I Cililo 1:12 - Luganuzi Luswanu Kuli Wanhu Wose 2002

¹² “Alu Yelusalemi yikumulilila munhu wo wose mono yakupuluta, yikutya, ‘Ta muwone! Hasina hamba yunji mono yatuga magayo mawaha gono genha gaga nha vyono ane ninha.’ Magayo gono Muwaha Mulungu yamheleye mwi'kuwo lyakwe.

I Cililo 1:12 ပူးပေါင်းရင်းမြစ်များ

Zabuli 88:16

Likuwo lyako likali, alu lyanyagana no wutowe wo wogofye wako, alu wukunyongomeza.

Isaya 13:13

Nane mwi'zuwa lilyo nolowucicimya wulanga ne yinze, nayo yolosinjisika yiwuce hanhu hayo, lono ane no Muwaha Mulungu nghulilajila likuwo lyangu.

Yelemiya 10:19

Nawo i wanhu wa Yelusalemi wakalila wakutya, “Woyi hee, catamiswa nye, ne zinghomele zetu, hamba si zolopona yaye. Nase cehwesaga nha vyono cosuma kuwukangalila u wugaye wono winha vivi!

Yelemiya 18:16

Nalu, wakondya kuyinoza yisi yiyi, yaweza cinhu ca kogofya muno muno, alu yeza yisi yono yowa yibedegaywe cibitilila. Na wose wono wowa kukola behi nayo, wocelewala muno ku soko ya zono woziwona, wowa kuyizugunza ne mitwe yawo ko wizine wuwaha.

Yelemiya 30:23

Ne likuwo lyo Muwaha Mulungu, mbeka wo mukukunzo we civulavumbi ce vilungo, cono cowaziza ko wukali, ciwagwile mu mitwe yawo i wanhu wabi.

Yelemiya 30:24

Nalyo likuwo lilyo likali lyo Muwaha Mulungu, hamba si lyolowuka mbela yaye, sunga langa kolo lyakondya kwituma zose no kufisiliza wuhile wakwe. Ne wanhu wakwe, wolozitanga zizi, mu vilo vye ndumo.

Yelemiya 30:7

Ninga lizuwa lyo wogofye likuza, hasina hamba lizuwa linji lyono lyolowa lihwanile ne lizuwa lilyo, lizuwa lyo wugaye we wanhu wangu, wo lulelo lwa Yakobo, ninga hamba nhavivyo, wolopona du.”

Yelemiya 4:8

Holeka luno, muvwale magunila, mulile ko wusungu wuwaha. Ku soko vyono likuwo liwaha lyo Muwaha Mulungu, likali si nawaleka i wa Yuda.

Yelemiya 48:27

Nagwe Mowabu, wukumbuciye, vyono nagwe wawezwajizaga i wanhu wa Isilayeli? Kanyhi wukawatendela nha wanhu wono wali webatwe ne lipuga lye wahizi.

I Cililo 1:18

“Ninga Muwaha Mulungu yo we ling'ani, hambi nha yo nene mono si nali kwenda kumuhulika. Holeka muhulicizaje anye wanhu wose, muwuwone wugaye wangu. Hambi i wazelelo wangu hamonga ne wacekulu, nha wakondya kusolwa no kutegulwa kutali.

I Cililo 2:1

Nayo Muwaha Mulungu, yayifunika Sayuni no wutitu mwi'kuwo lyakwe. No lukumyo lwayo lwa ku wulanga, yaluhodanjila lukulu, Na mwi'zuwa lye likuwo lyakwe, yayileka sunga ne Nyumba yakwe.

I Cililo 2:13

Woyi he gwe Yelusalemi! Go mwendece wangu Yelusalemi! Alu waco ho nolonga cici kanyhi? Ho nosuma wule kukusindamika? Hambi nha hasina munhu hamba monga, mono yatamiswa nha vivi. Hambi magayo gako nha gasina mupaka nhe lilenga. Hasina hamba witumbilo kanyhi.

Danyeli 9:12

Hambi 'gwe nha wakondya lu kwituma zono watya vyono kocitendela 'se, hamonga ne walongola wetu. Wukayilipiciza Yelusalemi kwe magazo mawaha gono gakali hamba si gananozwa mwi'kaya linji lyo lyose mono yinze yiyi.

Yoweli 2:2

Nalyo kanyhi lyolowa yizuwa lya citi no wukalale, yizuwa lye mavunde no wutitu tuku. Hambi litewa yiwaha lye zinzije, nha lyologubika matunda kotya citi. Cikali hamba si nejela cinhu cono cinha vivi, mu vilo vyono vyapuluta, hamba mu vilo vyono vikuza si cilejela yaye.

Matayo 24:21

Hambi mu vilo vivyo nha vyolowa vyo wugaye wuwaha muno muno, wono wukali si nejela hamba hadodo kuwulawa ku mwamulizo we yinze sunga nalu, hamba si wulejelela lukulu kanyhi.