Isaya 8:8 - Luganuzi Luswanu Kuli Wanhu Wose 2002

⁸ Nayo kohuluma no kufika sunga ko ku Yuda, kokola mose, koyigubika yisi yako yose 'gwe go Imanuweli. Ninga Mulungu yali hamonga nase! Mwene kogatandakula mabawa gakwe yayicitile yisi.”

Isaya 8:8 ပူးပေါင်းရင်းမြစ်များ

2 Watemi 17:3

U mutemi Shalamanesa wa Ashuli, yakehoma na Hosheya. Hosheya yakasumwa na Shalamanesa, yakawa yakulavya kodi kuli Shalamanesa mu myaka yose.

2 Zinghomo 12:4

Yakagasola makaya ga Yuda gono gali mazenjele magomawakali, yakajendelela sunga ko ku Yelusalemi.

Isaya 10:6

Nowategula Waashuli wakalihome likungugo lyono lisina cihuliko, wono wanghoza likuwo. Nowategula wakasole vinhu mateka, kanyhi wakahize no kuwakanyanjiza wanhu kotya nhope mu zinzila.”

Isaya 30:28

Mwene kayilongozaga mbeho ku mwande yakwe, yiwa nhe lihwazi lye malenga, yiwa kuvikwanghwaniza vyose vyono yikwagana. Nayo yigafwagulizaga makungugo, yiwa kugongomeza, yiwa kugadumya ne mahweso gawo mabi.

Isaya 43:2

Na kolo mukukola mu malenga matali, ane nowa nili hamonga nanye. Ne magayo genyu, hamba si gomugubizenyi yaye. Na kolo mukukola mu moto, hamba si mopya yaye, ne majelo mawaha muno, hamba si gomusumizenyi yaye.

Isaya 7:14

Ale, du, ninga Muwaha Mulungu mweneco komupelenyi citanjilo. U muhinza kodinghula 'nda, nayo kolela mwana wa cilume, ne litagwa lyakwe kocemwa ‘Imanuweli.’ ”

Isaya 7:17

Ale, alu Muwaha Mulungu kokuletela gwegwe ne wanhu wako, hamonga ne we mhuga yo wutemi vilo vye magazo mawaha muno, kuciza magazo gose gono gamuzizenyi, ku wulawa lono wutemi wa Isilayeli wetemanulila mu wutemi wa Yuda. Ne magazo gago, kologaleta Lezini mutemi wa Ashuli.

Isaya 8:10

Mwihehaje! Ninga hamba si mokwambulila cinji yaye. Anye mulonje du mu nghango yenyu! Ninga yowa nghani ya bwete du. Hambi ase, Mulungu nha yali hamonga nase.

Yelemiya 47:2

yakatya, “Lanje, malenga gakuza gakulawa ku lubavu lwa kusumuka, nago gowa yikolongo lyono limemile, nago golomema no kuyigubika yisi, na vyose vyono vili mumo mu makaya, hamonga ne wanhu wono wekaye mumo. Ne wanhu wololondola wutazi, ne wanhu wose wa mono'nze, wololila ko wusungu wuwaha.

Yelemiya 48:40

U Muwaha Mulungu yehuwiza nha vyono, likungugo lyolokuza, nalyo lyologuluka nha 'ndi, no kugoloza mabawa gayo mucanyha ya Mowabu.

Yelemiya 51:42

Lilenga lifika mu Babiloni, nayo yifunikwa so winji we mawingo gayo.

Ezekiyeli 17:3

ho wamanye vyono ane yo nene Muwaha Mulungu, mono nghuwalonjela vyono, baho katali, kwali na 'ndi mbaha, yono yali yina mazoya maswanu ku wulangwe, hamonga ne mabawa mawaha muno, gono gatandalaga hanhu hawaha. Ale, 'ndi yiyo, yaguluka yikabita sunga mu Matunda ga Lebanoni, na kuko, yikapanyula cisonje co mubici wo muhagata,

Ezekiyeli 26:19

U Muwaha Mulungu yakutya, “Nane nokunoza wuwe kaya yo wambuce, wuwe nhe makaya ge matongo, gono si wekalaga wanhu. Nghugubicize ne lilenga liwaha kusi ku cisolo.

Danyeli 11:10

“Nawo i wana wo mutemi wa Siliya, wolokonghola yipuga yiwaha muno lye wasilikale, wewikanize so wulugu. Nayo yumonga wa muli wene, kolokwipongholeza nhe lihwazi, yakagakundujize magomawakali ge walugu.

Mika 1:9

Hambi zinghomele za Samaliya, nha si zolonoga yaye, na Yuda nayo nhavivyo, yakondya kuficilwa no wugaye, heya, wugaye wakondya kufika sunga mo mu milango, hono wekaye wanhu wangu ku Yelusalemi.”

Mika 5:5

Hono Waashuli waze wayisole yisi yetu no kugabena magomawakali getu, nase cowategula watemi wetu we vilungo wakawahome.

Matayo 1:23

“Langa ta, u musindile kolodinghula muda, nayo kololela u mwana we cilume, nayo kocemwa Emanuweli. Nhunizo yayo wo wutya, ‘U Mulungu yali hamonga nase.’ ”