Isaya 9:4 - Luganuzi Luswanu Kuli Wanhu Wose 2002

⁴ Hambi nha wawubenanga lubano lo mutegulo wawo, hamonga ne nghome yono yawatowaga mu mawega gawo. Hambi nha walisuma likungugo lyono lyawewonelaga no kuwatendela kwe vilungo wanhu wako, nha vyono walisuma katali lipuga lye wasilikale we Wamidiyani wo wulugu.

Isaya 9:4 ပူးပေါင်းရင်းမြစ်များ

Mwamulizo 27:40

Nagwe kokwikala mumi ko mumaje wako, nagwe komwitumamila u mwanakwenyu, ninga kolo wukwisukula mu miwoko yakwe, ale kowa wewusa mu wutemye wakwe.”

Zabuli 125:3

Hambi nha si kowaleka i wabi, ho wateme yisi ya we ling'ani, ku soko hono wateme, wowambuza weling'ani nawo wetume wubi.

Zabuli 81:6

“Ane nghayinenula mitegulo yako mu mawega gako, nghakuwusiza kanyhi sunga ne mitegulo, yono wali wudinghuye mu miwoko yako.

Isaya 10:16

Ninga Muwaha Mulungu we mihanga, koleta nhamwa yawalipicize wose wono wajinile. Nawo wotuga wusungu wukali muno mu miwili yawo.

Isaya 10:5

Muwaha Mulungu yakatya, “Gwe Ashuli! Ashuli go nghome yangu yono nokwitumamila ho niwalipicize wawo wono niwakoleywe likuwo.

Isaya 14:25

Nowongomeza Waashuli mu yisi yangu, ya Isilayeli, kanyhi nowakanyanjila mu matunda gangu. Nane nawawusiza wanhu wangu lubano lwe wanhu wa Ashuli, hamonga no mutegulo muwaha wono wadinghuye.

Isaya 16:4

Mucilece cikale mono yisi yenyu. Kanyhi mucicitile kuli wose wono wosaka kucongomeza.” Wukunhulangwe hamonga no wongomezwe, vyose vyolopuluta, na wawo nawo wono wakuyihodanga yisi, nawo nhavivilvya wolopuluta.

Isaya 47:6

Nali niwakoleywe likuwo wanhu wangu nghawa kuwatendela nha kotya si wanhu wangu Nghawawika mu miwoko yako. Nagwe hamba si wawawonela lusungu yaye, sunga ne wakombi wose wukawatendela vibi muno.

Isaya 49:26

Nane nowanoza wono wakukwiwonela wewulaje weneco wose. Nawo wogala no wiwulaji hamonga ne makuwo, Baho ne wanhu wose ho womanya vyono, ane yo nene Muwaha Mulungu, u Muponyi wako, ane yo nene u Mukombozi wako we vilungo wa Yakobo. Mono nghukuponya no kukuleka wuli mwelecele. Kanyhi ho womanya nha vyono yo nene Mulungu nili Muponyi wako, no Mukombozi wako na we vilungo wa Yakobo.”

Isaya 51:13

Alu mwamusemwa Muwaha Mulungu mono yamuwumbenyi, mono yawutandaza wulanga, no kusimya misinji ye yinze? Alu nhawule mukuhila mwikale mu woga, ku soko yo wukali wa wawo wono wakumwiwonelenyi, no wukali wawo wono wewikanize wamongomezenyi? Ninga mumanye vyono wukali wawo si womupamizenyi anye yaye.

Isaya 52:2

Wikung'unhaje wilejehe 'gwe Yelusalemi, winukaje wuwuce mu manghundi, wikale mwi'goda lyako lyo wutemi! Muwopole manyolo gono gali gamuwopilenyi anye nyo wanhu wa Sayuni!

Isaya 54:14

Nagwe kosikamywa mu wiling'ano na mu ling'ani, nagwe hamba si kokwiwonelwa kanyhi hamba kuwa no woga yaye.

Isaya 9:5

Hambi i malatu ge wasilikale vitung'ati mu milewo hamonga ne myenda yawo yono milowece mu sakami, nha yotakamizwa yose mu moto.

Yelemiya 30:8

U Muwaha Mulungu we mihanga yakutya nhavi, “Ne lizuwa lilyo kolo likuza, nololubena lubano lono luli mu zisingo zawo, niwawopole ne manyolo gawo. Na ku wulawa mwizuwa lilyo, nawo si wolowa kanyhi wawanda we wanhu wajenzi yaye.

Yelemiya 48:17

“Holeka anye wose mono mwikaye nayo behi behi, ale, mumulililaje, anye wose mono mwali mulumanyile lukumyo lwakwe. Mweze kulila mukutya, ‘Woyi hee! Mulanje luno, vilungo vyakwe vyo wutemi, vyamuwucila, no lukumyo lwakwe nalo, aluno yeza yawusina.’

Walawi 26:13

Ane, no Muwaha Mulungu, u Mulungu wenyu, yo nene mono namuwusenyi mu yisi ya Misili, ho mulece kuwa wawanda kanyhi. Nghavibenanjiza vilungo vyono vyali vimwibatenyi. Nghamunozenyi mujende mugoloka.”

Nahumu 1:13

Nane aluno novidumya i vilungo vye Waashuli kuli'nye, kanyhi noyidumula ne minyolo yono muwopeywe.”