Isaya 8:9 - Luganuzi Luswanu Kuli Wanhu Wose 2002

⁹ Holeka mwikongholelaje hanhu hamonga ko woga, anye nyo makungugo! Anye nanye mono muli kutali ku zimhelo ze yinze, muhulicize. Alu, mwiwikanizaje so wihomi, ninga mweze no woga! Heya mwiwikanizaje, ninga mweze no woga!

Isaya 8:9 ပူးပေါင်းရင်းမြစ်များ

1 Watemi 20:11

Nayo mutemi Ahabu yakawapitula yakatya, “Ale mubite mukamulonjele Benihadadi nha vyono, u musilikale citung'ati, kekumyaga lono wulugu wapuluta, ninga si kekumyaga yaye lono wulugu wukali.”

Zimbazi 11:21

Na mbeka i wabi wolipicizwa, ninga we ling'ani woponywa.

Isaya 28:13

Na yiyi yo yikuleka Muwaha Mulungu yakumwijizenyi nghani kwa nghani, lucilili kwa lucilili, lisomo kwe 'somo. Nanye ho muwe kwikobazanga magulu lono mukujenda. Na mu wikobaze wenyu, motuga nghomele, mogwizwa, na hanyuma musolwe nha muli wafungwa'

Isaya 37:36

Lolulolulo malayika wo Muwaha Mulungu yakawa kubita ku nghambi ye Waashuli, yakawa kuwawulaga wasilikale we Waashuli waficile elufu yigana limonga na makumi munana na yihano. Na mwizuwa lye kejete, hakali mitondo muno muno, wasilikale wose we Waashuli wakawa wakondya kufwa!

Isaya 54:15

Na hono yunji yaze yakuhome, yuyo kowa kuzinoza zizo mweneco du ninga ane si nimukomboye yaye. Kanyhi munhu wo wose mono kokwisumaniza nagwe, munhu yoyo kolemwa mweneco du.

Yelemiya 42:11

Holeka luno, mulecele lukulu kumogopa kanyhi u mutemi wa Babiloni. Hambi 'ne nha nili hamonga nanye, nane nomuponyenyi mu miwoko yakwe.

Yelemiya 46:3

“I wawaha we Wamisili wakazoza wakutya, ‘Ale, mwiwikanizaje ne zingula zenyu, mubite ku wulugu!

Yelemiya 46:4

Mutandice zifwalasi zenyu Mwime micilili, muvwale ne zikofiya zenyu ze cuma! Munole ne migoha yenyu! Musoleleze hamonga ne vitwalo vyenyu!’ ”

Yelemiya 51:20

U Muwaha Mulungu yakutya nhavi, “Agwe Babiloni, yo gwegwe mono wuli nyondo yangu, kanyhi yo gwegwe mono wuli citwalo cangu co wulugu. Nane nghakwitumamila, ho wugabenanjize makungugo, hamonga no wutemi wayo.

Ezekiyeli 38:7

Holeka wumulonjele nha vyono, yimunojeye yewikanize hamonga ne mapuga gose ge wasilikale, wono wowa wali hasi yo wulindilizi wakwe.

Ezekiyeli 38:8

Na kolo yakondya kupuluta myaka minji, ane nolomulajiliza, yabite yakayihome yisi, yono i wanhu wowa wakongholwa no kugomolwa hamonga, ku wulawa mu zinghungugo zinji, nawo luno wekaye wapolile wasina kanyhi woga wo wulugu. Kanyhi kologahoma ne matunda ga Isilayeli, gono gali gakondya kulekwa no kutuga wambuce vilo vinji muno, i hanhu hono aluno i wanhu wekaye wapolile.

Yoshuwa 11:5

Watemi wawa wose wakelumbaniza, wakawa kwilunza hamonga, wakawa kubita hamonga ne wasilikale wawo wo wulugu, wakawa kusimya nghambi ha cikolongo ca Melomu, ho wehome ne Waisilayeli.