I Cililo 1:1 - Luganuzi Luswanu Kuli Wanhu Wose 2002

¹ Lanje lu, likaya lili lya Yelusalemi vyono lyekala yiciwa, ninga ho lyali limemile wanhu wenji muno muno. Nalyo lyali lina ne lilumbo yiwaha mono yinze yose, ninga alu mulanje, lyehwana no mucekulu mufwile. Na mu makaya gose, lyene lyali nho mwana we cicekulu wo mutemi. Ninga alu lyakondya kusolwa no kutegulwa ku wuwanda.

I Cililo 1:1 ပူးပေါင်းရင်းမြစ်များ

1 Watemi 4:21

Nawo wutemi wa Solomona, wukawa wutandaye muno sunga na mu makungugo ganji, ku wulawilila he 'kolongo lya Efulata, sunga ko ku yisi ye Wafilisiti, sunga ko ku mupaka we yisi ya Misili. Nawo wawa wose, wamulipaga kodi Solomona. Kanyhi wakajendelela kumwitumamila mu mikalile yakwe yose.

2 Watemi 23:33

No wutemi wakwe wamalicila mwi'zuwa lono yebatilwa no mutemi Neko wa Misili, yakamufunga ku Libula, mu yisi ya Hamati, ho yalece kutema kanyhi ku Yelusalemi. Yakayilifya yisi ya Yuda kodi ya kilo elufu yidatu na magana mane za fweza, hamonga na kilo makumi madatu na yine za zahabu.

2 Watemi 23:35

Mutemi yehoyakimu yakakonghola kodi ku wulawa kuli wanhu, munhu ne nghango ye sawo yakwe, ho yasume kutuga liwalo lye kodi yono yasakaga mutemi wa Misili.

2 Zinghomo 9:26

Yakawa mutemi muwaha muli watemi wose wa mu'si, ku wulawa kwi 'kolongo lya Efulata, sunga ko ku yisi ye Wafilisiti, ko ku mupaka we yisi ya Misili.

Ezila 4:20

Watemi wono wali wali vilungo vyo kutema, wawo wakatema sunga ko kwi'tumbi lyo lubavu lwa ku mwezi ye likolongo lya Efulata, nawo wakakonghola kodi hamonga ne zisawo zinji.

Nehemiya 5:4

Hamba nhavivyo, wanji nawo wakatya, “Nase, yali yicinojeye cikope pesa, ho cilipe kodi yo mutemi, mu nzila yo kupinjika migunda yetu, ne mizabibu yetu.

Nehemiya 9:37

Na ku soko yo wubi wetu, holeka vyose vyono yisi yikulela, vibitaga kuli watemi wono wacipela. Nawo wakucitema, kanyhi wakucinozeza nha vyono wakusaka weneco, hamonga ne mitugo zetu. Holeka cili mu wugaye wuwaha muno muno!”

Zabuli 122:4

Ale, mumo mo makungugo gakuza, heya, makungugo ga Isilayeli, gakuza gawe kumulumba Muwaha Mulungu, nha vyono yalajiliza.

Isaya 14:12

“Gwe go mutemi wa Babiloni, go nyelezi yono ying'alalaga hakali mitondo, alu hodu wagwiza ku wulawa ku wulanga! Ninga katali ho wali wugasumize makungugo, alu ninga wakondya kugwiswa sunga ho hasi.

Isaya 22:2

Hambi nha nghuwona likaya lyose limemile sasamo ya nyhenze ne nyemo mbaha. I wanhu wako wono wafwa mu cipango co wulugu, si wawulagwa no wulugu yaye.

Isaya 3:26

Nayo milango ye likaya, yokalala no kulila. Ne likaya lyokwihwana no mucekulu mulekwa mono yekaye hasi mu manghundi.

Isaya 49:21

Ale, nagwe baho, kolokwanza kulonga wuli wene wukutya, ‘Alu mwene nani mono yandelela wana wawa? Hambi nha nali nakondya kufwilwa ne wana wose nghawa sina hamba mwana monga. Nali nili ku wuhamywe, nghawa nawingwa, alu nani mono yawawilusa wana wawa? Nha nali nalekwa nekala nili wene, alu wana wawa ho walawa hayi wene?’ ”

Isaya 50:5

Muwaha Mulungu yamhelile wizuce, nane nghali namubeza, hamba kumuleka yaye.

Isaya 52:2

Wikung'unhaje wilejehe 'gwe Yelusalemi, winukaje wuwuce mu manghundi, wikale mwi'goda lyako lyo wutemi! Muwopole manyolo gono gali gamuwopilenyi anye nyo wanhu wa Sayuni!

Isaya 52:7

Yo nghani yo wizine lono wukuwona munhu yakuza yakolile mu matunda, yakuleta nghani swanu, nghani yo mulamu! Mono yakuganula zo wusume, yakuyitya Sayuni, “Mulungu wako yo mutemi!”

Isaya 54:4

Holeka wulece kogopa, hambi nha si kokozwa cevu hamba kupuvywa yaye kanyhi. No wu wula wihuwilwa wako, kowusemwa nho mucekulu mono yakali mudodo, no wumondwe wo wufwile wako hamba si kowukumbucila kanyhi yaye.

Yelemiya 31:7

Nayo Muwaha Mulungu yakutya nhavi, “Alenyi nye nyo zinghungugo zimbaha, alu mwimbe ko wusangalale ku soko ya Isilayeli. Mwimbe u lwimbo lwenyu lo lukumyo, muwe kutya, ‘U Muwaha Mulungu kawaponya i wanhu wakwe, kawakomboza na wose wono wali wasigaye.’

Yelemiya 40:9

Nayo Gedaliya yakawalonjela yakatya, “Ane nghumwilahizenyi nha vyono, anye musina soko yo yose yo kogopa kwilavya no kuwetumamila Wababiloni. Anye, mwikalaje du mu yisi yiyi, mujendelele du kumwitumamila u mutemi wa Babiloni, na zose zowa swanu du muli'nye.

Yelemiya 42:2

wakanonjela wakutya, “Gwe Yelemiya, cikukunena wucinozeze zono cikukuhila! Ase cikukulomba, wucilombele ase wose mono cisigaye. Hambi nha cali cili wenji, ninga luno casigala cili wanhu wacefu du, nha vyono nagwe wukuciwona.

Yelemiya 44:2

Muwaha Mulungu, we mihanga, u Mulungu wa Isilayeli, yakalonga yakatya, “Anye nyo weneco mwewonelela i mabi gose gono nagaleta mu Yelusalemi, na mu makaya gose ga mu yisi ya Yuda. Na vyono gekala matongo sunga nalu. Hasina hamba munhu yumonga kanyhi mono yekaye mumo,

Yelemiya 44:6

Holeka nane nghawa kulimwaga likuwo lyangu mu makaya ge yisi ya Yuda, sunga na mu zinzila za Yelusalemi, nghawa kugapembela moto. Gakawa kulekwa matongo go kogofya muno ku wulangwe, nha vyono gakwijela sunga nalu.

Yelemiya 50:23

Babiloni yayipondanjiza yisi ne nyondo no kuyibenanjiza. Ninga luno, nyondo yiyo nayo yakondya kubenanjika! Sunga ne makungugo gose gatinuswa, ku soko ya zono zakondya kuyagana yisi yiyo.

Yelemiya 9:11

U Muwaha Mulungu yakutya, “Nane noyinoza Yelusalemi yiwe malundo ge matongo, hawe hanhu hono macewe gowa kwikala, nago makaya ga Yuda, gowa nyika, hawe hanhu hono yunji si kosuma kwikala.”

I Cililo 1:19

“Nane nghawacema wono cali cilunzize nawo, ho waze wamhele wutazi, ninga wakalema kuza. I wakohani ne walongola, wose wakafwila mwi'kaya, lono walondolaga ndigwa, walece kufwa.

I Cililo 2:1

Nayo Muwaha Mulungu, yayifunika Sayuni no wutitu mwi'kuwo lyakwe. No lukumyo lwayo lwa ku wulanga, yaluhodanjila lukulu, Na mwi'zuwa lye likuwo lyakwe, yayileka sunga ne Nyumba yakwe.

I Cililo 2:10

Nawo i wanhu wakombi wa mu Yelusalemi, wekaye wanyamaye twii, akuno weyitiye manghundi mu mitwe yawo, wavwalile magunila. Nawo i wahinza, wenamizye mitwe yawo hasi.

I Cililo 4:1

Wung'alale we zahabu yetu hamba si wejela, ne mabwe gono gali mazenjele Nyumba yo Mulungu, gakeyagala caka mu zinzila.

I Cililo 5:16

Hasina cinji cono cisigaye, muli vyose vyono celumbilaga. Heya cetuma wubi, nalu congomezwa.

Ezekiyeli 26:16

Ne watemi wose we zinghungugo zono zikaye mu mwejelele we lilenga, wolowuka mu magoda gawo go wutemi. Wolovula ne vivwalo vyawo vye citemitemi, wolokwikala hasi mu muhangha, akuno wakucicima muno. Hambi nha wolokogofywa muno, wakwizina ku soko ya zizo zono zikuweleye, kanyhi hamba si wolosuma kwiyimila ho walece kujendelela kucicima.

Ezekiyeli 26:2

“Gwe go munhu, ayi yo nghani yono yikuleka wanhu wa mwi'kaya lya Tulo wakuyisekanga Yelusalemi wakutya, ‘Ahee, nhondo Yelusalemi yibenanjika! Ne vilungo vyayo vyo wusuluza alu nhondo vyamalika! Hamba si cokwisumaniza kanyhi nayo!’

Ezekiyeli 5:5

Muwaha Mulungu yakatya, “Langa, ta, ali lyo likaya lya Yelusalemi, lyono naliwika haciligati ye yinze, hamonga ne ma'si ganji gose gono galipilime.

Walawi 26:31

Noganoza makaya genyu gawe matongo, nohahodanga hanhu henyu ho wuhembelo, nogalemela lukulu no kugabocela ne makumbiko genyu.

Walawi 26:33

Noleta wulugu muli'nye, kanyhi nomwiyagazenyi mwiyagalile mu zi'si zo wujenzi. Ne yisi yenyu yowa matongo, ne makaya genyu golekwa gagwiye caka.

Zefaniya 2:15

Azi zo zololijelela likaya lyono lina wiwoni wo kwiyitumbila vilungo vyalyo lyeneco, no kwihwesa vyono likaye lipolile. Ne wanhu wayo wakwihwesa vyono likaya lyawo lye 'waha kuciza makaya gose mono yinze yose. Na kumbe wo wambuce wa bwete, hambi nha holopituka hawe wikalo we zinimu za mu mbago! No munhu wo wose mono kokolela baho, kololihoweleza no kusinjisa mutwe wakwe.

Wugubule 18:7

Mumupelaje magazo no wusungu, mu nghango yo wikumye wakwe, mu nghango ye mikalile yakwe yo wiyendeze. Hambi nha yakwiyitya mu nhumbula yakwe, ‘Ane nikaye baha, nili mutemi we cicekulu. Ane si nili mufwile, hamba si nowutuga wusungu!’