Isaya 8:4 - Luganuzi Luswanu Kuli Wanhu Wose 2002

⁴ No mwana yuyo lono kowa yakali nawiluka no kumanya kucema ‘Yaya’ na ‘Baba’ I sawo yose ya Damesiki, hamonga ne mateka ga Samaliya, vyosolwa no kutegulwa kuli mutemi wa Ashuli.”

Isaya 8:4 ပူးပေါင်းရင်းမြစ်များ

2 Watemi 15:29

Na mwi'pango lyono Peka yali yatemile, lyo lipango lilyo, nayo Tigilati Pilesa mutemi wa Ashuli, lo yagasolela makaya ga lyoni, na Abeli-beti na Maaka, na Yanowa, na Kedeshi na Hazoli, hamonga ne zisi za Gileyadi, na Galilaya, na Nafutali. Yakawasola mateka ne wanhu wose yakawategula ku yisi ya Ashuli.

2 Watemi 16:9

Nayo mutemi Tigilati Pilesa, baho baho du yakawa kutuluka hamonga ne lipuga lyakwe lye Wasilikale wo wulugu, yakabita yakayihoma Damesiki, yakayisola, yakamuwulaga no mutemi Lezini. Yakawakunza wanhu wose, yakawategula ku Kili.

2 Watemi 17:3

U mutemi Shalamanesa wa Ashuli, yakehoma na Hosheya. Hosheya yakasumwa na Shalamanesa, yakawa yakulavya kodi kuli Shalamanesa mu myaka yose.

Isaya 17:1

Muwaha Mulungu yakutya, “Alu ku wulawa lulu, Damesiki si lyolowa yikaya liwaha kanyhi, langa lyowa yilundo du lye matongo.

Isaya 17:3

Nawo Isilayeli wolowa wasina mudimi, nayo Damesiki yolowusizwa wutemi wayo. Nawo wanhu wa Siliya wono wolowa wasigaye, wolowa mu cevu ciwaha nhe wanhu wa Isilayeli. Ane yo nene Muwaha Mulungu we Mihanga, vyo nghutya.”

Isaya 28:4

No lukumyo lono luwombile lwe walongola wedunhumuzi, lokwajililila lukulu, hambi nha lolagala nhe malimbuko ge mana go mukuyu, gono wagalizaga na lono gakali napililicila.

Isaya 8:5

Muwaha Mulungu yakanonjela kanyhi.

Amosi 1:3

Muwaha Mulungu yakutya, “Wanhu wa Damesiki wetuma wubi kali kenji, na ku soko yiyo nane nowalipiciza. Hambi nha wawatendela vibi no kuwatamisa muno muno wanhu wa Gileyadi.

Amosi 1:5

Nogabenanjiza ne malango ge likaya lya Damesiki no kuwawusa wono wekaye mwi'lolo lya Aveni, hamonga no mutemi wa Betedeni. Ne wanhu wa Siliya, wolosolwa nha wafungwa sunga ko ku yisi ya Kili.”

Yona 4:11

Ma, si viswanu kuli'ne kuyiwonela lusungu Ninawi likaya alilya liwaha mono mowali wanhu wacizize elufu yigana limonga na makumi mejete, wono si wakusuma kumanya zimbi ne ziswanu, hamonga ne zimitugo nyinji!”

Walumi 9:11

Ninga ho Mulungu yejele vyono yena welecele wo kuhagula, na lono wawalya iwana we metundu wakali si nalelwa, na lono wakali si namanya kuhagula iziswanu ne zimbi.

Wukumbucize wo Wulajilize 1:39

“Kanyhi Muwaha Mulungu yacilonjela yakatya, ‘Ne wana wenyu wono wakali wadodo, wono wakali namanya ku wuhagula zimbi ne ziswanu, awo langa wo wolokwinjila mu yisi yiyo, i wana wono anye mwatya vyono, wowa mateka we walugu wenyu. Nane lu wawo, wo nowahaza yisi yiyo.