I Cililo 1:11 - Luganuzi Luswanu Kuli Wanhu Wose 2002

¹¹ Nawo wanhu wakwe wose wakugula, wakulondola ndigwa. Wakukawa vinhu vyawo na ndigwa, ho walece kufwa. Holeka likaya likulila likutya, “Gwe go Muwaha Mulungu wunghumbucile, wugalanje magayo gangu.

I Cililo 1:11 ပူးပေါင်းရင်းမြစ်များ

2 Watemi 6:25

Na ku soko yo wupilimwe we likaya ne walugu kwa vilo vinji muno muno hodu wukenjila wanjile wuwaha muno muno wa ndigwa mwi'kaya, ne nzala yikawa mbaha muno muno, sunga yikawa, mutwe wa ndogowe, wukawa kuguzwa fweza makumi munana, nago matondofi ga nghunda, gakawa kuguzwa fweza yihano kwa gulamu magana mejete.

Jobu 40:4

Ane si nosuma kwijelela kulonga hamba nghani yinji yaye,

Zabuli 79:4

Caweza wanhu mono cikutovulwa ne wekalani wayetu, ne wekalani wayetu weza kucisekanga no kucizwajiza.

Yelemiya 15:19

Nayo Muwaha Mulungu yakamhitula yakatya, “Hono wuwuye, nane nokugomola, nagwe kowa wuli mwitumami wangu kanyhi. Na hono wuzilece zinghani ze cibwete-bwete, wuwe kuganula zinghani zangu, baho langa ho kowa wuli muwizi wangu kanyhi. Ne wanhu wokuziza gwegwe, ninga agwe kowa wusina soko yo kuwabitila wene.

Yelemiya 19:9

Ne walugu nawo wololipilima likaya, wawawulaje i wanhu wose wono wali mumo. No wupilimwe wuwo we likaya, wolowa wa wogofye muno. Hambi i wanhu wono wolowa wali mugati, nha wolowa kwiyilya weneco wose, wolowa kulya sunga ne wana wawo.”

Yelemiya 38:9

Kanyhi wumanyile nha vyono, sunga na mono 'kaya, musina ndigwa yaye.”

Yelemiya 52:6

Na mwi'zuwa lye licenda, lya mu mwezi we kane, wa mu mwaka wuwo, lono wanhu wa mwi'kaya wali webatwa ne nzala mbaha, hambi nha wali weza wasina ndigwa hamba ndodo,

I Cililo 1:8

No lukumyo lwa Yelusalemi lwakondya kuwuka, alu yeza yali cipwi, yebatwe ne cevu. Nalu yakugula yehundicize wusu wakwe, yakuwona soni. Yelusalemi yetipiza mweneco so wubi wakwe.

I Cililo 1:9

No wubi wakwe wijeye calinze, ninga mwene yakwilajila nha kotya si yali muli zizo yaye. Holeka ku soko yiyo, no wugwe wakwe wa mbuko, hamba hasina mono kosuma kumusindamika yaye. Ne walugu wakwe wamusuma, nalu mwene yakumulilila Muwaha Mulungu yamuwonele lusungu.

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

I Cililo 2:12

Wakulilila wanyina zawo, so nzala ne nyhilu ye malenga. Alu wakugwanga du mu zinzila, wenha wanhu wono wena nghomele. Hanyuma hodu, wawa kufwila mu mawoko ge wanyina zawo mhola mhola.

I Cililo 2:20

Gwe go Muwaha Mulungu, wuwalanje wawo ta, wono wukuwatamisa, wo wa nani wene? Alu wulanje vyono sunga ne wacekulu nhondo, weza kulya ne miwili ye wana wawo wono wawendile! Sunga ne wakohani hamonga ne wawizi, nawo nhondo weza kuwulajilwa mu Nyumba yako mugati!

I Cililo 5:1

Gwe go Muwaha Mulungu, wukumbucile zono zacagana, wucilanje, wuciwone ne cevu cetu.