Isaya 9:6 - Luganuzi Luswanu Kuli Wanhu Wose 2002

⁶ Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Isaya 9:6 ပူးပေါင်းရင်းမြစ်များ

2 Samwili 7:13

Nayo kowa yo munhu mono konzenjela Nyumba yo wikalo wangu. Nane nowusimya wutemi wakwe cibitilila.

2 Samwili 7:16

Nane nowusimya wutemi wako muli wanago cibitilila. No wutemi wako hamba si wuladuma yaye.’ ”

1 Watemi 10:9

Yalumbwe Muwaha Mulungu, u Mulungu wako! Hambi nha yalajila nha vyono yendezwe nagwe, no kukunoza wuwe mutemi muli Isilayeli. Hambi wendo wakwe kuli Isilayeli, nha wa cibitilila, nayo yakakunoza wuwe mutemi wawo, ho wusume kunoza ling'ani ne mbeka.”

1 Watemi 2:33

Holeka wulipicizwe ku soko yo wuwulagwe wa wawo, wogwila muli Yowabu, hamonga no lulelo lwakwe cibitilila. Ninga u Muwaha Mulungu kowa kuwamotya nhondo zose wo lulelo lwa Dawudi wono wekaye mwi'goda lyakwe.”

1 Watemi 2:45

Ninga ane, u Muwaha Mulungu kondugutiza, kanyhi kowunoza wutemi wa Dawudi wulawilicile cibitilila.”

Nehemiya 9:32

“Holeka 'gwe Mulungu, go Mulungu wetu, wuwaha wako wucizize! Mono wuli wo kogofya, kanyhi wuli we vilungo! Mono kukamisaga ko wihuwilwa cilagane no lusungu lwako, hamonga no wihuwizo wako. Ku wulawa mu vilo vyono watemi wa Ashuli waciwonelaga, sunga na lulu hose, magayo malinga gono gakondya kucagana! I watemi wetu ne walongola wetu, ne Wakohani wetu, ne wawizi, ne walezi wetu, hamonga ne wanhu wose, cili mu wugaye. Holeka wukumbucile vyono cagaya muno!

Zabuli 45:3

Gwe go citung'ati, wuwikanize mumaje wako, agwe yo gwegwe mono wuli we nhojo, kanyhi yo gwegwe munghalo wuwaha wose.

Zabuli 45:6

Ne ligoda lyako lyo wutemi, lye 'goda lyo Mulungu, likalaga cibitilila ne cibitilila. Nagwe wukuwatema wanhu wako ko wiling'ano.

Zabuli 45:7

Agwe mbeka wendile wiling'ano, ninga si wendile wubi, na ku soko yiyo, holeka Mulungu, u Mulungu wako yakakuhagula, nayo yakakujidila nyemo mbaha muno kuciza wayago.

Zabuli 50:1

Muwaha Mulungu, u Mulungu Mudaha vyose yakutya nhavi, yakuwacema wanhu wose we yinze yose, ku wulawa kucilima sunga ko kumwezi.

Zabuli 72:17

Litagwa lyo Mutemi, lyeze no lukumyo vilo vyose, no lukumyo lwakwe lwikale sunga ha nghango, yo wung'alale we lizuwa. Ne makungugo gose, gamoteswe muli Mwene, sunga ne wanhu wose wamutye yo mumoti.

Zabuli 72:3

Ho hawe no mulamu mono yisi, ne yisi yose yimeme wiling'ano wako.

Zabuli 72:7

No wiling'ano wulawilicile, mu vilo vyose vyo wikale wakwe, no mulamu nawo wonjezece muno, sunga mwezi kolo wukuduma kumulika.

Zabuli 85:10

Lusungu lwakwe ne mbeka yakwe vyokwitang'anila, nayo ling'ani no mulamu vyokwikumbatila.

Zabuli 89:5

Gwe go Muwaha Mulungu, wulanga wokumya ze mapoto gako, hamonga no wihuwilwa wako mu mhuga ya wono welile.

Zimbazi 8:23

Ane nha nasimywa ku wulawa katali na katali ha mwamulizo, na lono yinze yali yikali si yinawa.

Isaya 10:21

Ne wanhu wacefu wa Isilayeli, wolomuwuyila Mulungu we vilungo.

Isaya 11:5

No wiling'ano wolowa musipi wa mu ciwino cakwe, no wihuwilwa wo musipi wo kwiwopela.

Isaya 16:5

Hanyuma ya zizo, yunji wa muli wana wa Dawudi, yo kolowa mutemi. Nayo mutemi yuyo, kolowatema wanhu ko wihuwilwa na ko wendo. Nayo kanyhi kolowa mupelu ku wituma zo wiling'ano, kanyhi kolosaka ling'ani du yo yitumwe mu wutemi wakwe.

Isaya 26:12

Gwe go Muwaha Mulungu, kocimotya mu milimo yetu yose, hambi nha yo soko ye metumo gako.

Isaya 26:3

Gwe go Muwaha Mulungu, kuwapelaga mulamu wono wukwilaniciye, i wanhu wono wuhile wawo wose wuli kuli'gwe kanyhi wakwitumbiye gwegwe.

Isaya 28:29

Ninga wumanye nha vyono, mahala gaga gose, galawaga kuli Muwaha Mulungu we mihanga. Ne mahweso gakwe go ge cihalahala muno muno, kanyhi nhondo zose gena cambuzi ciwaha.

Isaya 32:1

Na mwizuwa linji kolotema u mutemi mono kolowa mwihuwilwa, ne wawaha wa mu'si, nawo wolotema mu nzila yo wiling'ano.

Isaya 37:32

Namo mu Yelusalemi na mwi'tunda lya Sayuni, molowa mowali wanhu wono wasigaye. Hambi Muwaha Mulungu we mihanga, nha yo yatemya zizi zijele.

Isaya 53:10

Muwaha Mulungu yakutya nhavi, “Nene no mweneco nali nyendile yagazwe, ne lifwa lyakwe, lyali lyo likumbiko lyono likuleta wunenelwe wo wubi. Nayo kowawona wanagwe, kanyhi kokwikala vilo vinji. Na muli mwene, wuhile wangu mo wofisilizizwa.

Isaya 53:2

Hambi nha wali wo wuhile wo Muwaha Mulungu, u mwitumami wakwe yawiluce nhe cilimwa cono cihimbize milela mu yisi nghavu. Yasina futa hamba wuswanu ho cimulanje, hakawa hasina cinji ciswanu muli mwene, hamba cono cocikwega nase ho cimulanje.

Isaya 53:5

Ninga yahomwa so wubi wetu yakatowangwa so mahodango getu gono cetuma, Nase cikuponywa so wulipicizwe wakwe wono yawutuga. Na so wutamiswe wakwe, ase mo ciponyezwe.

Isaya 63:16

Hambi'gwe nha wuli sogo yetu. Sunga ne walezi wetu Abulahamu na Yakobo, si wacimanyile ase yaye. Ninga agwe go Muwaha Mulungu, agwe yo gwegwe sogo yetu. Yo gwegwe mono kuciponyaga nhondo zose.

Isaya 66:12

Nayo Muwaha Mulungu yakutya nhavi, “Ane nomupelenyi wumoteswe we cibitilila. Ne sawo ye makungugo yomuhulumilenyi nhe 'kolongo lyono si linyalaga yaye. Nanye mowa mwihwanile nho mwana mudodo, mono yakukocwa no nyina, kawa kukumbatilwa mu mawoko no kutendelwa ko wendo wuwaha.

Isaya 7:14

Ale, du, ninga Muwaha Mulungu mweneco komupelenyi citanjilo. U muhinza kodinghula 'nda, nayo kolela mwana wa cilume, ne litagwa lyakwe kocemwa ‘Imanuweli.’ ”

Isaya 8:18

Nane 'lu, nili bahano hamonga ne wana wono Muwaha Mulungu yamhela, Muwaha Mulungu we Mihanga, mono ligoda lyakwe lyo wutemi, lili mwi'tunda lya Sayuni. Nayo kacituma ase ciwa nha vitanjilo ne mezino kuli wanhu wa Isilayeli.

Yelemiya 31:22

Alo ho mokangamyanga sunga nili lo, anye nyo wanhu wo wihuwilo wucefu? Hambi 'ne, nha nawumba nghani yinji mhya mono'nze, yono yisimajiye, nha vyono u mucekulu yo komulondola u mulume.”

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Hagayi 2:9

Nyumba 'mhya yo Mulungu, yolowa swanu muno muno kuciza yinongozi. Nane baho nolowapela wanhu wangu wumoteswe no mulamu.” Vyo yakutya Muwaha Mulungu we Mihanga.

Matayo 1:1

U wityatye we ndelwa ya Yesu Kilisito mono yali we ndelwa ya Dawudi, wa mu ndelo ya Abulahamu. Na awuno ahano wo wityatye we mhuga yakwe vyono yinha.

Matayo 1:23

“Langa ta, u musindile kolodinghula muda, nayo kololela u mwana we cilume, nayo kocemwa Emanuweli. Nhunizo yayo wo wutya, ‘U Mulungu yali hamonga nase.’ ”

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Luka 1:35

Malayika yakapitula yakamutya, “U Muhe mono yelile kokuziza, ne vilungo vyo Mulungu Mono Yalawiliciye vyokusiciliza. Holeka mwana mono kolela, kocemwa Yelile, Mwana wo Mulungu.

Luka 2:11

hambi izuwalili nha mulelelwa Muponyi ku soko yenyu, mu kaya ya Dawudi, yo Kilisito u Muwaha.

Luka 2:14

“Lukumyo kuli Mulungu kucanyha, na kono'nze mulamu kuli wanhu wono wakumunojeza.”

Luka 21:15

hambi nha nomupelenyi mahala no wizuce wo kulonga, vyono walugu wenyu wose si wosuma kuvimila hamba kupinga.

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 1:16

Hambi mu wukwilanicile wakwe, nase mo cikubocelela lihewa lyakwe cibitilila.

Yohana 14:27

“Mulamu nghumulecelenyi, mulamu wangu nghumupelenyi, si nghumupelenyi anye kotya nha vyono yinze yilavyaga. Mulece kugazika mu nhumbula, hamba mulece kwihwelela.

Metumo ge Watumwa 10:36

Ayi yo nghani yo Mulungu yono yawategulila iwanhu wa Isilayeli, yakuganula u Luganuzi Luswanu lono lukuleta mulamu muli Yesu Kilisito, mono yo Muwaha wa wose.

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nhavivyo, wule, si kocipela ne ziswanu zose?

Walumi 9:5

Wene wo wezukulu we wakoko, nayo Kilisito ku lubavu lo wunhu wakwe, yalawilila mu mbeyu yawo. U Mulungu mono yatemile muli vyose, yalumbwe cibitilila, Heya.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

1 Wakolinto 15:25

Hambi Kilisito nha si koleka kutema, sunga u Mulungu kolo yakondya kuwasuma i walugu wakwe, no kuwawika hasi ye magulu gakwe.

2 Wakolinto 5:19

Wo wutya, u Mulungu yakuyilamula yinze no mwene mu nzila ya Kilisito, no kuleka kuwawalila wanhu u wubi wawo. Umwene yacipela nghani yo kuwalamula i wanhu no Mwene.

Wukumbucize wo Wulajilize 10:17

Hambi Muwaha Mulungu, u Mulungu wenyu, nha yo Mulungu we milungu yose, kanyhi yo munghala vilungo vyose. Mwene yo Mulungu mono Yalawiliciye kanyhi yo we vilungo. Holeka yanojeye yogopwe mweneco du. Hambi mwene nha yasina wuwaguzi, hamba si kabocelaga mafupo.

Wakolosayi 2:3

Muli mwene mo wuhundikwe u winji wose we mahala no wumanye.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali ling'ani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lo Mulungu Muwaha no Mukombozi wetu Yesu Kilisito.

Wahebelaniya 1:8

Ninga kuli zo Mwana, u Mulungu yakutya, “U wutemi wako agwe go Mulungu, wikalaga cibitilila ne cibitilila. Nagwe kuwadimaga i wanhu wako kwe ling'ani.

Wahebelaniya 13:20

U Mulungu yamuzukula u Muwaha wetu Yesu Kilisito mono yo Mudimi wetu Muwaha we zingholo, ku soko yo wumwaje we sakami yakwe yono yakangaza i cilagane ce cibitilila.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”

Walamuzi 13:18

Malayika yakamuwuza yakatya, “Nhawule wukusaka wumanye litagwa lyangu? Hambi nhe 'tagwa lya wizine.”