Isaya 9:5 - Luganuzi Luswanu Kuli Wanhu Wose 2002

⁵ Hambi i malatu ge wasilikale vitung'ati mu milewo hamonga ne myenda yawo yono milowece mu sakami, nha yotakamizwa yose mu moto.

Isaya 9:5 ပူးပေါင်းရင်းမြစ်များ

Mwamulizo 32:30

Nayo Yakobo yakahacemela hanhu baho litagwa lya Penuweli, yakutuniliza yakutya, “Ane nimuwona Mulungu wusu kwa wusu, no wumi wangu wupona.”

Zabuli 46:9

Mwene yakuwudumya wulugu mono'nze yose, mwene kabenanjizaga wupinde ne migoha, sunga ne matuka go wulugu gose kagaticimizaga.

Zabuli 72:3

Ho hawe no mulamu mono yisi, ne yisi yose yimeme wiling'ano wako.

Wutuluce 23:21

Holeka mumuhulikaje, kanyhi mweze ne cihuliko kuli zose zono komulonjelenyi. Mulece kumubedegala, hambi nha yo nene mono nimutumile. Nayo hamba si kosuma kumunenelenyi hono mumubedegale.

Isaya 13:4

Ale, hulicizenyi ta i mazozo ge lipuga liwaha lye wanhu, wono wehangulize mu matunda, go mazi ge makungugo, hamonga ne matemi gawo. Muwaha Mulungu u muwaha we milewo, yakuwikaniza mapuga gakwe ge wasilikale so milewo.

Isaya 2:4

Kololamula zo wiwanganile we makungugo mawaha. Nawo wolotyana mimaje yawo yiwe masili, ne migoha yawo yiwe mimaje yo kududulila. Ne makungugo hamba si golokwihoma yaye, hamba kwiwikaniza so wihomi kanyhi.

Isaya 30:33

Ne likombo lyo moto muwaha, lyakondya kuwikanizwa ku wulawa katali, i hanhu hono kolotakamizizwa u mutemi wa Ashuli. Ne likombo lilyo yitali, kanyhi yigazi muno, nalyo limemile lilundo yiwaha lya ngwagu. Nayo Muwaha Mulungu kololyehelela, no mwehelo wakwe wolowa malambi ga moto, gono gololikoleleza moto likombo lilyo.

Isaya 37:36

Lolulolulo malayika wo Muwaha Mulungu yakawa kubita ku nghambi ye Waashuli, yakawa kuwawulaga wasilikale we Waashuli waficile elufu yigana limonga na makumi munana na yihano. Na mwizuwa lye kejete, hakali mitondo muno muno, wasilikale wose we Waashuli wakawa wakondya kufwa!

Isaya 4:4

Nayo Muwaha Mulungu, kwe vilungo vyakwe, kololing'aniza no kulyeza likungugo, no kuwukwema wubi wa Yelusalemi, hamonga ne sakami yono yetika mumo.

Isaya 9:4

Hambi nha wawubenanga lubano lo mutegulo wawo, hamonga ne nghome yono yawatowaga mu mawega gawo. Hambi nha walisuma likungugo lyono lyawewonelaga no kuwatendela kwe vilungo wanhu wako, nha vyono walisuma katali lipuga lye wasilikale we Wamidiyani wo wulugu.

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Yelemiya 23:5

Alu u Muwaha Mulungu yakutya nhavi, “I vilo vikuza, vyono nene no mweneco, nolokwihagulila u mutemi we ling'ani mu wulawa mu lulelo lwa Dawudi. No mutemi yuyo kolotema kwe mahala, kanyhi kolowa kwituma ze ling'ani na zo mugoloka mu yisi yose.

Yelemiya 47:3

Wolohulika nyhinyinho zo wukanyaje we mabangho ge zifwalasi, hamonga ne misindo yo lumangho lwe magali go wulugu, no wulindime we maguludumu gayo. Mwi'zuwa lilyo, i wasogo zo munhu, hamba si wolowuya ne nyuma wawasole wana wawo ng'o, hambi i miwoko yawo nha yolowa yidejepe.

Yoweli 2:5

Na lono zikuguluka musunho mu vizuli vye matunda, cihumbi cazo cihwanile mituka yono yikubita ku wulugu, misindo yazo no mulilo we cihumbi cazo, kotya mahanze makavu gono gakutakamila mu moto. Zipanjile kotya wasilikale wono wewikanize kubita ku wulugu.

Walawi 3:11

Nayo mukohani mono yakulongoza wuhembi, yavikongojele vyose mu cikumbicilo, yiwe yo ndigwa ndavye kuli Muwaha Mulungu.

Walawi 3:16

Nayo mukohani yavikongojele vivi vyose mu cikumbicilo, yiwe ndigwa ya cilavywa, yono yikwendeza kuli Muwaha Mulungu. Mhama yose yo yo Muwaha Mulungu.

Mika 5:1

Anye nyo wanhu wa Yelusalemi, mwikongholaje so wihomi! Hambi nha cakondya kupilimwa! Nawo wamuhoma u mulongola wa Isilayeli!

Nahumu 3:2

Muhulice ta, mazozo ge mililo ye mizipo, ne mazozo ge maguludumu, hamonga ne zifwalasi zono zikubita zikumangha muno muno, hamonga ne nyhinyinho ye matuka go wulugu!

Zakaliya 6:13

U mwene yo kolizenga no kubocela lilumbo lyo mutemi, nayo kuwatema i wanhu wakwe. Nayo mukohani muwaha kolokwima he'goda lyakwe lyo wutemi. Nawo wokwitumana mulimo viswanu kwa mulamu, kanyhi wowa wehulicile.

Matayo 3:11

Ane nghumubaputizizenyi mu malenga, kulajila nha vyono mwanena. Ninga ayulya mono yakuza mu nyuma yangu, yo we vilungo yanyhizize na nene. Nane si nghwiliye hamba kugadinghula ne malatu gakwe. U Mwene komubaputizenyi ko Muhe Mono Yelile no ko moto.

Metumo ge Watumwa 2:19

Kanyhi nololajila imezino ku wulanga kucanyha, ne vitanjilo kono'nze hono hasi, kolowa na sakami, no moto ne nghungulyosi yizito.

Metumo ge Watumwa 2:3

Hobaho zikawalawila zinimi, zikegawa nha malambi go moto ako na ako, zikawatimila yumonga yumonga.

2 Watesalonike 1:8

hamonga ne malambi go moto, ho yawalipicize wawalya wose wono wakumulema u Mulungu, na wawalya wono si wakuluhulika u Luganuzi Luswanu lo Muwaha wetu Yesu.

Walamuzi 13:18

Malayika yakamuwuza yakatya, “Nhawule wukusaka wumanye litagwa lyangu? Hambi nhe 'tagwa lya wizine.”

1 Samwili 14:19

Nayo Sawuli lulo, lono yalongaga no mukohani, akulya nako wucebajile wakawa kucila muno kuwa wuwaha, mu nghambi ye Wafilisiti. Sawuli yakawa kumulonjela mukohani yakumutya, “Alu hasina soko kanyhi yo kumuwuza cinji, Muwaha Mulungu.”