Isaya 8:15 - Luganuzi Luswanu Kuli Wanhu Wose 2002

¹⁵ Na wenji wokwikobala, wogwa no kubenanjika. Wokwibatwa mu mutego.”

Isaya 8:15 ပူးပေါင်းရင်းမြစ်များ

Isaya 28:13

Na yiyi yo yikuleka Muwaha Mulungu yakumwijizenyi nghani kwa nghani, lucilili kwa lucilili, lisomo kwe 'somo. Nanye ho muwe kwikobazanga magulu lono mukujenda. Na mu wikobaze wenyu, motuga nghomele, mogwizwa, na hanyuma musolwe nha muli wafungwa'

Isaya 28:16

Ninga 'lu, muhulicize zono Muwaha Mulungu yakumulonjelenyi yakutya, “Alu nane nghuwika mu Sayuni musinji wono wuli vilungo, kanyhi wukamile. Kanyhi nghuwika ne libwe lye nhuzi lyo wuguzi wukamu, lyono lyowa lyandicigwe zinghani azi, ‘Wihuwilo wono wukamile, wina no wukangalizi.’

Isaya 59:10

nase luno ceza kutunduwajila nha we cibofu. Hamba mu misi mugati, ase vyo cikwikobala du nha kotya cilo, kotya nha cili mu citi ce yisi ye wafu.

Isaya 7:22

kolowa kutuga mele menji du muli zizo, munghango nha vyono kowa kusaka. Na mbeka, wawo wono wolosigala womi mu'si, wolowa kutuga mele menji du, hamonga no kulya wuci winji muno.”

Yelemiya 6:21

Nane nowanoza wanhu wawa, wekobaze, wagwe. I wasogo zo munhu, ne wana wawo we cilume, ne weyendi wayawo, hamonga ne wekalani wayawo, wose wolo kongomezwa.”

Matayo 11:6

Holeka, yo mumoti u munhu mono si yakuyiwona nghani yo yose yimbi muli nene.”

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Matayo 21:44

Ninga mono kogwa mucanyha ye libwe lilyo, yuyo kobenanjika-benanjika, na hono limugwile munhu wo wose, langa lyomupondanjiza tici-tici.]”

Yohana 6:66

Kusoko ya zizo, wenji wa muli wejizwa wakwe Yesu, wakawuya ne nyuma, hamba si wajendanaga nayo kanyhi.”

Walumi 9:32

Ku soko ya hayi? Ku soko i wene wali wetumbiye metumo gawo, siwetumbila u wihuwilo. Wakekobala mu libwe lyo wikobale,

1 Wakolinto 1:23

ninga 'se, cikumuganula Kilisito du mono yatumbikwa mu musalaba. Ninga kuli Wayahudi inghani yiyi, yili cikobazo kuli wene, na kuli iwanhu wono si Wayahudi, inghani yiyi, wulele du kuli wene,