I Cililo 1:15 - Luganuzi Luswanu Kuli Wanhu Wose 2002

¹⁵ “Hambi Muwaha Mulungu nha kawanoza vitung'ati wangu wawe si cinji kuli'ne. Hambi nha katuma wasilikale wawongomeza wazelelo wangu. Muwaha Mulungu kawakanyanjiza wanhu wangu, nha vyono wakobongaga zabibu mu ciya co kuminyila.

I Cililo 1:15 ပူးပေါင်းရင်းမြစ်များ

2 Watemi 9:33

Yehu yakawalonjela wawo yakawatya, “Mugumilenyi mucekulu yuyo hono hasi.” Hobaho nawo wakamwibata wakamugumila ho hasi. Ne sakami yakwe yikamizucila mwijinji, sunga na mu zifwalasi mose. Nayo Yehu yakawa kukoza mutuka wakwe hamonga ne zifwalasi zakwe mucanyha yo muwili wa Yezebeli, akuno yakwinjila mwi'kulu.

Zabuli 119:118

Kuwalemaga wose wono wabedegalaga, zo wutonji wako no wungwele wawo, nha wa bwete du.

Isaya 28:18

Ne cilagane cenyu cono mwali mwalagana ne lifwa, hamonga ne yisi ye wafu, vyose vyowembulwa, hamba si vyokwima yaye. Ne lihuhuji kolo lyeza kuza, lyolomusumenyi.

Isaya 41:2

Mwene nani lo mono yaleta wusume ku wulawa kucilima no kumupela vilungo vyo wusume hanhu ho hose hono yakubita? Hamba nani mono kamupelaga vilungo vyo kuwasumila watemi, hamonga ne makungugo? No mumaje wakwe, wukuwatemanga wagwa ho hasi, wawa nha manghundi. Ne zisonga zakwe zikuweyagaza nhe mawaje, gono gakupemheluswa ne mbeho.

Isaya 5:5

Alu, lecenyi ta nimulonjelenyi, nane vyono nowunoza, “Nowupambula mululu wayo, nigamwagule ne majinji gono gakuwa kuwucitila, nigalecele malimu ga mu mbago, gaze gawulye no kuwusambanjilanga.

Isaya 63:3

Nayo Muwaha Mulungu yakupitula yakutya, “Nakondya kuwakanyanjizanga i makungungo nha zabibu, ninga hasina hamba munhu monga mono yazize kunhaza. Nane niwakanyanjiziza mwi'kuwo lyangu, ne sakami yawo yimizucila mu myenda yangu yose.

Yelemiya 13:24

Ninga luno u Muwaha Mulungu, kokwiyagaza ako na ako nhe mahanze, gono gakuwa kupemheluswa ne mbeho ya mu nyika.

Yelemiya 14:17

U Muwaha Mulungu yakandajiza niwalonjele wanhu zo wukalale wangu niwatye nhavi, “I meso gangu gasuluze mahozi misi ne cilo, galece kuduma yaye, hambi i wanhu wangu nha watuga nghomele kanyhi watamiswe muno muno.

Yelemiya 18:21

Ninga aluno 'gwe go Muwaha Mulungu, wuwalekaje wana wawo wafwe ne nzala, nawo wawulajilwe ku wulugu. Nawo i wacekulu, wawajilize i walume zawo, hamonga ne wana wawo. Nawo i walume matamwa gawawulaje, ne wazelelo nawo wafwile ku wulugu.

Yelemiya 37:10

Hamba wutye wuwasumilize lipuga lyose lye wasilikale we Cibabiloni, wasigale wasilikale wono wena zinghomele, nawo wawe wagonile du mu mahema gawo, wumanye vyono, wanhu wawo wo wolokwinuka hanyuma, walipembele moto likaya lili lyongomelele lukulu.”

Yelemiya 50:26

Muyihomaje yisi mbavu zose, mugabene ne madongha gono yiwicilaga wuhemba wayo! Kanyhi muvitekaje ne vinhu vinji muno kotya nhe lundo lyo wuhemba! Muyongomeze yisi yose! Mulecele lukulu kusigaza hamba cinhu co cose mumo!

Yelemiya 51:34

U mutemi Nebukadineza wa Babiloni, kalihodanga likaya lya Yelusalemi no kulinoza liwa nha ciya cono cili bwete, liwa nha limeligwe na nzoka. Yakasola vyose vyono yasakaga mwene, na vyono vyasigala, yakavitaga kutali.

Yelemiya 6:11

Hambi nane nha memile likuwo lyako kuli wene, 'gwe go Muwaha Mulungu. Nane hamba si nosuma kwiyimila yaye.” Nayo u Muwaha Mulungu yakanonjela yakatya, “Alu wulimwagaje likuwo lyangu mu wana, wono wali mu zinzila, na mu wikongholelo we wazelelo. Nawo i walume hamonga ne wagolece zawo, wolosolwa no kutegulwa kutali, hamonga ne wakombi wose, nawo hamba si wolosigazwa yaye.

I Cililo 2:21

Alu i wadodo ne wakombi, wose nha wagwiye wafwiye mu zinzila. I wazelelo hamonga ne wacekulu, wose wakondya kuwulagwa ne mimaje ye walugu. Kuwawulajila mwi'zuwa lye likuwo lyako, wusina hamba lusungu.

I Cililo 3:34

Nayo Muwaha Mulungu, yamanyile lono zinhumbula zetu ziwopigwe mu jela, zikupondangwa.

Danyeli 3:13

Lo lulo lulo Mutemi Nebukadineza yakakolwa ne likuwo muno muno, yakawa kulajiliza wa walya wanhu wadatu, waletwe ha mwande yakwe.

Yoweli 3:13

Hambi wene nha wabi muno, holeka wuwatemangaje wuwagwise hasi nha wuhemba mwi'pango lye ndudula, wuwakobonje nha zabibu vyono zikuwa kukobongwa mwi'tuli lyokukobonjela, sunga ne divayi yiwa kulawila.”

Mika 7:10

Nawo walugu wetu, woloziwona zizi wakolwe cevu. Ne walugu wanji wolocilonga wawe kutya, “Alu yali hayi u Muwaha Mulungu, u Mulungu wenyu?” Nase colowawona wakondya kusumwa, wakukanyanjilwa hasi nhe madabaga, mu zinzila za mwi'kaya.

Malaki 4:3

Na mwi'zuwa lyono nolokuziza kuwufisiliza wihuwizo wangu, anye molowasuma i wabi, nawo wolokwihwana manghundi hasi ye magulu genyu.

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawa fisilizwa.”

Wukumbucize wo Wulajilize 28:33

“Nalyo likungugo lijenzi, lyoyikungha nhwanga yenyu yose, yono mwayitumamila milimo miwaha muno muno, ha wulimile. Nanye mokwiwonelwa du no kutendelwa vibi.

Wahebelaniya 10:29

Wulenyi, u munhu mono yakumubedula u Mwana wo Mulungu, no kuyibedegala i sakami ye cilagane co Mulungu cono ca mweza, u munhu yuyo mono yakumutovula u Muhe wo Mulungu, yimunojeye yapegwe wulipicizwe wuwaha nha cici?

Wugubule 19:15

No mumaje mukali wukulawa mu mulomo wakwe, nayo kowasumila, we makungugo, u mumaje wuwo. Nayo yo mweneco mono kotema muli wene ne nghome ya cuma, akuno yakuminyila idivayi mu ciya co kuminyila zizabibu ze likuwo liwaha lyo Mulungu u Mudaha Vyose.

Walamuzi 10:8

Nawo Waisilayeli wose wono wekalaga mu yisi ye Waamoli ku lubavu lwa kucilima ye likolongo lya Yoludani, mu Gileyadi, wakewonelwa muno no kugazwa, myaka yikumi na munana.