Isaya 9:3 - Luganuzi Luswanu Kuli Wanhu Wose 2002

³ Gwe go Muwaha Mulungu, kuwonjeleza nyemo yawo, kuwapela wusangalale wuwaha. Wakusangalalila muli zono wuwatendeye, nha vyono wanhu wasangalalaga, lono wali mu nhwanga ye ndudula yo wuhemba wawo, hamba lono wakugawana sawo yono wayitecile.

Isaya 9:3 ပူးပေါင်းရင်းမြစ်များ

Nehemiya 9:23

Wukawapela wana wenji muno, wakawa wenji nhe zinyelezi zono zikwijela ku wulanga. Kanyhi wukawasumila no wulugu wawo, wakekala na mu'si yilya yono wawehuwiza vyono kowapela walezi wawo.

Jobu 12:23

Kagapelaga makungugo vilungo no wuwaha. Ninga kanyhi ho kagasuma no kugongomeza.

Zabuli 107:38

Nayo yakawalugutiza wanhu wakwe, nawo wakonjezeka muno, sunga ne liwalo lye mitugo yawo, nalyo Mulungu yakalyonjeleza muno muno.

Zabuli 119:162

Nane sangalaye so wihuwizo wako, nihwana no munhu mono yawene, cinhu co wuguzi wukamu muno muno.

Zabuli 4:7

Kumhela nyemo mbaha mu nhumbula yangu, kuciza wene wawo, hamba wawe wena wuhemba winji hamonga ne divayi.

Isaya 10:26

Ane no Muwaha Mulungu we mihanga, nowakunanga no mukotya wangu, nha vyono nawakunanga i wanhu wa ku Midiyani he'bwe lya Olebu. Nowalipiciza Waashuli, nha vyono nayilipiciza Misili.

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Isaya 14:5

Hambi Muwaha Mulungu nha yakondya kuvidumya i vilungo vye watemi wabi,

Isaya 25:9

Nazo zizi kolo zejela, wanhu wose wololonga watye, “Mbeka, heya! Ayu yo Mulungu wetu! Nase comwitumbila mwene, nayo nha yaciponya. Mwene yo Muwaha Mulungu! Nase cakondya kumwitumbila. Nase luno cisangalaye muno, kanyhi cina nyemo mbaha, vyono mwene yakondya kuciponya.”

Isaya 26:15

Gwe go Muwaha Mulungu, walinjifya likungugo lyetu, wayigazimhya ne mipaka ye yisi yetu mbavu zose, ne nghani yiyi yo yikupelile lilumbo yiwaha.

Isaya 35:10

Nawo wolokwinjila mu Yelusalemi wasangalaye, wakwimba ne mazi mawaha so nyemo, wolowa wasangalaye cibitilila, hambi wukalale no wusungu nha vyolowucila lukulu muli wene.

Isaya 35:2

Nayo nyika yolokwimba no kusangalala so nyemo, hambi nha yolowa yanoga yawa swanu nhe matunda ga Lebanoni, na kanyhi yowa yina moso nhe migunda ya Kalimeli na Shaloni. Ne wanhu wose woloyiwona nhojo yo Muwaha Mulungu. Kanyhi wolowuwona wuwaha ne vilungo vyakwe.

Isaya 54:1

Agwe Yelusalemi, wali wihwanile mucekulu mugumba mono si kalelaga, ninga luno kokwimba muno ko wusangalale. Hambi nha kowa wina wana wenji muno wucizize no mucekulu mono yena no mulume wakwe.

Isaya 55:12

“Holeka nanye molowuka mu Babiloni musangalaye, kanyhi molotegulwa kunze ye likaya ko mulamu. Nago matunda ne vigongo mwi'pango lilyo vyolobahuka so wimbe, imibici nayo yolozoza ne nyemo mbaha.

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Isaya 61:7

Ne cevu cenyu colowucila lukulu. Hambi lu nha molowa mwikaye mu yisi yenyu nyo weneco. Ne sawo yenyu yolokonjelezeka kali kejete. Ne nyemo yenyu yolowa ye cibitilila.

Isaya 65:14

Wene wolokwimba so nyemo, ninga anye mololila so wukalale wa mu nhumbula.

Isaya 65:18

Holeka 'lu musangalale no kuwona nyemo cibitilila muli yono nghuwumba. Langa ta! Yelusalemi mhya yono nghuwumba, yolowa yimemile nyemo, ne wanhu wayo wolowa wasangalaye muno.

Isaya 66:10

Musangalalane hamonga na Yelusalemi, musangalalane nayo. Nanye wose mono mulyendile likaya lili, musangalale hamonga nalyo luno, anye wose mono mwalilililaga!

Yelemiya 31:7

Nayo Muwaha Mulungu yakutya nhavi, “Alenyi nye nyo zinghungugo zimbaha, alu mwimbe ko wusangalale ku soko ya Isilayeli. Mwimbe u lwimbo lwenyu lo lukumyo, muwe kutya, ‘U Muwaha Mulungu kawaponya i wanhu wakwe, kawakomboza na wose wono wali wasigaye.’

Hoseya 4:7

Na mu nghango yono mukucila kuwa wenji, yo nghango yiyo du kanyhi, yono ucila kusutizya 'ne. Holeka nane nolipitula lilumbo lyenyu liwe cevu.

Walawi 26:13

Ane, no Muwaha Mulungu, u Mulungu wenyu, yo nene mono namuwusenyi mu yisi ya Misili, ho mulece kuwa wawanda kanyhi. Nghavibenanjiza vilungo vyono vyali vimwibatenyi. Nghamunozenyi mujende mugoloka.”

Zakaliya 10:8

Nowacema wanhu wangu no kuwakongholela hamonga. Nowakomboza kanyhi nowanoza wonjelezece ho wawe wenji nha vyono wali wenha ha mwamulizo.

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Zakaliya 8:23

Na mu vilo vivyo, wanhu yikumi we cijenzi, wolomuziza muyahudi monga wamutye, cikulomba ciwe hamonga nanye, hambi nha cihulika vyono u Mulungu yali hamonga nanye.”

Luka 11:22

ninga hono yaze yunji mono yamucizize vilungo, yamutowe no kumusumiza, yakumuboka vitwalo vyakwe vyono yetumbiye, no kuvigawa vyose vyono yena navyo.

Metumo ge Watumwa 8:8

Kwali na nyemo mbaha mwi'kaya lilyo.

Wafilipi 4:4

Holeka musecelelele nhondo zose, muli Muwaha! Kanyhi nghutya, Musecelele!

1 Petelo 1:8

Anye mumwendile, hamba muwe simunamuwona, na kanyhi mumwihuwiye hamba muwe simukumuwona lulu. Holeka, mukusecelela muno ne nyemo yo lukumyo siyakulonga.

Walamuzi 5:3

Muhulicize anye nyo watemi! Hulicizenyi nanye mo wawaha! Nokwimba, notowa ne masumbi kuli Mulungu we Waisilayeli, u Muwaha Mulungu.

Walamuzi 7:22

Lono wanhu wa Gideyoni watowaga zindulele zawo. Muwaha Mulungu, yakawatajila wivyajizwe walugu, wakawa kwanza kwitemanga weneco wose ne mimaje yawo, wakawa kutiza wakamanyhila ku Zeletani sunga ku Betishita, wakafika sunga kwi'tumbi lya Abeli-mehola behi na Tabati.

Walamuzi 8:12

Ne watemi wejete we Wamidiyani, Zeba na Zalumuna wakatiza lumangho. Ninga yakawalonda sunga yakawebata. Ne lipuga lyawo lyose lye Wasilikale, likenjilwa ho woga nhinicizo.

1 Samwili 30:16

Hodu yakawa kumutonga Dawudi kuli wene. Nawo wali weza kuwaficila, wakawagana weyagaye caka hanhu hose, wakulya no kung'wa, wakunoza sikukuu ku soko ye vinhu vinji, vyono wali waviteka ku yisi ye Wafilisiti ne yisi ya Yuda.