Isaya 8:6 - Luganuzi Luswanu Kuli Wanhu Wose 2002

⁶ Yakatya, “Alu i wanhu wawa vyono wagalema malenga ga Shilo gono gavwilaga mhola mhola, langa wamucicimilaga mutemi Lezini, no mutemi Peka.

Isaya 8:6 ပူးပေါင်းရင်းမြစ်များ

1 Watemi 7:16

Kanyhi yakanoza mikumbo myejete ya vyuma, yono yali yina wutali wa mita nyejete na lobo, yikajelekwa mucanyha ye masumbili.

Nehemiya 3:15

Shalumu u mwana wa Coli-hoze u mulongola wa Mizipa, nayo yakazenga lilango lye mivwilo, yakaligubika, no winjililo. Yakawicila ne milango yayo, ne vyuma ne makomeyo. Kanyhi he cilamba ca Shela, yakazenga lijinji behi ne busitani yo wutemi, sunga ho ha madalaja gono gabitile mwi'kaya lya Dawudi.

Zabuli 46:4

Holili likolongo lyono malenga galyo, galisangalazaga likaya lyo Mulungu, wikalo wono welile wa Mono Yalawiliciye Muli Vyose.

Isaya 1:20

Ninga hono muleme no kufyula, mbeka mofwa wose mukongojele. Ane yo nene Muwaha Mulungu, mono nizilonjile zizi.”

Isaya 28:2

Ninga 'gwe, walekaje, hambi Muwaha Mulungu, nha yena yunji mono yuli vilungo, we citung'ati, mono kowahoma. Yuyo, kokuza nho mukukunzo we mvula ye mabwe, nho mukukunzo we malenga menji, nago goyigubika yisi yose.

Isaya 30:12

Ninga 'lu, u Mulungu mono yelile, u Mulungu wa Isilayeli yakutya, nhavi, “Alu vyono mwakondya kuzibedegala zono nghumulonjelenyi, nanye mwakondya kuwetumbila wawo wanhu wagazi kanyhi walambi.

Isaya 5:24

Na ku soko yiyo, nha vyono lilambi lyo moto, ligatakamizaga mahanze, na kanyhi, nha vyono mahanze gono ganyalile, gatakamilaga mu malambi go moto, ale, nhavivyo, ne lisina lyenyu nalyo lyowola, ne maluwa gayo nago gonyala, gapemheluswe ne mbeho, hambi nha mwazilema zo wulajilize wo Muwaha Mulungu u Mudaha vyose, u Mulungu we mihanga, u Mulungu mono yelile we Waisilayeli, zono yacijiza 'se.

Isaya 7:4

Wukamulonjele vyono yetuze du, hamba yalece kuwa na woga, hamba kuzilika mu mutima wakwe. Hambi likuwo lyo mutemi Lezini ne wanhu wakwe wa Siliya, hamonga na wo mutemi Peka, nha gasina mbali yo yose, hambi nha wenha vizinga vyejete vyono vikufungha lyosi du.

Isaya 7:6

Hambi nha wakuhila wayisole Yuda, wawogofye wanhu, ho wamutemye u mwana wa Tabeli.

Isaya 7:9

Hamba nhavivyo, nayo Isilayeli nha si yili vilungo yicize Samaliya, ne likaya liwaha lya Samaliya, hamonga ne Samaliya yeneco, nayo si yili vilungo yicize mutemi Peka. “Holeka hono wulece kwihuwila, mbeka hamba si kosuma kusikamywa.”

Isaya 8:5

Muwaha Mulungu yakanonjela kanyhi.

Yelemiya 18:14

Hamba mu mabwe matali ga mu Lebanoni, ho hali mapango ganji, gono gekala gasina seluji lo? Hamba i malenga ge mbeho, gono gakulawa mu vikolongo, vyono vilawiliye mwi'tunda, vinyalaga lo?

Yelemiya 2:13

Hambi i wanhu wangu nha wetuma wubi wuli hejete, wandeka 'ne mono nili muvwilo we malenga go wumi. Wene wehimbila visima vyono vikung'welela mbela mbela, vyono si vyosuma kwikala na malenga.

Yelemiya 2:18

Alu mwene 'gwe, wukwihwesa kotuga cambuzici, hono wubite ku Misili, wukang'we i malenga ga mwi'kolongo lya Nile? Hamba wukwihwesa kotuga cambuzici lo, hono wubite ku Ashuli, wukang'we i malenga ga mwi'kolongo lya Efulata?

Luka 13:4

Hamba wanhu walya we likumi na munana wono wagwilwa no munala ku Silowami, wakawulagwa, mukuwona wawo wali wabi, wacizize wose wono wekaye ku Yelusalemi?

Yohana 9:7

no kumutya, “Wubite wukezuguze mu cilamba ca Silowami.” (nhunizo ye litagwa lili, wo wutya “Mutumwe.”) Nayo u mubofu yakabita, yakezuguza, yakawuya yakuwona.