindamika yaye. Ne walugu wakwe wamusuma, nalu mwene yakumulilila Muwaha Mulungu yamuwonele lusungu.

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

I Cililo 2:18

Gwe Yelusalemi, wugalece majinji gako gamulilile Muwaha Mulungu! Galekaje mahozi gako gasulule misi ne cilo. Wisakaze ne cililo, hamonga no wusungu!

Hoseya 9:12

Hamba waze watuje wana, ane nolowawulaga. Sinolomuleka hamba yunji yekale mumi. Na lono niwe nawaleka wanhu awa, mbeka nghani 'mbi yolowagana.”