I Cililo 1:14 - Luganuzi Luswanu Kuli Wanhu Wose 2002

¹⁴ “No wubi wangu wose mwene yawuwene, kanyhi kawuwopeleza wose hamonga, kawutumbika mu singo yangu. Nane nghuwula vilungo, ku soko yo wuzito wayo. Muwaha Mulungu kanyinjiza mu miwoko ye walugu wangu, nane niwa sina wo kunhaza.

I Cililo 1:14 ပူးပေါင်းရင်းမြစ်များ

Zimbazi 5:22

Kanyhi wumanye vyono u wubi wo munhu mubi, mutego kuli mwene. Hambi nha kokwigwiza mu mutego wo wubi wakwe mweneco.

Isaya 14:25

Nowongomeza Waashuli mu yisi yangu, ya Isilayeli, kanyhi nowakanyanjila mu matunda gangu. Nane nawawusiza wanhu wangu lubano lwe wanhu wa Ashuli, hamonga no mutegulo muwaha wono wadinghuye.

Isaya 47:6

Nali niwakoleywe likuwo wanhu wangu nghawa kuwatendela nha kotya si wanhu wangu Nghawawika mu miwoko yako. Nagwe hamba si wawawonela lusungu yaye, sunga ne wakombi wose wukawatendela vibi muno.

Yelemiya 25:9

‘Mulanje, ta! Nane nowatuma i wanhu wo lubavu lwa kusumuka, hamonga no mwitumami wangu Nebukadineza, u mutemi wa Babiloni. Waze wayihome yisi ya Yuda, ne wekazi wayo wose, hamonga ne makungugo gose gono gayipilime. Nane nolyongomezeza lukulu likungugo lili, hamonga ne wekalani wayawo wose, niwalece mu wongomele we cibitilila, wawe cinhu co kogofya no kuhowelezwa, hamonga no wucelewazwe wuwaha. Vyo nghutya ane no Muwaha Mulungu.

Yelemiya 27:12

Nane Yelemiya, nghamulonjela Zedekiya u mutemi we yisi ya Yuda, zinghani zizo zose nha vyono zinha, nghamutya nhavi, “Alu 'gwe go mutemi Zedekiya, wiwikaje mu miwoko ya Nebukadineza, u mutemi wa Babiloni. Wumwitumamile hamonga ne wanhu wakwe, holeka nagwe kowumipa.

Yelemiya 27:8

“Ninga hono haze hejele likungugo linji lyono si lyolosaka litemwe no mwene Nebukadineza, nane nololilipiciza likungugo lilyo no wulugu, ne nzala, hamonga ne matamwa, sunga kolo mutemi Nebukadineza yawe yakondya kulyongomezeza lukulu.

Yelemiya 28:13

cikalongane na Hananiya nghamutye nhavi, “U Muwaha Mulungu kalonga nha vyono, agwe Hananiya, heya kosuma kulubenanjiza lubano lwe mabici, ninga mwene konoza lubano lunji lwa cuma.

Yelemiya 28:14

U Muwaha Mulungu, we mihanga u Mulungu wa Isilayeli, kalonga nha vyono, kogavwika lubano lwa cuma i makungugo gaga gose, nago ho gajendelele kumwitumamila Nebukadineza, u mutemi wa Babiloni. Kanyhi u Muwaha Mulungu yalonga yakatya, nha vyono koganoza sunga ne malimu ga mu mbago gose, gamwitumamile Nebukadineza.”

Yelemiya 32:3

Hambi u mutemi Zedekiya, nha yali yandindila mumo, vyono 'ne nghuganula nghutya, u Muwaha Mulungu yakutya, “Ane no Muwaha Mulungu, nomuleka mutemi wa Babiloni, yaze yalisole likaya lili,

Yelemiya 32:5

Nayo mutemi Zedekiya, kolosolwa yategulwe ku Babiloni, nayo kolowa kuko du sunga kono nene nilamukumbucilila. Hamba yaze yatye yehome ne Wababiloni, ninga hamba si kolowasuma yaye. Vyo nghutya ane no Muwaha Mulungu.”

Yelemiya 37:17

Ninga hanyuma yayo, u mutemi Zedekiya, yakatuma wanhu waze wasole, wanhegule kuli mwene kwi 'kulu. Na kuko kwi'kulu, u mutemi yakambuza cinyele yakutya, “Wule, ho yili nghani yo yose yono yilawile kuli Muwaha Mulungu?” Nane nghamutya, “Heya ho yili. Agwe Zedekiya, kotajilwa mu miwoko yo mutemi wa Babiloni.”

Ezekiyeli 11:9

Nolomuwusenyi mwi'kaya, nimuwicenyi mu miwoko ye wanhu wajenzi. Kanyhi nakondya kumuling'anizenyi wufwe.

Ezekiyeli 21:31

Nagwe koliwona likuwo lyangu, lono lyeza kukuziza nhe malambi go moto. Nane nokuwika mu miwoko ye wanhu i wakali wono wali nzizila, wono wamanyile mulimo wo kongomeza.

Ezekiyeli 23:28

Azi kanyhi zo Muwaha Mulungu yakulonga yakutya, “Ane nokulavya kuli wanhu wono wuwasulile, kanyhi wono mwakondya kwileka nawo.

Ezekiyeli 25:4

Alu, vyono nanye mwali kuzisangalalila zizo, holeka nane nowaleta we makungugo, go lubavu lwa ku nyika ya kucilima, waze wamutemenyi. Nawo kolo wakuza, wosita zinghambi zawo mu muno mono yisi yenyu, wekale mumo. Wolya ne mikalo, wong'wa ne mele, i vinhu vyono vyali vinojeye viwe vyenyu, muvitumamile nyenye.

Ezekiyeli 25:7

Holeka ku soko ya zizo, nane nomuwicenyi mu miwoko ya we makungugo ganji, waze wamuhizizenyi no kumusolenyi mateka. Nane nomongomezezenyi lukulu, mulece kuwa kanyhi likungugo hamba hadodo, hamba kuwa na yisi yono kanyhi yowa yenyu nyo weneco. Nanye baho ho momanyila nha vyono yo nene Muwaha Mulungu.”

Hoseya 5:14

Nane nowahungucila wanhu wa Isilayeli na Yuda kotya simba. Nowahawanga no kuwaleka baho. Na lono nowa nakondya kuwasola, hasina munhu yunji kanyhi mono kusuma kuwaponya.

Mika 2:3

Holeka Muwaha Mulungu yakutya, “Nghwihwesa nimuletelenyi magazo, gono si mosuma kupona, langa mokwiwona mwenjila du mu wugaye, wono womunozenyi mulece kwilumba kanyhi hamba hadodo.

Wukumbucize wo Wulajilize 28:48

Holeka luno mojendelela kuwetumamila walugu wenyu wono Muwaha Mulungu kowaleka waze wamuhomenyi. Nanye modabuka muno, kanyhi mokaluka muno, kanyhi mowa kujenda cipwi, mowa mwina wanjile wuwaha muno. Nayo Muwaha Mulungu komupelenyi mikalo mikamu, sunga kolo yakumongomezenyi.