I Cililo 1:10 - Luganuzi Luswanu Kuli Wanhu Wose 2002

¹⁰ Ne walugu wakwe wakamuhiziza sawo yakwe yose. Nayo yakawawona ne meso gakwe mweneco, vyono wakwinjila mu Nyumba yo Mulungu, mono Muwaha Mulungu yali yawalemeze we makungugo walece kwinjila.

I Cililo 1:10 ပူးပေါင်းရင်းမြစ်များ

2 Zinghomo 36:18

Nebukadineza mutemi wa Babiloni, yakavisola vinhu vyose vya mu Nyumba yo Mulungu, hamonga ne sawo yose, hamonga ne sawo yose ya mu kaya yo wutemi, hamonga ne sawo ye wetumami wakwe. Yakawa kuvitegula vyose ku Babiloni.

Nehemiya 13:1

Ale, lono wasomaga citabu co Wulajilize ca Musa, ha mwande ye wanhu wose. Wakawona mu mandiko gago hanji hono hatezaga, Muamoni hamba Mumowabu, yalecele lukulu kwihanzahanza ne wanhu wo Mulungu.

Isaya 63:18

Ase co wanhu wako wasiwanulwe, cali cakondya kusolwa ne walugu wetu kwa cidaha cidodo du, nawo wakawukanyajizanga wuhembelo wako.

Yelemiya 15:13

Kanyhi u Muwaha Mulungu yakanonjela yakatya, “Kanyhi nolowaleta walugu, waze wazisole zisawo ze wanhu wangu hamonga no wugoli wawo wose, wawalipicize ku soko yo wubi wono wetumile mu yisi yose.

Yelemiya 20:5

Kanyhi nowaleka i walugu wawo, waze wayisole ne sawo yose ya mwi'kaya lili, wavisole ne vinhu vyayo vyose, hamonga ne viwutwa vye watemi wose wa Yuda, wavitegule ku Babiloni.

Yelemiya 27:19

(Vyono mu vilo vyono mutemi Nebukadineza, yamusolela Yehoyakimu u mutemi we yisi ya Yuda, u mwana wa Yehoyakimu, no kumutegula ku Babiloni, hamonga ne wawaha wose wa Yuda na wa Yelusalemi.

Yelemiya 27:21

“Ale, lu muhulicize, ane no Muwaha Mulungu we mihanga ane no Mulungu wa Isilayeli, zono nghutya, kuli ze viya vye Nyumba yo Mulungu vyono vyasigala mu Nyumba yo Mulungu na mu nyumba ya mutemi wa Yuda, na mwi'kaya lya Yelusalemi.

Yelemiya 50:28

(Ne wanhu wono wakutiza kuko ku Babiloni, no kuza ku Yelusalemi, wawo wo walalonga zose, nha vyono u Muwaha Mulungu u Mulungu wetu yakwilipiciza cilipicizo ku soko ya zono Babiloni yetuma mu Nyumba yiyi yo Mulungu.)

Yelemiya 51:51

Ninga 'nye mukutya ti, ‘Oo! Ase nha cikozwa cevu, kanyhi cikuwona soni, kanyhi cikwiwona nha cisina wutazi wo wose, hambi i wajenzi nha wenjila hono helile mu Nyumba yo Mulungu.’

Yelemiya 52:13

Yakayipembela moto Nyumba yo Mulungu, hamonga ne kaya ye likulu, hamonga ne zikaya zose ze wawaha wa mu Yelusalemi.

I Cililo 1:7

Na mu wutamiswe wuwo, alu Yelusalemi yikukumbucila zo lukumyo lwayo lwe katali. Na lono yagwizaga mu miwoko ye walugu, hali hasina hamba munya kumutaziza. Ne walugu wakwe wakasecelela muno so wugwe wakwe.

Ezekiyeli 44:7

Hambi nha wawenjiza mu Nyumba yangu i wajenzi wono si walame, wono wasina cihuliko kuli'ne, ho wawe mugati, mwi'pango lono wakundavizya mafuta ne sakami vye makumbiko, vyono vikulavywa kuli'ne. Na mu nzila yiyo, wakawa kuyavufya Nyumba yangu. Holeka i wanhu wangu wakondya kucibena i cilagane, ku soko ye makani gawo gose ge mawifyo gono wakwituma.

Ezekiyeli 7:22

Nane hamba si nolowemila yaye wawo wahizi kolo weza kuyibena no kuyavufya Nyumba yangu.

Ezekiyeli 9:7

Hanyuma, Mulungu yakawalonjela kanyhi yakawatya, “Alu muyavufyaje Nyumba yangu, muyimemye ne mivimba, hanyuma ho mulawanize mubite muketume nha vyono nonjile!” Hodu, hobaho wakawa kwanza kuwawulaga wanhu mwi'kaya.

Maluko 13:14

“Molowona liwifyo lyo wuhodanjice limile hono si hanhu halyo. (Mono yakusoma yezuce nhunizo yayo!) Na baho iwanhu wono wali mu Yudiya, wamanyhile mu matunda.

Wukumbucize wo Wulajilize 23:3

“Hamba hasina Mwamoni, hamba lunji Mumowabu wo wose, hamba munhu wo wose wa muli lulelo lwawo, sunga ko ku lulelo lwe likumi, mono kosuma kuwalilizwa hamonga ne wanhu wo Muwaha Mulungu.

Wukumbucize wo Wulajilize 23:4

Hambi wene nha walema kumupelenyi ndigwa ne malenga lono mwali muli mu muhinzo, mukulawilila ku Misili. Kanyhi wo wawo wono wamusola Balamu u mwana wa Beyoli, ku wulawa mwi'kaya lya Petoli ya ku Mesopotamiya, wakamulipa, ho yaze yamulijitenyi.